NGOUG JI: 3:1 - Lacid Common Language Bible

¹ Ngoo gi Mangso wigi yooboo dam byid: ga: zi ci: nghoid ein: ziri si su: nghoid.

NGOUG JI: 3:1 교차 참조

YOBA 19:21

Nanu" gi nga" byencang" yi nghoid. Ngoo ri nheig khyeug yu ge'. Mangso da" lo, wigi ngoo ri baid lheing: kaid bye:.

COUNG" NGHEI 102:11

Nga" da" kangso' gi bidvang zoo" mo bid shoem: yoeb, yhang: ti" nghoid nyid wigi ngoo gi kyoug byoug da" vufu" yoo yo' dadu jo, lo.

COUNG" NGHEI 71:20

Nang gi yau: khi" phu" zo: khyoo: yo' gyoug nain" khyoo: ri nga" tho' moo: thoung" shoug" nhang: nghoid loug we' Loeb duang: khoug: mo we' nang ngoo ri khyoid yu wa zi nghoid.

COUNG" NGHEI 88:7

Nang nheigloem: nge" loung nyid da" khyoo: gi nga" atho' moo: gye" lid sho' nhe, zeug to" wigi hau: nheigloem: nge" loung da" beung: mhoid khoug: moo ngoo gi abyi asain" nyang: nghoid bye:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

YEREMIA 38:6

Houg: yoomo nyangnu" ngoo ri shu" yu wigi khokham kho" vang khoug: moo jo, da" khokham gungthid Malkhia da" gyid thung" khoug: khyoo: tei" wigi ngoo ri khyo' kaid ago". Hau: gyid thung" moo gyid aboo nghoid da:. Thoem" boeb za: dabo wigi houg: moo ngoo noeb lo" da:.

YEREMIA 43:6

Nyangnu" gi Barug yo' ngoo bo bo wigi gyizoug: phoo Nebuzaradan wigi Gedalia da" yu" coung: da" vhoo: moo nyid: to" da" bang: yugkhang" moo" ri shu" yu ago".

YEREMIA 8:21

Nga" byumyu" yi khyoeb mhoin' shoug" yoomo nga" nheigloem: we' gyoeb byug bye:. Ngoo gi koug ngau nyid ngoo gi nheigloem: thang wigi yhoem: shoin: nyid.