NGOUG JI: 1:2 - Lacid Common Language Bible

² Nyang: gi damyen, goin" ngau, nyid. Ngoug byid gi nya: booloid moo: yau gyo" loo bye:. Xang: shi" mo nya: byencang" yi we' nyang: ri nheig teing zi dayug we' aboo loo. Nyang: yo' zoem" khau: lo da" bidnoem yigi nyang: ri ngeug he: pyam boem lho: akhid" dangain" mo, nyang: ri thougtheung lo boem bye:.

NGOUG JI: 1:2 교차 참조

YOBA 6:15

Nghoid loug we' nga" byencang" yi nanu" gi moug: avoo lang" kyug hei lo" da" gyid zoo: gyung: yhang: ti" ngoo ri mhau' fain" zo: da:.

YOBA 7:3

Lhammoo" dakhyab thang: dakhyab ngoo kang: dei wa shid re" ci: ayoo". Damyen thang: damyen kougshu: zigi nga" jhang ju" lo da:.

COUNG" NGHEI 126:5

Nyangnu" da" myoug: shi" joem ri ngougbyid ngougnhab yo' sain" kaid ziyo' dakhyoo" ti"- Nyangnu" ri gau yi ngei bu: ziyo' doem shau" yham" zheung yu nhang: we'.

COUNG" NGHEI 31:11

Gyivoo joem dangain" bang: yo' yhoem: kyoo" cang" yigi ngoo ri kyoug lho nyid boem ago". Nyangnu" gi khyoo: moo: ngoo ri myang lang- phang: lo" ago".

COUNG" NGHEI 6:6

Ngoo gi myid myoo: ung: loug kyi" khyeug nyid yoomo myen khang" myen ngoo ngau wigi nga" yhoeb yoo deug bye:. Nga" ngoug byid wigi vhu" khug yoem: bye:.

COUNG" NGHEI 69:21

Ngoo zooyoid nyid uri nyangnu" gi ngoo ri myoono, byid: zho" ago". Ngoo gyid shed nyid uri nyangnu" ngoo ri gyid jhen: yeung byid: jhoug ago".

DANG: ZHOEM 19:7

Sho" jhen: su: rigi nya: mang: nya nhung" yi lang" cishu: anhang: nghoid nyid ago- nyangnu" bidnoem ayo" zigi ce: moug" cang aboo. Nyangnu" khayhi' yoem: kaid loug bidnoem age yoo.

YEREMIA 13:17

Nanu" atam" gyoo: nghoid rigi nanu" da" nghoid boin: myid yoomo ngoo gi gau: da" joyoo moo ngoug wa. Aseing da" byumyu" yi thung byu khyo" shu" loo" bye: yoomo ngoo gi nheig khoo" sho' ngau wigi nga" ngoug byid joem yau loo" wa.

YEREMIA 2:25

Israela we"- yu phara" gootu: thang: cang wigi Re" khyid: ri aso" kang pyam nhang: Re" khyung" ri we' ahei' nhang:. Nghoid loug we' nang tid zigi «Anghoid wa ngoo ayo" doem tau" loo. ngoo gi tungbau yu phara" joem ri jheddab byug bye: yoomo nyangnu" thang: khyoo: cang yhi: wa» ga: tid da:.

YEREMIA 3:1

Aseing tid zigi «Yuggi dayug gi nya: da" yhoem: seing: myhi' ri kang" pyam wigi hau: myiyi: gi gootu: yuggi dayug da" yhoem: seing: myhi' bue" lo" nghoid ri nyang: we' adoem ge yu loo wa. He: moo" zoo" gi mougmyid ri bain sho' ayung" alho' bui" nhang: loo wa. Nghoid loug Israela we"- nang gi zooyam phoo myoo" sho' yug yo" lid: lo abye:. Houg: lho: akhid" nang gi nga" jhang doem tau" phang: loo nau da:.

YEREMIA 30:14

Nanu" da" jheddab bang: dangain" gi nanu" ri to" myhid pyam abye: go". Nyangnu" gi nanu" ri ci: asoin: loo goo" nghoid da:. Ngoo gi nanu" ri gyivoo yiri yhang: ti" khaid zain: wa. Nanu" da" yooboo joem sung myo: ziyo' Nanu" da" akhyeing" ashoeb moo" gi sung xoo: yoomo nanu" da" yooboo dam gi gye" gyi: da:.

YEREMIA 4:30

Yerusalem we"- nang gi joem: lo" abye:. Nang gi phe" pain" byimi ciwim shoung: void ci: la". Ciwim yoomo phoug" dab lug ri shoung: void ci: wigi myojid" moo xau" ci: la". Nang gi nanya: gung ri ci: anghoid da" shid re" yung" sho' shoung: ci: da:. Re" da" jheddab zooyam phoo joem gi nang ri ngeug he: pyam abye: go". Houg: lho: nyangnu" gi nang ri said pyam nau ago".

YEREMIA 9:1

Nga" da" vhuloem gi gyid thung" Houg: lho: nga" da" myojid" gi ngau byid gyid cu" nghoid yoo: o". Houg: lang" said pyam shau" da" nga" byumyu" yi shid re" myen" ri nyid" ri yo" ngoug wa nghoid.

NGOUG JI: 1:19

Ngoo gi nga" shoid bo dab da" bidnoem yiri khe: kaid nghoid loug we' nyangnu" gi ngoo ri anau pang" yu loo: nghoid ago". Khainjung yi yo' vhujhung: yigi voomoo" mo fu" moo" khyoo: joem moo: nyangnu" gung du: dei nyid wa shid re" zoo: noem sho: yen" zoore shid: lo" abye: go".

NGOUG JI: 1:21

Ngoo nookyeing" kyeung" da" thui: ri tam" gyoo: byid: la,. Ngoo ri nheig teing ung: teing byid: wa byu hang" aboo. Nga" tho' moo: nang bue" loo nhang: da" kyi" khyeug da" khyoo: joem ri nga" gyivoo joem gi yu" gau nyid boem ago". Nang dangsoo" byid: to" da" bidnyid we' ju" loo nhang: abye:. Ngoo dayam, dayoo: shoug" nyid ti" nga" gyivoo joem ri we' loem zoo: nhang: we'.

NGOUG JI: 1:9

Nya: da" ayoung" ashang: khyoo: ri lei lei yo" myang. Nghoid loug we' nyang: gi: nya: vhu" pi: lo, kyo' shid re" loem zoo: wa khyoo: ri cishu: anhang: nghoid da:. Nyang: leung gyo" lo" da" khyoo: gi yu" gyoug yu" lhoung: khyoo: nghoid nyid. Nyang: ri hang" we' nheig ayo" teing byid. Nya: gyivoo joem gi nyang: ri oung: pyam yoomo nyang: gi Aseing jhang khyoo: nheig khyeug shoomyen: byid: shi" wa shid re" yoid ngau nyid abye:.

NGOUG JI: 2:11

Ngoo gi ngau nyid yoomo myo, kyoem: bye:. Nga" Venyi gi: dayam, dayoo: myid myo: nyid. Nga" byumyu" yigi byo, yoin" zi shoug" lo" boem yoomo kougshu: wigi nga" yoem: goin byug bye:. Zooshang: yi yo' noug" nu" yigi voomoo" khoug: mo fu" moo" khyoo: joem moo mo, leung jo, boem ago".

EZEKIEL 16:37

He: gang mo ngoo gi shid phyang" mo nang jheddab ziyo' nang ngheung" da" re" zooyam phoo yi dangain" ri khe: zheing" yu wa. Ngoo gi nyangnu" ri re" lheing khoem moo shu" nyhid: to" lho: re" byimi joem ri khyoid pyam byid: wigi nyangnu" wigi nang ri shoo" cen: doem: shau" myang nhang: wa.

HOSEA 2:7

Nyang: gi nya: vho: ngei bang: jang" khyoo: cang khaid yhi: wa nghoid loug we' nyangnu" ri cang myhi: wa zi anghoid. Nyang: gi nyangnu" ri cang sho: nghoid loug we' nyangnu" ri ashoug" wa. Hau: thang: nyang: gi «Ngoo gi xang: shi" mo nga" yhoem: seing: pho jang" khyoo: doem tau" loo" wa. Ngoo gi nyang: yo' dage" nyid zigi akhid" tho' mo je ge da» ga: tid loo wa.

MIKHA 7:5

Re" yhoem: kyoo" cang" ri aloem loo re" byencang" yiri we' amyid loem nyid. Re" yhoem: seing: myhi' anghoid lang" re" yhoem: seing: phoo rilang" nang da ja: ja: tid ri zid" lid nyid ca" wa zi nghoid.

Pang Shug 17:13

Hau: da" Khokham" yi daxi: youg bang: gi myid' soin' khyoo: daja: za: bo boem wigi akhyeung" da" gougnyhoug zeing ri nyang: nya: da" yoem: vhoo" yoem: so' yo' amyeing" yoem: so' ri ab, byid: boem.

Pang Shug 17:16

Nang myang da" akhyeung" da" gougnyhoug yo' Khyoug: daxi: loem: gi shava myi: yi: myhi, ri ngheing" yoomo nya: byimi, dangain" lang: shang: pyam byid: lho: shoo" cen: doem: koid to" boem wa nya: da" shoo" ri zo: pyam' lho: deung gu: rigi myi: moo nghe, jhoem" pyam wa nghoid.