NEHEMIA 6:11 - Lacid Common Language Bible

¹¹ Ngoo gi «Tang" wigi pang: goug" yen" wa da" byu anghoid. Ngoo Noku Yhoem: Moo" moo goug" nyid wigi ngoo nya: kangso' shid re" khyoid yu khyoo: koid wa ein:» nang myid jho: rhe".

NEHEMIA 6:11 교차 참조

NEHEMIA 6:12

Hau: ziri ngoo myid kaid yu" ri Mangsoo: gi Shemaia ri dang: aji nghoid loug we' Tobia yo' Sanbalad gi he: tid poin' dang: ngoo ri byid: wa shid re" nyang: ri khoug: void byid: lho: tid nhang: zi nghoid ein: ngoo myid boin:

NEHEMIA 6:3

Ngoo gi nya: eig yug jhang lagyoo: nhang: kaid wigi nyangnu" ri «Ngoo gi yhouggyen: da" moo" zei: nyid yoomo houg khyoo: ngoo ayo" gyoo" yhi:. Re" eig yug ri re" shoug" wa shid re" za: wigi moo" ri ayo" theing: too" nhang: wa» ein: pyeung: kaid bye:.

NEHEMIA 6:9

Nyangnu" gi ngoonu" ri moo" zoo" mo theing: pyam wa shid re" kyug nhain' khyoo: sho: ago". Ngoo gi «Mangsoo we"- akhid" ngoo ri yoem: boo nhang: la,» ein: akyu" mho' da:.

COUNG" NGHEI 112:6

Byu gi phoo gi khanham we' soem" gyo" loo" wa zi anghoid- nyang: ri khanham we' boin: so" nyid zi shoug wa nghoid.

COUNG" NGHEI 112:8

Nyang: moo: myid myoo: ung: loug ziyo' gyoug dain' da" myid aboo- nyang: gi nya: gyivoo joem da" soem" joem: lo" ziri deing" deing nyang: shau" myang wa zi nghoid.

DANG: ZHOEM 28:1

Akhyeing" ashoeb bang: gi nyangnu" ri hang" wigi akhaid nghoid loug we' lhoung phang: lo" ago". Nghoid loug we' nheigloem: deingmain" nyid su: koem gi khang khyi yo" dakhyoo" ti"- seing" deing khid" yo" nyid nyid da:.

PHAJHI" DANG: 10:1

Yang khung" shid: mang joem gi nam pyo: xu: da parheing" goin" ziri boeb shoem: yo" nam nhang: pyam da:. Nheig agyeing: koopyoid moo" zoo" dajhi' za: zi wigi gye" gyi: sheung: da" phajhi" ri yo" phyo' shoin' pyam da:.

ESAIA 10:18

Shid: ja: noo phyoo" wigi byu ri said toem" pyam yhang: ti" thu: da" seig moo" yoo yo' yoo jhoem gi bain sho' phyo' shoin' pyam zi shoug" wa.

GYUNG: SOO" 3:10

Nang gi Arun yo' nya: yuggi zoo: yiri khainjung moo" ri voin wa shid re" yoo voin foin: we'. Hougsu" koid wa soin' bang: gootu: hang" nghoid loug we' said pyam zi shoug" wa nghoid» ga: tid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

PHILIPI 2:30

Khasu" wim gari nyang: gi nanu" ayo" byid: da" pang" thoug khyoo:- ngoori byid: wa shid re" kangso' rinoung" pyam lho: Khristu da" moozoo" ri alug lug shid: sho' voin vu, yoem: kaid' lid lo abye:.

HEBRE 11:27

Loem" jeung" ziyo' Moshe gi Khokham" phoo nheig yoo: wa ziri agyug loo: za: Egutu meing: mo thu lo" abye:- Nyang: gi myojid" yo' amyang da" Mangsoo ri myang yhang: ti" nyang- Egutu meing: khyoo: doem tau" loo" khyoo: ri ngeug pyam bye.

1 SAMUELA 19:5

Nyang: gi nya: kangso' ri ab wigi Goliad ri said pyam bye: yoomo Israela byumyu" yiri Aseing gi oung: pui" zeing byid: bye: zi nghoid. Hau: khyoo: ri nang myang uri nang gau yi ung: pyo nyid bye: zi nghoid. Hougsu" nghoid ziyo' he: yooboo ci: ashoid- ce: yooboo we' adab su: David ri yooboo ayo" jang" moo ciwim yoomo nyang: ri said pyam nau nyid la"» ga: tid bye: da:.