NGOUG JI: 2:6 - Lacid Common Language Bible

⁶ Nyang: gi ngoonu" nyang: ri noku lid: lo da" Noku Yhoem: Moo" ri ajab, amoin" koid phyo sain" pyam byid: bye:. Nyang: gi gyeung" shang: bidnyid yo' doug no: bidnyid ri thang byug nhang: bye:. Khokham yo' khainjung phoo gi nya: nheig joem: yo: khyoo: ri dage" shoug" loem zo: abye: go".

NGOUG JI: 2:6 교차 참조

COUNG" NGHEI 74:7

Nyangnu" gi re" da" Noku Yhoem: Moo" ri we' youg khyoeb pyam lho: myi: yo' nghe' pyam abye: go". Houg: yhang: ti" nang ri noku coung" pid da" joyoo ri nyangnu" gi aco ajhoid koid pyam abye: go".

COUNG" NGHEI 76:2

Nya: yoem gi Yerusalem moo: jo, lho: Ziun boem tho' moo nyang: nyid nyid.

COUNG" NGHEI 80:12

Hau: ziri kyam, lheung to" da- khyam: joem ri nang gi ce noem koid ein: phyo' pyam nyid lha" akhid" gi he: da" khyoo: khyo" lid loo" mo, hang" we' hau: zabyid shi" ri shoug" khau" phyo nyid boem abye: ago".

COUNG" NGHEI 89:40

Nya: da" voomoo" vang" khyam: ri nang phyo' pyam byid: wigi nya: gyidab, ri nang byo, yoin" loo" nhang: bye:.

ESAIA 1:13

Nanu" ci: re" da" xoin" joem gi aji amyed danghoid. Nanu" nghe' ngei" da" shoem: nam pyo: xu: shoem: ri we' ngoo ngheing" bye:. Ngoo gi: nanu" da" lhammoo" xain" pui"- Dougno: Bidnyid yo' nanu" da" noku thung" khyo" foem: phung: jang" moo ngoo anau bo boo. Hau: joem gi nanu" da" yooboo joem yoomo dangain" byo, yoin" byug abye:.

ESAIA 1:8

Goem loem wa joyoo ajo, da" zabyid khyam: zung” yug da" zang yo' tung: khoo" khyam: mo zoem" khyam" yhang: ti" Yerusalem za: deing jo, lho: hau: voomoo" ri we' vang: to" da:.

ESAIA 43:28

Nanu" da" vhujhung: yigi nga" gyeung" shang: joyoo ri ayung" alho' koid pyam ago". Hougsu" yoomo ngoo gi: Israela adang moo byo, yoin' zi bui" nhang: wigi Ngoo gi: ngoonya: byumyu" ri aphoug" akhyoid rue" zi shoug" nhang: wa» ga: tid.

ESAIA 5:5

«Nga" zabyid khyam: ri ngoo hid su" koid wa zi nghoid. Hau: ziri kyam' lheing to" da" khyam: ri yu pyam wa. Hau: ziri goem loem to" da" vang khyam: ri phyo' khyo' pyam wa. Houg: lho: hau: ziri siyoo gougnyhoug joem ri zoo: nhang: lho: nang: pye" pyam nhang: wa.

ESAIA 5:6

Ngoo gi hau joem ri myo, se: nhe' pyam nhang: pyam wa. Zabyid nei ri acu: shang: wa. Hau: ziri akhoeb nu" byid: wa. Hau: gungthid hau: jang" moo myo, lam" yo' zu: kyin: joem nghoeb nhang: wa. Hau: adang moo moug: voo byid: wa ziri lang" jhoemmoug" ri toem' pyam byid: wa.

ESAIA 63:18

Re" da" gyeung" shang: byu nghoid da" ngoonu" gi ngoonu" da" gyivoo yi wigi daso' zoo: khaid thu pyam' zi shau" lo" boem bye:. Nyangnu" gi re" da" gyeung" shang: joyoo ri nang: nhe" pyam' ago".

ESAIA 64:11

Ngoonu" da" phoug" phyid" yi wigi nang ri coung" byid: da" joyoo - ngoonu" da" gyeung" shang: wigi yung" da" joyoo Noku Yhoem: Moo" gi myi: wigi nghe' pyam' zi shau" abye:. Ngoonu" jheddab da" joyoo joem dangain" gi byo, yoin" jo, abye:.

YEREMIA 17:27

Nghoid loug we' nyangnu" gi ngoo ri tid dang: gyo: wigi Dougno: Bidnyid ri gyeung" shang: bidnyid khyo" phoug" tab cang yhe: ca" ago". Nyangnu" hau: bidnyid moo Yerusalem khoem" joem khyo" yoovoin ce: daja: we' age voin lid:. Nyangnu" voin lid: nghoid rigi Yerusalem voomoo" khoem" joem ri ngoo myi: nghe' pyam wa. Myi: gi Yerusalem khokham kho" joem ri we' nge" khyoeb pyam wigi hang" we' hau: ziri ayo" said pyam goo" wa.

YEREMIA 42:18

«Israela da" Aseing Mangsoo tid zigi ‹Nanu" Egutu mung" khyoo: yhe: nghoid rigi nga" nheig yo: ziyo' nheig joem: yo: ziri Yerusalem voobyu yi dang moo foid shoin" byid: ziyo' dayhang: ti" nga" nheig joem: yo: zigi nanu" adang moo foid shoin" byid: wa. Nanu" gi yu" gyoug yu" lhung: sho' da" myo, jang bui" wa. Byu yigi nanu" ri juang" wigi nanu" myeing ri nheing" khoin" khyo" ci: loo goo" wa. He: joyoo ri khanham we' adoem myang goo" wa› ga: tid da:.

YEREMIA 45:4

Nghoid loug we' ngoo Aseing gi ngoo zhug too" bye: da" ziri baid phyo' pyam wigi ngoo zhung" to" da" agam ri noid, pyam wa. Ngoo gi he: khyoo: ri mougmyid gyab goin" moo koid wa.

YEREMIA 50:28

(Phang: khau: nyid bang: gi Babelon mo phang: lo lho: Yerusalem khyoo: ju" lo ago". Ngoonu" Aseing Mangsoo gi Babelon byu yi wigi nya: Noku Yhoem: Moo" ri phyo' shoin' pyam bye: gang mo khasu" latoo: phug byid: da" khyoo: ri nyangnu" tid ago".)

NGOUG JI: 1:4

Hau: gyeung" shang: da" bidnyid moo: Noku Yhoem: Moo" khyoo: akhid" gi hang" are" noku lo: boem nghoid ago". Hau: joyoo moo: jikhoin" lhoung khoin" da" myiyi: nu" yi dayam dayoo: shoug" lho: khainjung yigi noo kyeing" za: dakyeung" nyid. Voomoo" khoem" joem we' akoem: dajo, jo,. Houg: yoomo Ziun gi nheig koug nheig nge nyid.

NGOUG JI: 4:16

Aseing gi nyangnu" shid mo ce: gung ayoug loo: nghoid da:. Nyang: gi nyangnu" ri khaid sain" pyam bye:. Nyangnu" da" khainjung yiri we' vhujhung: yiri we' cisoin: loo: wa zi anghoid.

NGOUG JI: 4:20

Nyangnu" gi ngoonu" da" kangso' apoem: ayang: ri to" da" Khokham phoo ri jhen" vang lo da" yugkhang" moo" mo, ngoonu" ri goem loem byid: wa ein: ngoonu" myid loem too" su: Aseing wigi: khyen: to" su: ri myheug yu pyam byed: boem ago".

NGOUG JI: 5:12

Ngoonu" da" vhujhung: yigi myheug yu lho: cu" said pyam zi shau" boem ago". Ngoonu" da" apyaid gyi: bang: ri we' aphoug" akhyoid koid ago".

EZEKIEL 17:18

Nyang: gi nyang: koid to" da" jham' tang: dang: yo' dang: theing ri phyo' shoin' pyam da:. Nyang: he: gu: dangain" koid bye: yoomo akhid" nyang: ayo" phang: loid loo wa.

XOIN" NGEI" 26:31

Ngoo gi nanu" da" voomoo" joem ri phyo' shoin wa. Nanu" da" noku joyoo ri phyo' pyam wigi nanu" da" ngei" xoin" ri we' ngeug pyam byid: wa.

MALAKHI 2:9

Houg: yoomo nanu" gi nga" da" khyoo: ri acang ziyo' tarha" dang: phyed uri myonhoo: khyen: boem yoomo byumyu" yi dangain" bang: da" shidkhoin" moo ngoo gi nanu" ri aphoug" akhyoid koid lho: phung youg nhang: pyam wa.