NEHEMIA 9:37 - Lacid Common Language Bible

³⁷ Hau: mougmyid mo zei thu lo da" shivoo: joem gi nang wigi ngoonu" adang moo vhoeb zoo: nhang: da" khokham yi jhang ju" lo" da:. Ciwim gari ngoonu" yooboo shoid yoomo nghoid. nyangnu" gi ngoonu" yo' ngoonu" da" gougnyhoug joem ri nyangnu" vho: khyo" koid ago". houg: lho: ngoonu" gi xoo: sho' nheigloem: thang nyid boem bye:»

NEHEMIA 9:37 교차 참조

EZRA 4:13

Nyangnu" gi voogung yo' vang khyam: lugxi' bain xi' lo" nyid nghoid loug we' gam" boem" akaid yoomo re" khokham vang" moo akyu" yoem" wa zi khokham nang si' baja".

EZRA 6:8

Hougsu" wigi nyangnu" gi Noku Yhoem: Moo" koid nyid jang" moo bo pang" ge' ein: ngoo nanu" ri amyeing" byid: nau zi nghoid. Nyangnu" moo" agyo wa shid re" ci: yhung: ca" zi dangain" ri Uphrad gyid lang bidvang shoid mo yo" koid: yu da" khokham gam" boem" mo myab myab byid: wa zi nghoid.

EZRA 7:24

Nanu" gi khainjung yi Levi yi music phung: yhoem: zung" bang: moo" zei: bang: yo' gootu: he: Noku Yhoem: Moo" yo' sen: bang: ri gamboem yo" khyu: wa zi anghoid.

NEHEMIA 5:8

«Ngoonu" gi nyangnu" nya: gung ri tungbau yi jhang oung" pyam ca" wigi oung" pyam bye: da" ngoonu" Yuda mang: nhung" yiri ngoonu" ge bue" da" yhi' doem tau" qei yu bye:. Akhid" nanu" gi nanu" nya: mang: nhung" yiri nyangnu" nya: bidnoem seing" cang" Yuda byu yi jhang nyangnu" nya: gung ri oung" zoo: ca" wa khyo" agyoo: atho' phain" nyid ago"» ein: tid bye:. Vhujhung: yigi sam: zoo: nyid nyid wigi ci: we' ayo" tid nghoid ago".

NGOUG JI: 5:5

Ngoonu" gi loo zei: joem Gola-ug yo' dakhyoo" ti" baid koin" zi shau" boem bye:. Myung: boem bye: nghoid loug we' no: yu wa akhang" abyid: nghoid ago".

XOIN" NGEI" 26:17

Ngoo nanu" ri thougtheung wa houg: lang" nanu" soem" goo" wa wigi nanu" ri ngheing" mo, wigi nanu" ri vhoebkhang" loo goo" wa. Nanu" ri hang" we' akhaid loug we' nanu" gi gye" dain ziyo' tang" phang: yen" goo" wa.

YOHAN 8:33

Hau: da" byu yi gi Ngoonu" gi Abraham da" nya: myid nya: zoo: yi nghoid. Khanham we' sube" join, abue" yu" boem- Nanu" ri lhoid pyoin kaid wa ein: nang ci: koid; tid ga: myid boem.

TARHA" TID POIN" 28:33

Tungbau byu damyu" gi nanu" gye" yoem: kaid wigi sho" to" da" gugshi" meishi" dangain" ziri yu pyam byid: wa. Nanu" nyang: gi ci: ashau" yu wa. Nghoid loug we' ayo, byeung" sho' moo doin: zeig ziyo' anoug akhyoid koid zi shau" boem wa.

TARHA" TID POIN" 28:39

Nanu" zabyid khyam: koid wigi hau: ziri yu" coung: nghoid loug we' hau: joem ri shoug" zheing" yu wa zi anghoid. Hau: joem mo zabyid yhid: shoug" shug wa zi anghoid. Ciwim gari zabyid gam ri tungdi: wigi zo: pyam wa zi nghoid.

TARHA" TID POIN" 28:48

Hougsu" yoomo nanu" gi nanu" ri thougtheung wa shid re" Aseing wigi nhang: kaid wa gyivoo yiri yhe: dei byid: ca" wa zi nghoid. Nanu" gi voem yoid gyid shid ziyo' shoo" cen: doem: nyid wa zi nghoid. Ja: khang" moo" ca" goo" wa. Aseing gi nanu" ri nanu" joem: loo" sho' anoug akhyoid yhen' wa zi nghoid.

TARHA" TID POIN" 28:51

Nyangnu" gi nanu" da" yhoem: gougnyhoug joem yo' gug shi" mei: shi" joem ri zo: pyam wigi nanu" gi zooyoid shid: goo" wa. Nyangnu" gi nanu" shid re" shivoo:- zabyid yhid:- zhainloin: xu:- nu: yo' yang ce: daja: we' ateing too" byid: wigi nanu" shid: shoug" wa nghoid.