NEHEMIA 12:43 - Lacid Common Language Bible

⁴³ Hau: nyid" moo xoin" myoo" sho' ngei" byid: wigi mung" byu yi gye" ngei pyo: boem ago". Ciwim gari Mangso wigi nyangnu" ri gye" ngei pyoo: nhang: abye:. Myiyi: yi yo' zooshang: yigi hau: pui" moo bo boo yoomo nyangnu" lu: fu: nyid da" thui: ri khyoo: main: su: shau" gyo: da:.

NEHEMIA 12:43 교차 참조

2 KHOKHAM MHOOMYID: 20:13

Yuda yuggi yi dangain" gi nyangnu" da" yhoem: seing: myhi' yi yo' zooshang: yi yo' dage" Noku Yhoem: Moo" moo yab jo, ago".

2 KHOKHAM MHOOMYID: 20:27

Yehoshaphad gi nya: gyizoo: yiri Yerusalem khyoo: oung: doid ziyo' shu" tau" lo da:. Ciwim gari Aseing gi nyangnu" da" gyivoo oung: pyam yoomo nghoid da:.

2 KHOKHAM MHOOMYID: 7:10

Thang: nyid" lhammoo" nyhed khyab- eig xe: soem" nyid moo Sholumon gi byumyu" yiri yhoem: khyoo: loo" nhang: bye:. Nya: byumyu" Israela ri we' David ri we' Sholumon ri we' Aseing byid: to" bye: da" mainkaid je" ju" dangain" yoomo ngei pyo: nyid ago".

EZRA 3:13

Nyangnu" nyho: da" thui: gi gye" gyi: wigi gau da" thui: yo' ngau da" thui: ri hang" we' ayo" kho' gyoo: goo" nghoid da:. Hau: ziri vi: vi: mo shau" gyo: nyid zi nghoid.

NEHEMIA 12:27

Yerusalem voomoo" vang ri shugbyid: da" uri Levi byu yiri hau: shugbyid: da" pui" moo jeju" coung" da" jikhoin" joem khyo" we' jhabceing joem teing joem ci: lho: yo" bo boo wa shid re" nyangnu" nyid da" joyoo khyi' khang" moo" mo shu" yu ago".

NEHEMIA 12:42

Houg: lho: nyangnu" thang: moo Maseia- Shemaia- Eleaza- Uzi- Yehohanan- Malkhiya- Elam- yo' Ezera bang: cang ago". Yezrahia wigi shu" da" jikhoin" phung: gi nyangnu" da" thui: ri myhang: thang mo nyho: khoin" ago".

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

COUNG" NGHEI 27:6

Hougsu" nghoid yoomo ngoo ri lheung khoem to" da" gyivoo joem ri oung: pyam wa nghoid. Gau, yi ngei pyo: da" thui: yo' nya: Noku Yhoem: Moo" moo xoin" to' byid: wigi nga" jikhoin" lid jhoem" thui: khyo" Aseing ri coung" byid: nyid wa.

COUNG" NGHEI 28:7

Aseing gi ngoo ri goem coung: lhoug zung" byid: lho: gyivoo joem ri ve, pyam byid:. Ngoo gi nyang: moo: loem khau: nyid- nyang: gi ngoo ri pang" thoug byid: wigi ngoo ri gau, yi ngei pyoo: nhang:. Ngoo gi nyang: ri coung" nghei nyid.

COUNG" NGHEI 9:2

Nang ri nghe: khau: ayang: koid lho: ngoo gau yi lid jhoem" yang" wa. Myhang: thang da" Mangsoo nang ri ngoo coung" nghei jikhoin" dang: tid nyid wa nghoid.

COUNG" NGHEI 92:4

Aseing we" re" da" mau pho" moo" zoo" joem gi ngoo ri gau yi ngei pyoo: nhang: nyid. Nang koid too" bye: moo" zoo" joem yoomo ngoo gau yi jihkoin" ri khoin" nyid.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

YEREMIA 31:13

Houg: lang" myiyi: nu" yigi go" wigi ngei pyo: nyid boem goo" wa. Houg: lho: yuggi yi gyi: su: ngi su: ngei pyo: loo goo" wa. Nyangnu" ri ngoo nheig teing byid: lho: nyangnu" koug ngau zigi gau zi Nyangnu" nheig koug zigi ngei pyo: khyoo: bue" loo nhang: wa.

YEREMIA 33:11

Ngei pyo: wigi nyho: da" thui:- lo, xo' pui" moo pyo: da" thui: joem ri nanu" doem shoug" gyoo: loo goo" wa. Byumyu" yi nga" Noku Yhoem: Moo" khyoo: jeju" boin: xoin" ci: re" boem uri nyangnu" jikhoin" khoin" boem da" ziri nanu" shau" gyo: loo goo" wa. Nyangnu" gi ‹Myhang: thang Aseing ri jeju" coung" ge'. Ciwim gari: nyang: gi ge wigi nya: jheddab myid gi apyaid atoo: nghoid da› ga: tid boem. Ngoo gi he: mungdain: ri shid phyang" nyid gi yab ge yhi' nyid gi yab gi sho' koid wa. Ngoo Aseing tid too" bye:» ga: tid da:.

GYUNG: SOO" 10:10

Ngei pyo: da" ayo, nghoid da" lhammoo" xain" pui" yo' nanu" da" gootu: Noku thung" pui" joem moo: nanu" da" nghe' ngei" xoin" yo' zoem" khoug: xoin" shugbyid: uri hau: laboo" ri nanu" moid wa zi nghoid. Hau: thang: nanu" ri ngoo pang" thoug yu wa. Ngoo gi nanu" da" Aseing Mangsoo nghoid.

MATHE 21:15

Nghoidloug we' Khainjung moo" yi yo"- tarha" sara: yi gi Aseing koid: da" mau" pho" moo" ri zheung: myang ziyo' «David da" nya: zoo: ri coung" nghei byid: ge'» ga: zooshang mi" akyu" mho' yhoem: khoug: moo nyho: yoid nyid da" thui: ri shau" gyo: boem lang" gi nheig zheung: gyo: yo: ago".

MATHE 21:9

Yesu da" shid' khyoo: thang: khyoo: cang lo da" byu myoo" sho' mo, gi «David nya: zoo: myonhoo: ngeilang: ri coung" byid: ge". Aseing da" myeing yo' ju" ri" su: gi ngi lho, nyid baja". Mangsoo ri coung" ge'» ga: tid boem.

YOHAN 16:22

Nanu" moo akhid" uri nheig koug nyid boem nghoid loug we' nanu" yo" ngoo dalheing: doem shau" goo" wa nghoid yoomo nanu" hau: uri gau yi boem wa zi nghoid. Nanu" da" gau yi da" khyoo: ri hang" wigi we ayo" lhoid' yu pyam.

Ephesu 5:19

Nanu" nyang: cang" nyang- coung" nghei da" jikhoin" dang- venyi loem" jeung" khyoo: yo' sen: da"-gyeungshang: da" lid' jhoem" dang: yo' tid go" nyid lho: nanu" da" emyid khoug: moo Mangsoo ri jikhoin" khoin" wigi coung" nghei nyid boem ge'.

YAKU 5:13

Nanu" mo dayug yug noo phyoo" jam jau phu" nyid go" la". Nyang gi akyu" mho' nyid baja"- dayug yug gi myid pyo: nyid go" la". Nyang: gi coung" nghei jikhoin" khoin" nyid baja".

1 SAMUELA 4:5

Hau: Dang: Theing Kuid: ju" ri" yo' dage" Israela byumyu" yigi myidjang noin" loo" sho' gau yi boem ziyo' yoem: bain sho' nyho: boem abye: go".