Pang Shug 1:18 - Lacid Common Language Bible

¹⁸ Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

Pang Shug 1:18 교차 참조

YOBA 19:25

Nghoid loug we' lo" thang moo ngoo ri goem loem byid: wa su: Mougkhung: moo nyid ziri ngoo se'

YOBA 38:17

Nang ri dayug yug wigi moug: coid jo, da" moovo moug: ri zung" da" khoem" ri toin" shed yu" rhe".

COUNG" NGHEI 18:46

Aseing gi dei nyid su: nghoid- nyang: ri lhoug zung" nyid su: ri coung" nghei we'. Ngoo ri: khyoid yu da" Mangso gyi: thang khyoo: ri nyho: fu" nyid ge'.

COUNG" NGHEI 68:20

Yha" da" Mangsoo gi khyoid yu da" Mangsoo nyang: nghoid bye:. Nyang: gi Aseing nghoid. Shid: gyoin' noogyoin' mo khyoid khyi: yu da- yha" Aseing nyang: nghoid bye:.

ESAIA 22:22

David da" amyed ashen khokham da" vhoo: moo amyeing" akhang" bain sho' nyang: ri ngoo byid wa. Nyang: gi yung" khoem" thau" yo" seing: wa. Nyang: phang ziri hang" ayo" myhid" wa. Nyang: myhid" to" ziri hang" ayo" phang wa.

MATHE 11:23

Kaperna-um we"- nang we moug: moo thug sho tu: to zi shau" wa la". Houg: su" anghoid lang" moo vo moug ju" sho' khyo kaid zi nang shau" wa nghoid. Khasu" wim gari nang ri toin" shid' da" moozoo" zeing gi Sodom moo koid: nghoid rigi Hau: voo gi akhid" nyid" ju" sho' dageing: jo wa zi nghoid.

MATHE 16:19

Ngoo gi nang ri Mougkhung: Mungdain: da" khoem" thoug" joem ri we' byid: wa. Myidjang: tho moo nang tei" too" matoo" gi Mougkhung: tho' moo we' tei" too" wa. Myidjang: tho' moo nang phoid: kaid moo kaid gi Mougkhung: tho' moo we' phoid: kaid wa» ga: tid.

LUKA 24:5

Hau: myiyi: yi gi gye" gyoug yoomo myid gaung: moo goeb yoin" to" boem. Hau: byu eig yug nyangnu" ri doem tid zigi ci: yoomo dei nyid su: ri shid: mo, nyid jang" moo re" sho: nyid go".

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

Roma 6:9

Khristu gi shid: jang" mo doem dei to'' loo" bye: yoomo thang: phyang" khanham we' ashid: loo wa zi ngoonu" se'. Shid: lo" da" khyoo: gi nyang: ri ayo" vhoeb khang" ci loo.

2~KORINTHU 13:4

Khasu" wim gari Aseing: gi pyang" zeung moo baid jen" said to" uri yoem: neung: jang" moo ju" nghoid loug we' akhid" gi Mangso yoem: moo" phung" yoeb khoug: moo dei nyid bye Nyang: we" Khristu yo' dayug za: nghoid nyid boem yoomo yoem: neung: nyid boem- nghoid sho. loug we' nanu" moo bo da" yoem: moo" so' zeing yoomo ngoonu" nyang: yo' dage" dei nyid boem wa nghoid.

GALATI 2:20

Houg: yoomo ngoo nya: gung nyang: dei nyid lo: zi anghoid- Khristu gi ngoo moo kangso dei nyid akhid" ngoo hid: dei nyid da" kangso gi ngoori jheddab yoomo nga" shid re" nya: kangso xoin" to' pyam da" Mangso nya: zoo: ri loem" jeung" da" khoug: moo dei nyid da"Kangso danghoid.

KOLOSE 3:3

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 7:16

Hau: yug gi Khain: jung aya: moo byu wigi nyheung soin' to" da" akhyoo" again khyo" cang lho: aya: tang: too" shau" su: anghoid.Athang agoin da" kangso' yoem: moo" khyo" tang: too" shau" su: nghoid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

Pang Shug 10:6

Apyaid' atoo: moo dadei nyid lho: moug: khung yo' myid jang- panglai yo' ziyoo jo, moo jo, ri phain" to" da" Aseing: ri nghe: lho: jham, tang: yu zigi myang" loo: wa zi anghoid.

Pang Shug 15:7

Dei noem gougnyhoug myid du: mo dadu: gi pyaid di du: moo dadei nyid da" Mangso nheig khoo" yo: da" ziyo' byeung" bo da" sheing: goem, nyhed loem: ri moug: lagyoo: yi nyhed youg bang: da" lo, moo zheung: ab, byid.

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

Pang Shug 20:13

Houg: lang" nam mugdara gi nyang: moo bo da" byu shid: joem ri doem, toug" byid- shid: no khyoo: yo' moovo, moug we' nyang: tu: nyang: moo bo da" shid: mo, ri doem toug" byid: boem- byu dangain" bang: ginyang: nu" nyang: zei: loo bye: lo, moo" yo' dakhyoo" ti"- tarha" dang: phyed' zi shau" nyid boem.

Pang Shug 20:14

Houg: lang" shid: zoug: yo' moovo, moug: gi hau" myi: gyid' thoem" moodu" zei, pyam zi shau' ago". (Hau" myimi: thoem" gieig lheing: ein: shid: da" khyoo: nghoid.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.

Pang Shug 4:9

Hau: da" gougnyhoug myid: ja: gi zhung: tang tho' moo zhoung: jo, da" apyaid atoo: moo dadei nyid su: ri myonhoo: phung" yoeb yo' phoug" tab ngi shab, byid: lho: jeju" so" da" jikhoin" dang: seig joem yo' khoin" khang" moo"-

Pang Shug 5:14

Houg: lang" gougnyhoug myid ja: bang: gi " Amen,, ga: tid ago". Hau: lho: wigi ludaid' yi we' goeb khyo' lho: coung" pid ago".

Pang Shug 6:8

Ngoo lheung: yu" kaid da" uri shoem" shid: yed, da" myang: dadu ri ngoo myang- hau: tho' moo zhoung: jo, da" sarhi' pho myeing. gi shid: zoug: ga: zi nghoid- nya: da" thang: moo gi moovo, moug: cang lo nyid. nyang: gi mougmyid myid: boem mo daboem moo nyid da" byu yi ri meing: byo, gyi koid go" khyo" zooyoid phang" khoug zeing khyo" nooboug: phyoo" boug: zeing yo' myeung khuid" zeig ni zeing khyo" wigi shid: joem: no thang loo" nhang: wa da" yoem: so' yo" ci.

Pang Shug 9:1

Hau: thang: ri wim: yug ein: wa yug- moug: lagyoo: gi laboo" doem moid kaid lang" moug: khung: mo wigi myidjang: tho' khyoo: - kyi: zeing dacab, shu: gyo" jo, bye: ziri ngoo myang- Hau: kyi: ri no, athang da" dung: khuang" mo khoem" thoug" ri ab, byid: to.

1 SAMUELA 2:6

Aseing gi said pyam ziyo' kangso' ri doem byid: nyid da:. Nyang: gi byumyu" yiri moovo moug: khyoo: nhang: kaid wigi houg: bang: ri doem shu" yu nyid da:.