NGOUG JI: 4:8 - Lacid Common Language Bible

⁸ Akhid" koem gi fu" moo" khyoo: joem moo nyangnu" ri hang" we' ase' zi leung jo, ago". Nyangnu" da" myonhoo: joem gi shid: yoomo ceig ceig no, byoug boem bye:. Seig kug su" kyoug byoug da:. Nyangnu" shooyid joem gi shooyoug: joem moo: kyoug dab, pyam ago".

NGOUG JI: 4:8 교차 참조

NGOUG JI: 5:10

Zoo gye" yoid shang" loo yoomo ngoonu" gi noo bau boem bye:. Houg: yoomo ngoonu" shooyid gi myikhyoem yhang: ti" nge" nyid.

YOBA 30:30

Nga" shooyid gi no, loo" bye:. Ngoo gi noo yoem" joem" joem" nyid bye:.

COUNG" NGHEI 119:83

Ngoo gi she: pyam, too" bye: da" shooyid thung: joid yhang: ti" ce" akyu" we' aboo loo nghoid loug we' re" da" amyeing" dang: joem ri ngoo to" myhed pyam nyid zi anghoid.

YOBA 19:20

Nga" shooyid joem gi nga" shooyoug: joem moo tei" lhang" jo, da:. Ngoo gi nga" kangso' yo' gung cen: loid loo bye:.

NAHUM 2:10

Nineve voomoo" gi phyo' sain" pyam zi shoug" bye:. Phang: cau" to" zi shoug" bye:. Jham" dung" khi" bue" byug bye:. Gyug wigi nheigloem: thang bye:. Myonhoo: we' shoem" shid: yid bue" byug bye:. Poid lug ko' ko' nain" bye:. Yoem: goin so' we' goin byug bye:.

YOELA 2:6

Nyangnu" ju" lo" nyid lang" gi yugkhang" moo" gyoug boem ago". Myonhoo: khang" mo" gi shoem" shid: yid bue" lo" byug boem abye: go".

ESAIA 52:14

Nyang: ri shau" myang lang" byu myoo" sho' bang: gi dain mau" byug wa. Nyang: gi byu yo' adu loo sho' gung khyang: myonhoo: thid byug wa.

COUNG" NGHEI 102:11

Nga" da" kangso' gi bidvang zoo" mo bid shoem: yoeb, yhang: ti" nghoid nyid wigi ngoo gi kyoug byoug da" vufu" yoo yo' dadu jo, lo.

COUNG" NGHEI 38:3

Re" da" nheug yo: khyoo: yoomo ngoo atho' tid no nyid bye:. Nga" yooboo joem yoomo nga" da" gung goin" noobau: phyoobau: vang jo, bye:.

COUNG" NGHEI 32:4

Aseing we"- nang gi ngoo ri nyid" ri myen" ri yooboo dam kaid nyid. Zain' vang khoem" mo bid so, gi ngei" ri lhab' kyoug pyam yhang: ti" nga" yoem: so' we' bain sho' kyoug kain" loo" bye:.

YOBA 33:21

Nyangnu" da" gung doem gi gyi" lo: da:. Nyangnu" da" shoo" yau: dangain" ri yo" myang da:.

YOBA 2:12

Nyangnu" gye" vi: shi" mo nyang: Yoba ri myang ago". Nghoid loug we' nyang: ri ase' yu" nghoid ago". Nyangnu" yo" yu" se' boem lang" koug da" khyo" nyangnu" da" byimi ri lang: ceig ziyo' nyangnu" vhuloem moo phei" lhoug: geig gyoin: wigi koug kyi: ngau kaid ago".

LUKA 10:11

Ngoonu" khyid: moo dab da" Nanu" voogung mo phei" lhoug: ri ngoonu" ko: khyoo bye: ein: tid ge'. Nghoidloug we' Mangso da" mungdain: gi nanu" nam moo jhang lo nyid bye: da" khyoo: ri myid boin: ge'.