NGOUG JI: 2:4 - Lacid Common Language Bible

⁴ Nyang: gi gyivoo dayug ri yhang: ti" nya: myoovhu" gi ngoonu" khyoo: yeung to". Nyang: gi ngoonu" ngei pyoo: ngei lhoo' za: nyid mo, dangain" ri said pyam byid:. He: Yerusalem moo nya: da" nge" nyid nheig joem: yo khyoo: ri ngoonu" shoug" kham zo: boem bye:.

NGOUG JI: 2:4 교차 참조

2 KHOKHAM MHOOMYID: 34:21

Hau: zigi «Nga" shid re" we' Israela yo' Yuda mung" moo nyid deing nyid da" byumyu" yi shid re" we' Aseing jhang yhe: myid: byid: ge'. He: mougsoug" pug da" jhau" shid khyoo: ri shau" myang boem bye:. Aseing gi ngoonu" ri nheig yo: nyid da:. Ciwim gari ngoonu" phoug" phyid" yigi Aseing da" mungdang: ri acang. He: mougsoug" pug moo koid wa shid re" tid to" da" moo" ri we' akoid nghoid ago"» ga: zi nghoid.

2 KHOKHAM MHOOMYID: 34:25

Nyangnu" gi ngoo ri he: pyam wigi yu phara" gootu: ri xoin" ngei" byid: abye: go". Houg: lho: nyangnu" koid bye: da" moo" dangain" gi nga" nheig yo: khyoo: ri lhu: zhang" kaid da:. Houg: yoomo Ngoo gi Yerusalem ri nheig yo: thougtheung wigi houg: gi nheig yoo: agyoo" wa.

YOBA 19:11

Mangsoo gi nheigloem: yoin wigi ngoo ri thougtheung nheig yo: da:. Nyang: gi ngoo ri nya: da" age thang da" gyivoo yhang: ti" koid da:.

YOBA 6:4

Myhang: thang Mangsoo gi nya: myoo: khaid joem wigi ngoo ri beig abye:. Houg: lho: hau: joem mo myino, gi nga" gung moo byo loo bye:. Mangsoo gi nya: da" gyoug dain ja: ri nga" shid re" jung too" byid: bye:.

COUNG" NGHEI 37:14

Asho" ajhen: bang: yo' ca" nyid bang: ri we' said pyam wa ga: akhyeing" ashoeb bang: gi nyangnu" da" sham ri she: lho: lid: joem ri we' thoung: ci: abye: go".

COUNG" NGHEI 7:13

Nyang: gi shid: nhang: se' da" gyizi ri ci: lho: myi: dab nyid da" nya: myoo: joem ri we' thoung: yeung too" bye:.

ESAIA 42:25

Houg: yoomo nyang: gi ngoonu ri nya: nheig yo: da" yoem: so' ri kham zoo: nhang: wigi gyi khaid pui: da" pyijoem: sho: khaid said khyoo: moo kyi" khyeug shoug" nhang: da:. Nya: nheig joem yo: zigi myi: yhang: ti" Israela mung" goin" ri nge" lo byug da:. nghoid loug we' cibue" nyid ziri ngoonu khanham we' asi'.. Ngoonu" gi hau dangain" mo ciri we' ajhau" yu nghoid da:.

ESAIA 63:10

Nghoid loug we' nyangnu" gi thougtheung gyi koid boem wigi nya: gyeung" shang: da" Venyi: ri nheig koug nhang: ago". Houg: yoomo Aseing nyangnu" da" gyivoo bue" re" wigi nyangnu" ri gyi koid da:.

ESAIA 63:6

Ngoo nheig yo: yoomo byumyu" yi dangain" ri nang: joeb pyam' wigi nyangnu" ri nang: pye" pyam' da:. Ngoo gi nyangnu" da" kangso' suid" ri myidgung khyoo: foid khyo' pyam' byid: bye:» ga: tu" da:.

YEREMIA 10:20

Ngoonu" da" zoem" joem gi phyo' pyam shoug" bye:. Hau: joem ri tei" to" da" tei" joem gi byid shang lo" byug bye:. Ngoonu" da" zooshang: yi dangain" bang: gi phang: shang lo" byug bye:. Ngoonu" da" zoem" joem ri doem tu: zhug wa hang" anyid loo nghoid da:. Hau: joem da" pain" ruang: joem ri koid: lang" byid: wa hang" anyid loo» ga: tid da:.

YEREMIA 21:5

Ngoo gi nang ri nga" yoem- nga" nheig yo: khyoo:- nga" nheig joem: yo: khyoo:- nga" nheigloem: yoin khyoo: dangain" yo' gyi khaid zain: wa.

YEREMIA 30:14

Nanu" da" jheddab bang: dangain" gi nanu" ri to" myhid pyam abye: go". Nyangnu" gi nanu" ri ci: asoin: loo goo" nghoid da:. Ngoo gi nanu" ri gyivoo yiri yhang: ti" khaid zain: wa. Nanu" da" yooboo joem sung myo: ziyo' Nanu" da" akhyeing" ashoeb moo" gi sung xoo: yoomo nanu" da" yooboo dam gi gye" gyi: da:.

YEREMIA 36:7

He: byumyu" ri nya: da" yu" gyoug yu" lhoung: sho' da" nheig joem: yo: ziyo' kyug nhain' bye: yoomo nyangnu" Aseing ri akyu" mho' wigi nyangnu" akhyeing" da" khyoo: joem mo doem phug lheing: loo goo" abe» ga: zi nghoid.

YEREMIA 4:4

Yuda yo' Yerusalem mo byu yi we"- nanu" da" Aseing ngoo yo' dang: theing to" ziri zoem: ci: ge'. houg: lho: nanu" nya: gung ngoo ri shugbyid: we'. Hougsu" akoid boem lang" nanu" koid da" akhyeing" ashoeb da" moo" joem yoomo nga" da" nheig yo: zigi myi: yhang: ti" nge" loo wa. Hougsu" nge" dab lo wigi hau: ziri hang" wigi we' ayo" said pyam goo" wa» ga: tid da:.

YEREMIA 42:18

«Israela da" Aseing Mangsoo tid zigi ‹Nanu" Egutu mung" khyoo: yhe: nghoid rigi nga" nheig yo: ziyo' nheig joem: yo: ziri Yerusalem voobyu yi dang moo foid shoin" byid: ziyo' dayhang: ti" nga" nheig joem: yo: zigi nanu" adang moo foid shoin" byid: wa. Nanu" gi yu" gyoug yu" lhung: sho' da" myo, jang bui" wa. Byu yigi nanu" ri juang" wigi nanu" myeing ri nheing" khoin" khyo" ci: loo goo" wa. He: joyoo ri khanham we' adoem myang goo" wa› ga: tid da:.

YEREMIA 7:20

Houg: lho: ngoo- yoem: moo" bo Aseing gi he: Noku Yhoem: Moo" khyoo: nga" gyoug pho" nheig yo: ziri foid shoin" kaid wa. Ngoo gi hau: nheig yo: ziri byumyu" yi yo' gougnyhoug joem adang moo foid shoin" kaid wa. Houg: lho: seiggam joem yo' shivoo: shiloem gam joem adang moo lang" foid shoin" kaid wa. Nga" da" nheig yoo gi hang" wigi we' ayo" said pyam da" myi: yo' du wa.

NGOUG JI: 1:13

Nyang: gi tho' mo myi: ri nhang: khyo' kaid lho: hau: myi: gi nga" da" ung: khoug: moo: nge" nyid. Nyang: gi nga" shid moo: lhid' thoung: to" wigi ngoo ri myidjang khyoo: she: khyo' pyam bye:. Hau: thang: ri nyang: gi ngoo ri she: pyam to" lho: byeing abyed dam khe" noo nhang: to" da:.

NGOUG JI: 2:5

Aseing gi gyivoo dayug yhang: ti" Israela ri phyo shoin pyam bye:. Nyang: gi Israela da" gyidab joem yo' Khokham khoo" joem ri byo, yoin" jo, nhang: bye:. Nyang: gi Yuda byumyu" yi da" tho' moo: athang agoin da" kougshu: khyoo: ci: ri" byid: abye:.

NGOUG JI: 3:3

Houg: lho: ngoo ri nheig khyeug myid aboo loo: doem baid baid koid nyid.

NGOUG JI: 4:1

Ngoonu" da" lo, lo, doug bang da" sheing: gi shoem: loo" bye:. Noku Yhoem: Moo" mo lugzeing joem gi voogung fu" moo" khyoo: cang lhu: sain" to" boem abye:.

NGOUG JI: 4:11

Aseing gi nya: nheig yo: khyoo: ri yoem: byeung" sho' phain" thu' kaid. Ziun ri myidgung ju" sho' nghe' jhoem" pyam da" myi: ri tab kaid da:.

EZEKIEL 13:13

Akhid" he: zigi yoem: moo" bo Aseing tid zi nghoid. Ngoo nheig yo: zigi vang ri phyo' shoin' pyam wa shid re" thain: da" lid- moug: yo' leig voo ri nhang: kaid loo wa.

EZEKIEL 20:34

Nanu" ri khaid sain" nyhid: to" da" mungdain: dangain" jang" mo ngoo nanu" ri khe: zheing" yu wigi shu" lo da" uri ngoo gi nanu" ri nga" da" yoem: so' yo' nga" nheig yo: khyoo: ri ci: shug byid: wa.

EZEKIEL 22:22

Ngei ri khyoem' moo" myi: moo nghe' shau' pyam yhang: ti" Yerusalem moo nyangnu" ri nghe' shau' pyam wa. Houg: lang" nyangnu" gi Aseing da" nheig yo: khyoo: ri shoug" kham zo: nyid boem ein: ziri se' loo goo" wa.

EZEKIEL 24:25

Aseing tid zigi «Shid: se' da" byu we"- akhid" ngoo gi nyangnu" phoug: lho: ngei pyoo: wa. Nyangnu" yu" ei" nau- yhe: ei" nau da" geing: teing Noku Yhoem: Moo" ri nyangnu" mo yu pyam byid: wa. Houg: lho: ngoo gi nyangnu" da" yuggi zoo: yi yo' myiyi: zoo: yiri shu" yu pyam byid: wa.

EZEKIEL 36:18

Nyangnu" ri nga" nheig yo: khyoo: ri kham: zoo: nhang: bye:. Ciwim gari nyangnu" hau: mougmyid moo byu said moo" shoid ziyo' yu soolhoo: ri no' khyo" hau: mougmyid ri aco' ajhoid koid pyam yoomo nghoid.

EZEKIEL 5:13

«Nang gi nga" nheig yo: ziyo' nheigloem: yoin da" yoem: dangain" ri ngoo nheugdeug da" ayo, ju" sho' shoug" kham zo: loo wa. He: zi dangain" bue" loo lang" nang jhug azug ziri ngoo nheig yoo: yoomo ngoo Aseing nang ri dang: ji bye: ziri nang gyeing" se' loo wa.

EZEKIEL 6:12

Vi: moo nyid bang: gi noo phyoo" shau" wigi shid: loo" goo" wa. Jhang moo nyid bang: gi gyipui" moo said pyam zi shoug" wa. Ashid: loid byoin bang: gi zooyoid wigi shid: lo" byug goo" wa. Nyangnu" gi nga" nheig yo: da" yoem: dangain" ri shoug" kham zo: loo goo" wa.

EZEKIEL 7:14

Laboo" moid kaid wigi yugkhang" moo" gi jen" jen" soin ago". Nghoid loug we' meing: zain: jang: dam khyoo: hang" ayhi: nghoid ago". Ciwim gari: Mangso da" nheig yo: zigi yug khang mo da" adang moo: jo, jo, yoomo nghoid.

XOIN" NGEI" 26:17

Ngoo nanu" ri thougtheung wa houg: lang" nanu" soem" goo" wa wigi nanu" ri ngheing" mo, wigi nanu" ri vhoebkhang" loo goo" wa. Nanu" ri hang" we' akhaid loug we' nanu" gi gye" dain ziyo' tang" phang: yen" goo" wa.

NAHUM 1:2

Aseing Mangsoo gi nyang: ri mishi' zhang myang: loo mo ri ayo" zeung: kham. Nyang: gi nyang: ri thougtheung bang: ri shen" yhen nyid. Nyang: gi nheig yo: ziyo' nyangnu" ri latoo: phug nyid su: nghoid.

NAHUM 1:6

Nyang: nheig yo: lo ri hang" yo" se' dei deung nyid wa lha". Nya: da" gyoug pho" nheig joem: yo: lo ri hang" yo" kham wa lha". Nyang: gi nya: da" nheig yo: myiyham: ri foid shoin" kaid ri nya: shidkhoin" mo lug moo" boem joem gi pheilhoug: bue" loo" bye:.

TARHA" TID POIN" 32:22

Nga" nheig yo: zigi myiyham: yo' dakhyo" dab re" wigi Myid jang dang mo ja: khang" moo" ri nghe" pyam boem wa. Hau: zigi mougmyid khoug: khyoo: ju" vang lo" lho: boem joem da" apoem: agyi: joem ri nge" pyam loo wa.

1 SAMUELA 28:16

Samuela gi «Aseing nang ri she: pyam lho: re" gyivoo nyang: bui" bye: ri ciwim yoomo ngoo ri khe: nyid lha".