OBEDIA 1:1 - Lacid Common Language Bible

¹ He: zigi myhang: thang yoem: so' Aseing gi Edom yi da" khyoo: cisu" ga: tid to" ziri Obedia gi lapi: pe: to" zi nghoid. Aseing gi nya: lagyoo: ri byumyu" yi jhang khyoo: nhang: kaid byid: bye: wigi «Soin' ge' too' loo shang- nyhang" Edom ri gyi zain: boem loo: shang» ga: da" nya: mungdang: ri ngoonu" shoug" gyoo: bye:.

OBEDIA 1:1 교차 참조

APOEM AYANG: 25:30

Yaku ri «Ngoo zooyoid kyi'- hau: shi" gyang: lapho' ni ngoo ri dajhi' gam zhoo" we'» ga: tid. (Houg: yoomo nyang: ri Edom ga: myeing myheing byid: bye:.)

APOEM AYANG: 36:8

Houg: yoomo Eso gi Edom boem moug: moo nyid nyid.

APOEM AYANG: 36:9

Hid: bang: gi Edom byumyu" da" phoug" phyid" Eso da" amyed ashen nghoid.

COUNG" NGHEI 137:7

Aseing we" Yerusalem myheug shu" lo" zi shau" da" bidnyid moo Edom byumyu" yi cikoid loo bye: ziri boin: so" nyid we'. Myidjang moo: dab, byug sho' phyo' shoin pyam ge ga: wigi nyangnu" khasu" tid loo bye: ziri boin: so" nyid we'.

ESAIA 21:11

He: zigi Edom yo' sen: da" mungdang: nghoid da:. Edom mo byu dayug gi «Gyi zung" su: we" myen" gi khayhi' myab wigi thang loo" wa la". Khayhi' myab wigi thang loo" wa khyoo: ngoo ri tid kyoo" la» ga: ngoo ri yoid tid da:.

ESAIA 21:12

Ngoo gi «Nab soin: gi ju" re" nyid da:. Nghoid loug myen" we' doem ju" lo loo wa. Nang doem myid: noug wigi nghoid rigi tau" lo" wigi myid: we'» ein: phoug tid kaid da:.

ESAIA 30:4

Nyangnu" da" lagyoo zeing joem gi Egutu voomoo" mo Zoan yo' Hane moo ju" jo, sho' nghoid loug we'

YEREMIA 25:17

Houg: yoomo ngoo gi Aseing da" lo, mo goem ri yu yu wigi Aseing wigi ngoo ri nhang: kaid byid: da" byumyu" dangain" ri byid: wigi nyangnu" ri hougmo shug nhang: bye:.

YEREMIA 51:46

Nanu" shau" gyo: da" ajo lid dang: yoomo seing" anain" goo"- agyug goo". Zain khang" moo" azhung" da" lid dang: nghoid da" mungdain: moo athoug" akhyoug: lid dang:- khokham dayug yo' dayug gyi zain: go" da" lid dang: fu" pyo: ago".

EZEKIEL 35:1

Aseing ngoo ri dang: tid da:.

YOELA 3:19

Nyangnu" gi Yuda mung" ri khaid zain: lho: ce" yooboo we' ayo" da" byumyu" yiri said pyam yoomo Egutu mung" gi moug: koem: bue" lo" lho: Edom mung" we' jham' dung" khe" da" siyoo bue" loo" wa nghoid.

MIKHA 2:13

Mangsoo gi nyangnu" shid re" khyoo: doem phang byid: lho: tungbau meing: khyoo: pyoung" loo" shau" jang" mo nyangnu" ri shu" thu loo wa zi nghoid. Nyangnu" gi voomoo" khoem" joem ri phyo' sain" pyam wigi loid byoin loo" wa zi nghoid. Nyangnu" da" khokham Aseing: nyang: nyangnu" ri shu" thu loo" wa zi nghoid.

MATHE 24:6

Nanu" gi vi: mo jang" mo, Gyipui" lu dang: ri shau" gyo: lo boem wa. Nghoidloug we' agyug adain goo. He: da" khyoo: gi bui" nyang bue" loo wa zi nghoid. Nghoidloug we' mougmyid thang lo" da" ayo, gi anghoid shi.

MARKU 13:7

Jhang moo vi moo gyi khaid meing: byo, ludang: shau" gyo: lo uri nanu" myid amyoo goo"- hau: gu: gi bue" loo ca" nyid nghoid lug we houg: gi lo" thang ayo, gi anghoid shi".