NEHEMIA 13:18 - Lacid Common Language Bible

¹⁸ Mangso wigi he: voomoo" ri phyo' shoin' pyam lho: nanu" phoug" phyid" yiri yooboo dam byid: ziri hid: su" wim yoomo nyang: nghoid bye:. Nghoid loug we' nanu" gi Dougno: Bidnyid ri phung youg sho' koid lho: Israela byumyu" yi dang moo Mangso da" nheig yo: zi je gyo" zang" nhang: wa khyo" jhen" lho: koid nyid ago"» ein: tid bye:.

NEHEMIA 13:18 교차 참조

NEHEMIA 10:32

Ngoonu" yugkhang" moo" gi zain khang" moo" Noku Yhoem: Moo" moo yhung: ca" wa shid re" ngei eig xi: phoin: kaid wa.

THU' LO" MOUGSOUG" 31:12

Aseing gi Moshe ri

YEREMIA 17:27

Nghoid loug we' nyangnu" gi ngoo ri tid dang: gyo: wigi Dougno: Bidnyid ri gyeung" shang: bidnyid khyo" phoug" tab cang yhe: ca" ago". Nyangnu" hau: bidnyid moo Yerusalem khoem" joem khyo" yoovoin ce: daja: we' age voin lid:. Nyangnu" voin lid: nghoid rigi Yerusalem voomoo" khoem" joem ri ngoo myi: nghe' pyam wa. Myi: gi Yerusalem khokham kho" joem ri we' nge" khyoeb pyam wigi hang" we' hau: ziri ayo" said pyam goo" wa.

YEREMIA 44:22

Akhid" nyid" ju" sho' nanu" da" mougmyid gi byo, yoin" jo, lho: houg: moo hang" we' anyid nghoid ago". Hau: zigi yu" gyoug yu" lhung: khyoo: bue" lo wigi nanu" da" akhyeing" ziyo' akhyeing" da" lo, moo" joem ri Aseing gi ayo" zeing: shang" byid: loo yoomo byu yigi nanu" myeing ri nheing" khoin" khyo" ci: loo goo" wa.

YEREMIA 44:23

He: akhid" bue" nyid da" yau: khe" kyi" khyeug gi gootu: yu phara" joem ri nanu" xoin" ngei" byid: lho: nya: amyeing" dang: joem dangain" ri atam" gyoo: khyo" Aseing ri thougtheung yooboo shoid boem bye: yoomo nanu" dang moo ju" re" zi nghoid da» ga: tid bye:.

YEREMIA 44:9

Nanu" da" phoug" phyid" yi wigi we' Yuda khokham yi yo' nyangnu" da" yhoem: seing: myhi' yi wigi we' nanu" yo' nanu" da" yhoem: seing: myhi' yi wigi we' Yuda mung" voomoo" joem moo yo' Yerusalem khyoo: joem moo koid da" akhyeing" moo" joem ri nanu" dangain" ri to" myhid pyam bye: go" rhe".

EZEKIEL 23:26

Nyangnu" gi re" byimi joem ri lang: ceig pyam lho: re" phoug" dab lug joem ri yu pyam byid: wa.

EZEKIEL 23:8

Nyang: gi nya: da" zoomyi: gyeing" aya: ri ze" khyoid pyam da" Egutu mo shava myhi' moo" ri xo' koid da:. Nyang: gi ngi shi" da myiyi: nghoid shi" da" ayo, mo nyang: yuggi yigi nyang: yo' yoeb wigi nyang: ri shava myhi' yhang: ti" zoem" khau: ago".

XOIN" NGEI" 26:18

Hid su" bue" thang: rilang" nanu" nga" dang: ri atam" gyo: nghoid rigi ngoo gi nanu" da" yooboo dam ri nyhed zhang lung: loo nhang: wa.

XOIN" NGEI" 26:28

Ngoo nheigloem: yoin ziyo' nanu" jang" khyoo: phug lo lho: xang: shi" tho' je xo: da" yooboo dam ri nyhed zhang doem xo' byid: wa zi nghoid.

AMO 8:5

Nanu" gi nanu" nyang: ri ngoonu" da" gug zoo yo" ung" wa shid re" gyeung" shang: bidnyid khanham yo" lid: loo" wa au: ein: lang" ngheung" nyid boem bye:. Dougno: Bidnyid khanham yo" lid: loo" wa lug au. Houg: lang" ngoonu" gi zi gu to' lho: jang fain" ci: ziyo' zi qei mo, ri mhoug zoo: wa zi nghoid o".

GYUNG: SOO" 32:14

Houg: lho: akhid"- nanu" gi nanu" da" phoug" phyid" yi da" joyoo moo: thid vang abye: go". Yooboo yo" da" byuxeig aseig dayang: gi Aseing da" nheig joem: yo: da" ziri Israela byumyu" adang moo: khe: khyo' yu wa jen" jen" nghoid nyid abye: go".