Pang Shug 1:4 - Lacid Common Language Bible

⁴ Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

Pang Shug 1:4 교차 참조

COUNG" NGHEI 90:2

Boem joem ri aphain" so: too" shi" ziyo' mougmyid yoosoo" ri amyhu: too' shi" mo wigi nang gi pyaid mo too: mo Mangsoo nghoid.

THU' LO" MOUGSOUG" 3:14

Mangsoo gi «Ngoo nghoid nyid ziyo' dakhyoo" ti" ngoo nghoid ga: wigi nyangnu" ri nang tid ca". Ngoo nghoid ein: da" su: ngoo ri nanu" jhang khyoo: nhang: kaid.

ESAIA 11:2

Aseing da" Venyi: gi nya: byumyu" yiri vhoeb wa shid re" Phajhi"- Lasi phajhi" yo' se' jhang: khyoo: ri nyang: ri byid: loo wa. Nyang: gi Aseing da" myid vho: khyoo ri se' wigi nyang: ri phau" myang: byid: loo wa.

ESAIA 41:4

He: zi bui" nhang: su: hang" nghoid la". mhoomyid: da" apoem: ayang: ri hang" myid phyed to" la". Ngoo Aseing gi xang: shi" mashid" moo nyang: nyid nyid. ngoo Aseing gi thang: thang moo nyid nyid wa.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

ZEKHARIA 3:9

Ngoo gi Yoshua da" shidkhoin" moo myojid" nyhed loem: dab da" lug yho' ri zhug too" byid: bye:. Yu" ge'. Ngoo hau: lug yho' tho' moo ngoo kyung" lhid" too" eung: ziri lhid" to" lho: hau: mung" mo akhyeing" ashoeb da" khyoo: ri danyid" dam ngoo shoem" pyam' byid: wa nghoid.

ZEKHARIA 4:10

He: moo" zoo" zei: shid" lo" ayo, moo azhei' kyeung" da" moo" ga: kyi: yang myeung nyid da" byu yigi akhid" Zerubabela lo, moo ci: da" khung: phoug lug ri myang uri ngei pyo: goug yi boem wa. «Hau: myikug ki" jang: nyhed loem: gi Aseing da" myojid" nyhed loem: ri tid zi nghoid. He: myojid" gi moug: gyab goin" jang" mo jo, moo jo, dangain" ri yu" myang zi nghoid»

ZEKHARIA 6:5

«He: zigi mougmyid gyab goin" da" Aseing shidkhoin" mo thu lo" da" lid myid: loem: nghoid» ga: tid.

YOHAN 1:1

He; mougmyid yoo soo" ri aphain" too" shi" mo Mungdang: gi jo, jo, gu nghoid bye. Hau: mungdang: gi Mangsoo yo" dage" nyid. Mungdang: we Mangsoo nyang: nghoid bye.

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 2:9

Ngoonu" gi Pathai meing: Media meing- xlam mung" Mesopotemia mung" Yuda mung" kapadokia mung" pontu mung- Asia mung"-

Roma 1:7

Mangsoo: gi jheddab yoomo nya: byu yi bue" loo wa shid' re" khyen yu to" da" - Roma mo phung: byu dangain" mo jhang khyoo: he: mougsoug" ri lhid" foin: kaid'. Ngoonu" da" nya phoo Mangsoo: yo" - Aseing Yesu Khristu jang" mo je" ju" yo' myenjham" khyoo: ri - nanu" yo" yu boem baja" o".

1Korinthians 1:3

Ngoonu" da" phoo, Mangsoo yo' Aseing Yesu Khristu jang" mo,- ngei pyo: myenjham" khyoo: gi dajo, jo, baja" o".

2~KORINTHU 1:2

Ngoonu" da" phoo Mangsoo yo' Aseing: yesu Khristu gi jeju" yo' ngei pyo: myenjham" da" khyoo: nanu" ri dabyid: nyid baja" o".

HEBRE 13:8

Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

Pang Shug 1:20

Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

Pang Shug 16:5

Houg: lang" gyid ri vhoeb, khang" da" moug: lagyoo: gi nang koid da" dang: phyed khyoo: gi deing nyeung" da" khyoo: nghoid- nang gi akhid" pyaid lid loo" bye: apyaid' moo nyid nyid da" gyeungshang: su: gi nang kyeing" za: nghoid- ga: tid.

Pang Shug 2:12

Pargamu phung da" moug: lagyoo: ri hid: su" ein: lhid" we' he: da" mungdang: gi eig shoid tho' da" lhab, sham: yoo" su- jang" mo nghoid.

Pang Shug 2:18

Thuatira phung da" mauglagyo: jhang khyoo:- hid: su" ein: lhid" we'. He: mungdang: gi myojid" myiyham: doem ti" dab, nyid wigi nya: khyid: gi gyid: gyeing" yhang: ti" doug bang nyid da" Mangso nya: zo: jang" mo mungdang nghoid.

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.

Pang Shug 22:8

Ngoo Yohan gi he: da" khyoo: joem dangain" ri shau" gyo: ziyo' shau" myang su: nghoid. He: khyoo: ri shau" gyo: ziyo' bain, myang thang: ri he: khyoo: joem ngoori toin" shid' da" mouglagyoo: khyid: yang: moo ngoo gi nyang: ri goeb, pid' wa soin.

Pang Shug 3:1

Sardi phung da" mauglagyo: jhang khyoo:- hid: su" ein: lhid" we'. He: da" dang: gi Mangso Venyi nyhed yug yo' kyi: nyhed cab, yoo" su: jang" mo mungdang: nghoid. Nang koid nyid da" moozoo" ri ngoo se. Nang gi kangso' dei nyid ga: fu" nyid nghoid loug we' shid: jo, su: nghoid nyid.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.

Pang Shug 4:5

Hau: zhung: tang mo lhab, myeug nyid ziyo' moug: goem: myheung da" thui: yo' thui: moo" thui: zeing myeung thu lo nyid zhung: tang shid' moo Mangso da" venyi nyhed yug ga: da" myi: bung: nyhed loem: we' dab, jo.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".

Pang Shug 5:6

Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.

Pang Shug 8:2

Hau: thang: ri Mangsoo da" shid khoin" moo yab, jo da" moug: lagyoo: nyhed yug ri ngoo myang- nyangnu" rilaboo" nyhed loem: zheung: byid: to.