NGOUG JI: 1:1 - Lacid Common Language Bible

¹ Shid phyang" mung" byu yi byeung" sho' nyid da" Yerusalem gi akhid" nyang: kyeing" zoongi phyeig nyid bye:. Shid phyang" mougmyid wigi phoug" tab ngi: shab byid: da" voomoo" gi akhid" nyang: gi cougmoo" myhi' yo' du jo, bye:. Gye" reung: da" voomoo" joem mo myonhoo: ngilang: bo thang da" voomoo" gi join, bue" loo" bye:.

NGOUG JI: 1:1 교차 참조

1 KHOKHAM 4:21

Sholumon da" mung" gi Uphrad gyid lang mo zi Philisti moug: yo' Egutu mung" moug: kyoo: moo ju" sho' da" mougmyid joem bo nyid da:. Nyangnu" gi Sholumon da" apyaid thang sho' vhoebkhang" da" akhoug: moo nyang: ri khang" doug kaid byid: nyid boem.

2 KHOKHAM 23:33

Hamad mung" mo Ribla moo Egutu khokham Nekho wigi thung: myheig lhung uri nyang: vhoebkhang" da" ayo, thang byug da:. Yuda mung" ri khang" doug khyo" ngei 2062 joid: jain"- sheing: 20 joid: jain" byid: nhang: da:.

2 KHOKHAM 23:35

Khokham Yehoiakim gi Egutu khokham wigi mho' da" khang" doug kheing" ri byid: wa yoo" sho' koid wa shid re" nyangnu" yoo" zoo: yoo" shug jonu" ri cang wigi mung" byu yi mo kheing" ri koid: yu da:.

2 KHOKHAM MHOOMYID: 9:26

Nyang: gi Uphrad gyid lang mo zi Philisti yo' Egutu mung" mougkyoo" ju" sho' mo mougmyid moo vhoeb da" khokham yi dangain" tho' mo gyi: thang su: nghoid da:.

EZRA 4:20

Khangdoug koid wigi Uphrad gyid lang bidvang shoid mung" du ri vhoeb da" phung gyi: da" khokham gi hau: joyoo moo vhoeb khang" yu" bye: zi nghoid ziri yo" se' yu bye:.

NEHEMIA 5:4

Houg moo gootu: dayham" gi «Ngoonu" gi khokham ri ngoonu" da" yoo yo' zabyid khyam: joem shid re" kheing" kaid wa shid re" ngei jhid" ca" da:.

NEHEMIA 9:37

Hau: mougmyid mo zei thu lo da" shivoo: joem gi nang wigi ngoonu" adang moo vhoeb zoo: nhang: da" khokham yi jhang ju" lo" da:. Ciwim gari ngoonu" yooboo shoid yoomo nghoid. nyangnu" gi ngoonu" yo' ngoonu" da" gougnyhoug joem ri nyangnu" vho: khyo" koid ago". houg: lho: ngoonu" gi xoo: sho' nheigloem: thang nyid boem bye:»

COUNG" NGHEI 122:4

He: voomoo" gi nya: da" amyeing" dang: jo, ziyo' dakhyoo" ti" Aseing ri jeju" coung" byid: wa shid re" Israela byukung: byuko' joem zeung: foem: da" joyoo nghoid.

ESAIA 14:12

O" nab soin: boo" myhu"- Nab soin: moug: bo" nya: zoo: we"- nang gi mougkhung: mo gyo" byug bye: nhung: la". Lai lo da" ayo, moo nang gi byumyu" yiri oung: lo da:. Nghoid loug we' akhid" nang gi myidgung khyoo: du" khyo' pyam zi shau" abye:.

ESAIA 22:2

Voomoo" goin" mo lu: fu: thui: yo' mau" dain ziyo' nhung nhung khoid khoid bue" nyid da:. He: meing: zain: pui" moo shid: lo boem da" nanu" byumyu" yiri khaid zain go" lho: shid: boem zi anghoid.

ESAIA 3:26

Voomoo" khoem" moo" joem gi koug wigi ngau lo goo" wa. Voomoo" nyang: nyang: we' myidgung moo gung cen: zhung jo, da" myiyi: dayug yhang: ti" bue" byug wa.

ESAIA 49:21

Houg: lang" nang gi nanya: gung ri ‹Nga" shid re" he: zooshang: yiri hang" khu: kaid la". Nga" zooshang: yiri ngoo ci: phyug pyam wigi zooshang: ayoo" loo›. Ngoo gi pyoung" shu" loo" shau" wigi khaid thu pyam shoug" bye:. He: zooshang: yiri hang" wigi khu: gyi: kaid la". Ngoo gi dayug kyeing" nyhid: too" shau su: nghoid. Houg ri he: zooshang: yigi khamo ju" re" boem la» ga: tid wa.

ESAIA 50:5

Aseing gi ngoo ri se' gyo: da" myid byid: to" lho: ngoo gi goemlu atoo' anghoid lang" nyang: mo we' ngoo aphug loo:.

ESAIA 52:2

Yerusalem we"- nanya: gung ri koo: we'. Pheilhoug: boem" mo to' lho: nanya: zhungtang moo zhoung: we' Ziun da" thung: byu yi we"- nanu" ri tei" to" da" jangcoo" joem ri khyoid we'.

ESAIA 52:7

Lu dang: gi nghoid da" yug yoo myenjham" da" lu dang: voin wigi boem joem ri lid: phyid lho: re" nyid da" lagyoo: dayug ri Shau" myang zigi gye" mau" pho" zi nyang: nghoid. Nyang: gi oung: doid khyoo: ri tid fu" wigi Ziun ri «Re" Mangsoo gi khokham nghoid da o"» ga: tid.

ESAIA 54:4

Agyug- nang ngi: yoem" zi doem shoug" wa zi anghoid. Nang nyhoem: khyo' pyam zi shoug" wa zi anghoid. Apyaid nge da" yhoem: seing: myhi' yo' dakhyoo" ti" re" da" jhug azug ziri yo' Cougmoo" myhi' yhang: ti" re" da" nheig kyoo" nheig nge bue" ziyo' nheigloem: gyau: ziri nang to" myhid pyam wa.

YEREMIA 31:7

Aseing tid zigi «Byumyu" yi da" gyi: sheung: thang da" Israela gang mo ngei pyoo: tung" jikhoin" khoin" ge'. Nanu" da" coung" nghei jikhoin" khoin" ge'. ‹Aseing gi nya: byumyu" yiri khyoid yu bye:. Nyang: gi deing da" bang: dangain" ri khyoid yu bye:.

YEREMIA 40:9

Gedalia nyangnu" ri «Babelon byu yiri lo, tu: wa nanu" gyoug aca" ein: ziri nanu" ri ngoo dang: byid:. He: mungdain: moo tam: nyid ge'. Babelon khokham dangain" ri dei byid: ge'. Nanu" gi gi za: nghoid goo" wa.

YEREMIA 42:2

Ngoo ri «Jeju" mo ngoonu" tid ziri koid byid: la. Ngoonu" da" Aseing Mangsoo ri ngoonu" shid re" akyu" mho' byid: la. Nyid deing gyoo" bang: dangain" shid re" akyu" mho' byid: la. Goonham' ngoonu" gi myoo" sho' nghoid. Nang myang ziyo' dayhang: ti" akhid" gi ngoonu" dajhi' khyeing" dadeing lo.

YEREMIA 44:2

Myhang: thang Aseing Israela da" Mangsoo tid zigi «Yerusalem yo' Yuda mung" mo gootu: voomoo" joem dangain" dang moo ngo wigi bui" nhang: da" phyo' shoin' pyam ziri nanu nyang: myang gu nghoid bye:. Akhid" ju" sho' lang" byo, yoin" jo, wigi hang" dayug we' hau: joyoo moo anyid loo: nghoid ago".

YEREMIA 44:6

Houg: yoomo nga" da" nheig yo:- nheig joem: yo: ziri Yuda mung" voogung joem moo yo' Yerusalem khyoo: joem moo foid shoin" khyo' kaid wigi hau: voogung joem ri ngoo myi: nghe' pyam wa. Hau: joem gi akhid" nyid" bue" jo, ziyo' dayhang: ti"- byo, yoin" jo, lho: nyangnu" da" myo, shid ti: moo yu" gyoug yu" dain sho' zi bue" loo bye:.

YEREMIA 50:23

Babelon mung" gi mougmyid goin" ri ajab amhoin" baid mhoin' pyam da:. Akhid" hau: baid du ri baid khyau" pyam shau" ago". Hau: mungdain: moo bui" bye: da" moo" moo byumyu" dangain" dain mau" loo goo" wa.

YEREMIA 9:11

Aseing tid zigi «Ngoo gi Yerusalem ri byo, yoin" jo, nhang: wa. Khuidkoo" joem nyid da" joyoo koid pyam wa. Yuda voomoo" joem gi hang" anyid da" joyoo Dain" pyoid yoo bue" loo goo" wa» ga: tid da:.

NGOUG JI: 1:19

Ngoo gi nga" shoid bo dab da" bidnoem yiri khe: kaid nghoid loug we' nyangnu" gi ngoo ri anau pang" yu loo: nghoid ago". Khainjung yi yo' vhujhung: yigi voomoo" mo fu" moo" khyoo: joem moo: nyangnu" gung du: dei nyid wa shid re" zoo: noem sho: yen" zoore shid: lo" abye: go".

NGOUG JI: 2:1

Aseing gi nyang: nheig yo: wigi Ziun ri: ceig no, ziyo' nghoeb to". Nyang: gi mougkhung: mo gyi: sheung: reung: da" khyoo ri: byo, yoin" khyoo: bue" loo" nhang: bye:. Nyang: nheig joem: yo: lo da" bidnyid moo: nyang: gi nya: Noku Yhoem: Moo" rilang" she: pyam too" khari" bye:.

NGOUG JI: 2:10

Yerusalem mo phoug" mang: yigi myid keing: doem: moo sam: zoo: zhung: jo, boem. Nyangnu" gi nyang: nya: vhuloem tho' moo: pheilhoug: geug shoin" ci: lho: nyangnu" gung moo gi: jid: moo" byimi ri yeug ci: ago". Zoomyi: nu" yigi nyangnu" da" vhuloem ri myidjang khyoo: goeb, goem" ci: ago".

NGOUG JI: 4:1

Ngoonu" da" lo, lo, doug bang da" sheing: gi shoem: loo" bye:. Noku Yhoem: Moo" mo lugzeing joem gi voogung fu" moo" khyoo: cang lhu: sain" to" boem abye:.

NGOUG JI: 5:16

Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

EZEKIEL 26:16

Panglai: moo shoo: zoo: shoo: shug da" byumyu" yi da" khokham yi dangain" bang: gi nyangnu" da" khokham zhungtang joem mo gyoo" lo boem goo" wa. Nyangnu" gi nyangnu" da" byisheing: joem yo' za: thau" yung" to" da" nyangnu" da" byimi joem ri khyoid pyam lho: myidgung moo nain" zhung: jo, boem wa. Nyangnu" gi re" vhu" pid: lo, kyo' ri myang lho: atho' tid dain mau" wigi nain" nyid zi ayo" theing: loo: nghoid da:.

EZEKIEL 26:2

Nyang: tid zigi «Shid: se' da" byu we"- He: zigi Turu voomoo" mo byu yi gau yi nyid zi nghoid. Nyangnu" gi ‹Yerusalem gi byo, sain" loo" bye:. Nya: da" ung" zoo: ung" shug da" phaga: yoem: so' bei: byug bye:. Nyang: gi ngoonu" yo' ayo" shi' goo" loo: wa.

EZEKIEL 5:5

Yoem: moo" bo Aseing tid zigi «Yerusalem ri yu" yu" we'. Ngoo gi hau: ziri mougmyid agung moo gootu: mungdain: joem dangain" wigi to" jang" moo to" too" bye:.

XOIN" NGEI" 26:31

Ngoo gi nanu" da" voomoo" joem ri phyo' shoin wa. Nanu" da" noku joyoo ri phyo' pyam wigi nanu" da" ngei" xoin" ri we' ngeug pyam byid: wa.

XOIN" NGEI" 26:33

Ngoo gi nanu" adang moo: meing: byo, nhang: wa wigi nanu" ri tungbau meing: khyo: byo: sain" loo" nhang: wa. Nanu" mougmyid gi jham" coug: youg bui" byug wa. Nanu" da" voomoo" joem gi byo, yoin" jo, boem goo" wa nghoid.

ZEPHANI 2:15

Nyang: nya: da" yoem: ri loem lho: gau: nyu: bye: ga: myid wigi phoug: khuang nyid da" voomoo" gi hid: su" bue" loo wa. Voobyu thoem" byu yigi nyangnu" da" voomoo" ri mougmyid tho' moo gyi: thang ga: jho: nyid ago". Hau: zigi: jham" coug: youg da" joyoo- siyoo gougnyhoug lam" joem nyid da" joyoo danghoid loo nhung: lha". Hau: vooyam khyo" lid loo" bang: we' gyo, shi" gi yid yid ga: gyoug nain" lho: tau" phang: loo" goo" wa.

Pang Shug 18:7

Nyang: gi nya: gung ri koid yu da" myonhoo: phung" yoeb, yo' gung shoo" pyo: khyoo: rishau" kham, zo: nyid ziyo' dakhyoo" ti"- nyang: ri koug shu: myid' myoo: ung: loug ziyo' sho" jhen: zi shau" nhang: ge'. Khasu" wim gari nyang: gi " Ngoo gi Khokham" myhi, nghoid- cougmoo" myhi, anghoid- ngoo gi khanham we' nheig koug nheig shu: khyoo:- shau" wa zi a nghoid, ga: wigi nya: gung ri nyang: tid yu nyid da.