NGOUG JI: 1:4 - Lacid Common Language Bible

⁴ Hau: gyeung" shang: da" bidnyid moo: Noku Yhoem: Moo" khyoo: akhid" gi hang" are" noku lo: boem nghoid ago". Hau: joyoo moo: jikhoin" lhoung khoin" da" myiyi: nu" yi dayam dayoo: shoug" lho: khainjung yigi noo kyeing" za: dakyeung" nyid. Voomoo" khoem" joem we' akoem: dajo, jo,. Houg: yoomo Ziun gi nheig koug nheig nge nyid.

NGOUG JI: 1:4 교차 참조

ESAIA 3:26

Voomoo" khoem" moo" joem gi koug wigi ngau lo goo" wa. Voomoo" nyang: nyang: we' myidgung moo gung cen: zhung jo, da" myiyi: dayug yhang: ti" bue" byug wa.

YEREMIA 10:22

Tam" gyoo: ge'. Lu dang: ju" loo bye:. Mougzhung: shoid mo byumyu" damyu" moo lhu: zuang" wigi lu: fu: go" nyid. Hau: byumyu" yi da" gyidab joem gi Yuda voomoo" joem ri khuidkoo" joem nyid da" dain" pyoid yoo bui" nhang: pyam wa» ein: tu" bye:.

YEREMIA 14:2

«Yuda mung" gi koug ngau nyid da:. Nya: voomoo" joem gi yoem: neing: nyid ago". Nya: da" mung" byu yigi myidgung moo kougshu: leung jo, ago". Yerusalem gi pang" yu wa shid re" mho' yoid nyid da:.

YEREMIA 9:11

Aseing tid zigi «Ngoo gi Yerusalem ri byo, yoin" jo, nhang: wa. Khuidkoo" joem nyid da" joyoo koid pyam wa. Yuda voomoo" joem gi hang" anyid da" joyoo Dain" pyoid yoo bue" loo goo" wa» ga: tid da:.

NGOUG JI: 1:21

Ngoo nookyeing" kyeung" da" thui: ri tam" gyoo: byid: la,. Ngoo ri nheig teing ung: teing byid: wa byu hang" aboo. Nga" tho' moo: nang bue" loo nhang: da" kyi" khyeug da" khyoo: joem ri nga" gyivoo joem gi yu" gau nyid boem ago". Nang dangsoo" byid: to" da" bidnyid we' ju" loo nhang: abye:. Ngoo dayam, dayoo: shoug" nyid ti" nga" gyivoo joem ri we' loem zoo: nhang: we'.

NGOUG JI: 5:13

Ngoonu" da" zoolu: yi rigi join yhang: ti" ayoid ayu" lug lheing: zeing ri gyeig nhang: boem. Yug gi nu" yigi ayo" voin da" thang" voin ri voin leung yen" ago".

NGOUG JI: 5:14

Mang: zoo: yigi voogung khoem" moo" duang: moo: azhoung: jo, boem loo:. Zoolu: yigi coung" nghei' thui: ri ayhang: loo: nghoid ago".

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

XOIN" NGEI" 26:22

Ngoo gi nanu" phung: khyoo: gyoug pho" da" gougnyhoug joem ri nhang: kaid byid: wigi hau: joem gi nanu" da" zooshang: yiri ngaid said pyam- nanu" da" gougnyhoug ri ngaid said pyam lho: nanu" khyoomoo" joem jham" coug: youg bue" wa shid re" nanu" ri dajhi kyeing" dateing too" loo: wa.

MIKHA 3:12

Hougsu" wigi nanu" yoomo Ziun gi yoothung" yhang: ti" phug sain" pyam zi shoug" wa. Yerusalem gi byo, yoin" jo, wa gyeung" shang: da" Noku Yhoem: Moo" bouggung we' yooyang" no, bue" loo" wa.