NEHEMIA 9:15 - Lacid Common Language Bible

¹⁵ Nyangnu" zooyoid uri nang gi nyangnu" ri mougkhung: mo zooyho' khyoo' byid: da:. Nyangnu" gyid shid lang" lug moo" boem mo gyid byid: da:. Nang gi nyangnu" ri byid: wa ga: dangsoo" to" da" mougmyid ri yhe: seing: yu wa shid re" tid bye:.

NEHEMIA 9:15 교차 참조

APOEM AYANG: 14:22

Abram gi «Ngoo gi mougkhung: yo' myidjang ri phain" so: da" myhang: thang Mangsoo Aseing shidkhoin" moo dang: theing too" bye:.

NEHEMIA 9:20

Nang gi re" gyi: sheung: khyo" nyangnu" koid ca" ziri nyangnu" ri tid shid da:. Nang gi nyangnu" ri Manna byid: zho" lho: shug gyid byid: jhug da:.

COUNG" NGHEI 114:8

Nyang: gi lug pyung: yoin" ri gyid thoem joem bui" nhang: lho: lug moo" boem joem ri yau, nyid da" gyid bug joyoo koid pyam bye:.

THU' LO" MOUGSOUG" 16:4

Aseing gi Moshe ri «Akhid" ngoo gi nanu" dangain" bang: shid re" mougkhung: mo zoo: shug vo khyoo' byid: wa. Byumyu" yigi nyid" khang" nyid" yhe: wigi hau: nyid" shid re" gi" koo: koid: yu wa zi nghoid. He: khyoo: khyo" wigi nyangnu" nga" jhoug" shid khyoo: ri cang ago" la' ein: ziri ngoo yo" jham" ca: yu" wa zi nghoid.

THU' LO" MOUGSOUG" 17:3

Nghoid loug we' byumyu" yigi gyid gye" shid ziyo' xo' wigi Moshe ri myeing" myoo: bye:. Nyangnu" gi «Ciwim yoomo nang ngoonu" ri Egutu mo shu" thu lo la". Ngoonu" yo' ngoonu" zoo: yi ngoonu" gougnyhoug joem ri gyid shid wigi shid: nhang: wa ein: rhe"» ga: tid ago".

THU' LO" MOUGSOUG" 17:6

Re" shidkhoin" mo Sina boem lug moo" zeing tho' moo ngoo yab jo, wa nghoid. Lug moo" zeing moo baid we'. Houg: lang" byumyu" yi shug wa shid re" hau: jang" mo gyid thu ri" wa zi nghoid» ga: tid. Moshe gi Israela byumyu" vhujhung: yi da" shidkhoin" moo hougsu" koid bye:.

THU' LO" MOUGSOUG" 6:8

Ngoo nanu" ri Abraham- Isag- Yaku yo' geing: teing dangsoo" to" da" mung" khyoo: shu" loo" wa. Houg ziri nanu" seing: da" mung" khyo" nyang: byid: wa zi nghoid. Ngoo gi Aseing nghoid›» ga: tid bye:.

ESAIA 48:21

Aseing gi nya: byumyu" yiri lung ziyo' kyug hei' da" dain" pyoid yoo khyo" shu" lid: lo" uri nyangnu" gyid ashed goo" nghoid da:. Nyang: gi nyangnu" shid re" lugboem mo gyid yau thu loo nhang: da:. Nyang: gi lugboem ri go, bang" loo nhang: wigi gyid yau thu loo nhang: da:.

YEREMIA 32:23

Nghoid loug we' nyangnu" he: mungdain: khyoo: ju" lo wigi hau: ziri lo seing: pyam boem uri re" amyeing" dang: ri nyangnu" atam" gyoo:. Re" jhau" shid khyoo: ri cang wigi kangso' adei nghoid ago". Nang wigi nyangnu" ri koid wa amyeing" byid: to" da" khyoo: ri nyangnu" ci: akoid nghoid ago". Houg: yoomo he: phyo' shoin' khyoo: dangain" nyangnu" jang" moo nang bui" nhang: abye:.

EZEKIEL 20:15

Houg: yoomo ngoo gi nyangnu" ri byid: wa aeung: dang: soo" byid: to" da" mougmyid- jonu" yo' myid xu: ge da" mougmyid- dangain" tho' je ge da" mougmyid dain" pyoid yoo moo dangsoo" too" bye:.

GYUNG: SOO" 14:30

Ngoo nanu" ri hougmoo: yhe: nyid wa dangsoo" byid: too" bye:. Nghoid loug we' Khaleb yo' Yoshu mo lid wigi nanu" hang" we' ayo" yhi: wa zi nghoid.

TARHA" TID POIN" 1:8

He: zi dangain" gi ngoo Aseing wigi nanu" phoug" phyid" nghoid da" Abraham- Isag- Yaku yo' nyangnu" da" amyed ashen yiri byid: wa ga: dangsoo" byid: to" da" mougmyid nghoid. Hau: ziri yhe: seing: yu ge'›» ga: tid da:.

TARHA" TID POIN" 8:3

Nyang: gi nanu" ri zooyoid nhang: da:. Hau: thang: nanu" yo' nanu" da" phoug" phyid" yi shid phyang" khanham we' azo: yu" da" zoo: noem Manna nanu" ri byid: zhoo" bye:. Nyang: hid: su" koid zigi byu gi zooyho' yo' za: kangso' dei nyid zi anghoid. Aseing tid da" mungdang: ja: khang" moo" yo' za: kangso' dayo" dei nyid khyoo: ri nanu" ri jhau" byid: wa shid re" koid zi nghoid.