Pang Shug 1:11 - Lacid Common Language Bible

¹¹ Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 1:11 교차 참조

ESAIA 30:8

Nyangnu" gi khayhi' akhyeing" da" bang: nghoid boem khyoo: ri khanham we' lhid" xoem" bue" jo, wa shid re" nyangnu" cite" da" byumyu" yi nghoid boem da" khyoo: ri mougsoug" pug dapug moo lhid" too" wa shid re" Mangsoo gi ngoo ri tid da:.

YEREMIA 30:2

ngoo ri «Ngoo nang ri tid da" gu: ja: khang" moo" ri mougsoug" pug moo lhid" too" we'.

HABAKU 2:2

Aseing gi ngoo ri hidsu" ga: phoug tid «Ngoo pang shug da" mungdang: ri yu" kaid yo' myab yo" nghab wa khyo" hau: ziri lug pyi" yho' joem tho' moo bang bang lhid" too' we'.

ACTS 16:14

Houg: bang: da" phung: mo Thuathra voogung mo pain" mi, phaga: koid da" Ludi ga: da" myiyi: we' dayug bo. Nyang: gi Mangsoo ri coung" pid' noku da" myiyi: dayug nghoid wigi Polu kho" kyo" nyid da" mungdang: ri nheigloem: zhug zhug za: tam" gyo: yu wa shid re" aseing: gi nya: nheigloem: khoem" duang: ri phang byed.

ACTS 18:24

Hau: ayo, moo Alexandru voobyu Apolo ga: su: Yuda byu dayug gi Ephesu voogung khyoo: ju" re. Nyang: gi dang: gye" se' tid su: yo' jhoem: mougsoug" ri gye" si' su: nghoid.

ACTS 20:17

Polu gi Melitu voogung mo wigi phung ludaid' yi nyang: ri re" shau" wa shid re" dang: pyeung: kaid.

1Korinthians 15:32

Byu da" myeing" khyo" tid rigi- Ephesu voo moo" mo da" myeing khuid" zeig ni joem yo' ngoo zain: go" zigi: nga" shid re"- ce: akyu" bo la" shid: byug bye: bang: ri adoem tu: to' dei loo nhang: nghoid rigi- dang: khyang jo, ziyo' dakhyoo" ti"- nyangnu" zoo: pyo: shug pyo: nyid boem shang ci yoomo ga: ri- nab, yo nyid" ngoonu" shid: lo" boem wam: bye.

1Korinthians 16:8

Pentikoti pui" bidnyid ju" sho' Ephesu voo moo" moo: ngoo nyid nyid shi" wa zi nghoid.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

TARHA" TID POIN" 31:19

«Akhid" he: jikhoin" ri lhid" too" we'. Hau: ziri Israela byumyu" yiri jhau" byid: we'. Hougsu" lang" hau: zigi nyangnu" ri sagse: bue" jo, wa.

KOLOSE 2:1

Ngoo gi nanu" shid re" we' Ladoki byu yi shid re" we' ngoo yo' myonhoo: ashau" myang go" yu" da" gootu: byu yi shid re" we' ngoo khayhi' yoem: kaid' voin, wu, lid loo: bye: da" khyoo: nanu" ri ngoo tid kyoo" ba.

1 TIMOTHI 1:3

Ngoo Makedoni mung" khyoo: yhe: lo" uri nang ri ngoo pyeung: too" kho' ziyo' dakhyoo" ti"- Ephesu voogung moo nang ri xo' nyid nhang: noug shi"- hau: khyi, mo byu dayham" shoid da" loem" jeung" khyoo: ri jhoug" byid: nyid boem. Hau: khyoo: ri nang gi toem, pyam' lho: noo: nhang: ca.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

Pang Shug 1:19

Houg: yoomo nang shau" myang bye: da" khyoo: ri we' akhid" jo, jo, gu: ri we' thang: phyang" bue" loo wa khyoo: ri we' lhid" too" we'.

Pang Shug 1:2

Yohan ginyang: shau" myang yu khyoo: ri doem tid khyo" hid: moo bo da" khyoo: joem gi Yesu Khristu khyo" Mangsoo jang" mo pang shug da" mungdang: joem nghoid.

Pang Shug 1:20

Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.

Pang Shug 1:4

Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 10:4

Houg: lang" - moug: goem: thui: mo tid nyid da" dang: khoin" ri ngoo lhid" xoem" too" wa ein: soin' nyid uri moug: khung: mo tid thu' lo da" thui: gi alhid" xoem" too"- moug: goem: thui: nyhed loem: mo da" dang: gi zau" too" we' ga: tid ziri ngoo shau" gyo.

Pang Shug 14:13

Houg: thang: ri moug: khung: mo da" thui: gi " Lhed" xoem" too" we' Aseung: da" moo" ri voin, vu, lho: shid: loo" bang: gi ngi lho, nyid"- ga: tid thui: ri ngoo shau" gyo:- Houg: lang" Venyi we' " Nghoid gyeing" nyang: nghoid- nyangnu" gi sho" jhen: jamjau ziri kham, lho: zei: da" moozoo" mo doug shau" noo: goo" wa", Khasu" wim gari nyangnu" zei: da" moozoo" mo aphoug" gi nyangnu" moo cang loo bye"- ga: tid.

Pang Shug 19:9

Hau: thang: moo mouglagyoo: ngooritid zigi " Hau yang nu" da" loxo' pui" khyoo: khe: too" shau" mo, gi ngilhoo, mo, nghoid ein: lhid" too" we' Hau: lho: hau: " moug: lagyoo: doem, xo' tid zigi " He: dang: gi Mangso da" deungmain" mungdang: nghoid. ga: wigi ngoori tid.

Pang Shug 2:1

Hau: Ephesu phung mo mauglagyo: jhang khyoo:- hidsu" ein: lhid" kaid we' He: da" mungdang: gi lo, yo lo, moo kyi: nyhed cab ci: lho: zhoung: to" da" sheing: myibung: nyhed loem: da" agyoo: moo so" yen" su: jang" mo mungdang: nghoid.

Pang Shug 2:12

Pargamu phung da" moug: lagyoo: ri hid: su" ein: lhid" we' he: da" mungdang: gi eig shoid tho' da" lhab, sham: yoo" su- jang" mo nghoid.

Pang Shug 2:18

Thuatira phung da" mauglagyo: jhang khyoo:- hid: su" ein: lhid" we'. He: mungdang: gi myojid" myiyham: doem ti" dab, nyid wigi nya: khyid: gi gyid: gyeing" yhang: ti" doug bang nyid da" Mangso nya: zo: jang" mo mungdang nghoid.

Pang Shug 2:24

Nghoid loug we' Thuatira voo moo deung nyid shi" da" byu yi dayham" gi hid: yhang: te" akhyeung" da" jhoug" myeing" khyoo: ri abo cang mo, yo' satan da" no, thang phajhi" khyau" khyoo: nghoid ga: subi" tid da" khyoo: moo abo cang loo" loo: za: deung nyid mo, nanu" da" tho' moo gootu: yoo: lid: ngoo afoin: loo.

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 22:10

Hau: thang: ri nyang: gi " He: mougsoug" moo bo da" lapi: dang: ri ayhoem" azau" too"- Khasu" wim gari he: khyoo: dangain" bue" loo wa ayo, gi jhang bye.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.

Pang Shug 3:1

Sardi phung da" mauglagyo: jhang khyoo:- hid: su" ein: lhid" we'. He: da" dang: gi Mangso Venyi nyhed yug yo' kyi: nyhed cab, yoo" su: jang" mo mungdang: nghoid. Nang koid nyid da" moozoo" ri ngoo se. Nang gi kangso' dei nyid ga: fu" nyid nghoid loug we' shid: jo, su: nghoid nyid.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.

Pang Shug 3:4

Nghoid loug we' Sardi voo moo nyang: nya: byimi moo aco' ajhloid alhu: lhu" ci: mo, dajhi' nyid houg: bang: gi moin: yi" mo, nghoid yoomo Byimi phyu: joem ri void ci: lho: ngoo yo' dage" shau" so" yen" boem wa.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.