NGOUG JI: 2:5 - Lacid Common Language Bible

⁵ Aseing gi gyivoo dayug yhang: ti" Israela ri phyo shoin pyam bye:. Nyang: gi Israela da" gyidab joem yo' Khokham khoo" joem ri byo, yoin" jo, nhang: bye:. Nyang: gi Yuda byumyu" yi da" tho' moo: athang agoin da" kougshu: khyoo: ci: ri" byid: abye:.

NGOUG JI: 2:5 교차 참조

2 KHOKHAM 25:9

Nyang: gi Noku Yhoem: Moo"- khokham kho"- Yerusalem mo yhouggyen: da" byu yi dangain" mo, da" yhoem: joem ri nghe' pyam da:.

YOBA 13:24

Nang ciwim ngoo ri jang" pyam la". Nang gi ciwim ngoo ri gyivoo dayug yhang: ti" koid la".

YOBA 19:11

Mangsoo gi nheigloem: yoin wigi ngoo ri thougtheung nheig yo: da:. Nyang: gi ngoo ri nya: da" age thang da" gyivoo yhang: ti" koid da:.

COUNG" NGHEI 89:40

Nya: da" voomoo" vang" khyam: ri nang phyo' pyam byid: wigi nya: gyidab, ri nang byo, yoin" loo" nhang: bye:.

COUNG" NGHEI 89:41

So" lid lo" da" byu yi dangain" bang: gi khokham da" ziyoo joem ri khau" yu lo" boem ziyo' nya: yhoem: kyoo" cang" yi dangain" we' nyang: ri juang" yi nyid boem bye:.

ESAIA 29:2

Houg: lho: «Mangso phoin:» ga: myheing da" voomoo" adang mo Mangsoo gi yau: khe" kyi" khyeug zi bui" nhang: da:. Houg mo koug ngau wigi ngougbyid ngougnhab gyo" boem goo" wa. Voomoo" goin" gi suid" za: nghoeb to" da phoin: yhang: ti" nghoid wa.

ESAIA 63:10

Nghoid loug we' nyangnu" gi thougtheung gyi koid boem wigi nya: gyeung" shang: da" Venyi: ri nheig koug nhang: ago". Houg: yoomo Aseing nyangnu" da" gyivoo bue" re" wigi nyangnu" ri gyi koid da:.

YEREMIA 15:1

Hau: thang: Aseing gi ngoo ri «Moshe yo' Samuela eig tang: nyang: he: joyoo moo: yab jo, wigi ngoo ri mho' nyid boem nghoid loug we'. Ngoo gi he: byumyu" ri nheig khyeug myid aci: shug byid: wa. Nyangnu" ri phang: loo" nhang: ge'. Nyangnu" ri nga" shidkhoin" mo khaid pyam we'.

YEREMIA 21:4

Israela da" Aseing Mangsoo tid zigi «Ngoo gi Babelon khokham ri yo' nya: gyidab ri gyi khaid zain: nyid boem da" re" gyidab ri gyo" soem" loo" nhang: wa. Re" gyizoo: yi da" gyi jonu" joem ri voomoo" voo kang khoug: moo ngoo boem too" wa.

YEREMIA 30:14

Nanu" da" jheddab bang: dangain" gi nanu" ri to" myhid pyam abye: go". Nyangnu" gi nanu" ri ci: asoin: loo goo" nghoid da:. Ngoo gi nanu" ri gyivoo yiri yhang: ti" khaid zain: wa. Nanu" da" yooboo joem sung myo: ziyo' Nanu" da" akhyeing" ashoeb moo" gi sung xoo: yoomo nanu" da" yooboo dam gi gye" gyi: da:.

YEREMIA 52:13

Nyang: gi Noku Yhoem: Moo"- khokham kho" Yerusalem mo yhouggyen: byu yi dangain" bang: da" yhoem: joem ri nghe' pyam da:.

NGOUG JI: 2:2

Aseing gi nheig akhyeug loo: za: Yuda mung" mo voogung khang" moo" ri phyo shoin pyam bye:. Hau: mung" hau: meing: ri goem loem byid: da" gyidab joem ri we' phyo khyo pyam byid: bye:. Nyang: gi hau: khokham mungdain: yo' vhoeb khang" bang: ri myonhoo: shoem: loo" nhang: bye:.

NGOUG JI: 2:4

Nyang: gi gyivoo dayug ri yhang: ti" nya: myoovhu" gi ngoonu" khyoo: yeung to". Nyang: gi ngoonu" ngei pyoo: ngei lhoo' za: nyid mo, dangain" ri said pyam byid:. He: Yerusalem moo nya: da" nge" nyid nheig joem: yo khyoo: ri ngoonu" shoug" kham zo: boem bye:.

EZEKIEL 2:10

Hau: lo, gi mougsoug" deing: ri pei: kaid da:. Hougmoo eig shoid goin" lhid" to" ziri ngoo shau" myang. Koug ngau ziri houg moo lhid" to". Ngoug yang" yang" ziyo' noo kyeing" kyeing" zi we' houg: moo bo da:.

1 SAMUELA 28:16

Samuela gi «Aseing nang ri she: pyam lho: re" gyivoo nyang: bui" bye: ri ciwim yoomo ngoo ri khe: nyid lha".