NEHEMIA 12:27 - Lacid Common Language Bible

²⁷ Yerusalem voomoo" vang ri shugbyid: da" uri Levi byu yiri hau: shugbyid: da" pui" moo jeju" coung" da" jikhoin" joem khyo" we' jhabceing joem teing joem ci: lho: yo" bo boo wa shid re" nyangnu" nyid da" joyoo khyi' khang" moo" mo shu" yu ago".

NEHEMIA 12:27 교차 참조

2 SAMUELA 6:12

Khokham David gi Dang: Theing Kuid: yoomo Obed Edom ikoin deungkhu: yo' nyang: yo" zi dangain" ri Aseing mainkaid byid: ga: ziri shoug" gyoo: lang" pui" zeing daloem: koid ziyo' Dang: Theing Kuid: ri Obed da" yhoem: mo zi Yerusalem khyoo: nyang: ci: loo" bye: zi nghoid.

1 KHOKHAM 8:63

Nyang: gi zoem" khau: xoin" khyo" nuloo: 22,000 yo' yang 120,000 du: ri ngei" byid: da:. Houg: lho: khokham phoo yo' byumyu" yi dangain" bang: gi Noku Yhoem: Moo" ri shug byid: yhoem: vang pui koid boem bye:.

1 KHOKHAM MHOOMYID: 13:8

Hau: uri David yo' byumyu" yi dangain" bang: gi Mangsoo ri ngi: shab byid: khyo" nyangnu" yo" go" yhi' go" boem ago". Nyangnu" gi jikhoin" khoin"-teing joem baid- zeing joem baid- jhabceing joem baid- laboo" joem moid boem ago".

1 KHOKHAM MHOOMYID: 15:12

Nyang: gi:Levi byu yiri «Nanu" gi Levi kung: mo vhujhung: yi nghoid ago". Israela Aseing Mangso da" Dang: Theing Kuid: ri ngoo soin nyheing to" da" joyoo khyoo: nanu" yo" dang loo" wa shid re" nanu" nya: gung ri yo' nanu" da" Levi byu mang: nhung" yi gung ri younglho' sho' koid too" we'.

1 KHOKHAM MHOOMYID: 15:16

David gi Levi byu vhujhung: yiri ngei pyoo: tung" jikhoin" khoin"- teing joem baid- jhabceing joem baid wa shid re" Levi byumyu" myoo" sho' ri khyen: soin too" wa amyeing" byid: da:.

1 KHOKHAM MHOOMYID: 15:28

Dang: Theing Kuid: ri Yerusalem khyoo: vu, loo" bang: moo: bo cang boem da" Israela byu yi dangain" gi laboo" moid- nu khyau: moid- jhabceing baid- teing baid wigi gau yi ngei pyoo: tung" hau' yhe: lo" boem ago".

1 KHOKHAM MHOOMYID: 15:4

Hau: thang: nyang: gi Arun da" amyed ashen yi yo' Levi byumyu" yiri khi: nhang: kaid da:.

1 KHOKHAM MHOOMYID: 16:42

Heman yo' Yeduthun eig tang: gi laboo" moid- jhabceing baid- gootu: coung" nghei zi joem ri coung" nghei jikhoin" khoin" ure baid myheing jang" moo: we' yoovoin foin: too" shau" ago"- Yeduthun da" akung: ako' yigi khoem" duang: lhoug zung" jang" moo: yoovoin yu boem ago".

1 KHOKHAM MHOOMYID: 16:5

Asab ri vhujhung: khyo" Zekharia ri gi nya: pang" thoug vhujhung: khyo" yoovoin foin: to" da:. Yeiela- Shemiramod- Yehiela- Matithia- Eliaba- Benaia- Obed- Edom yo' Yeiela bang: ri teing joem baid nhang: da:. Asab gi jhabceing baid wigi

1 KHOKHAM MHOOMYID: 23:5

Myid: khyeing" yug gi goem loem moo" moo yoo voin yu wa yo' myid: khyeing" yug rigi khokham phoo hidsu" myidyung wigi byid: to" da" music jonu" joem ri ci: wigi Aseing ri coung" nghei wa moo" byid: to" ago".

1 KHOKHAM MHOOMYID: 26:31

Yeria gi Hebron da" amyed ashen yi mo vhujhung: nghoid da:. David khokham koid zi myid: xi: zain ein: zain moo Hebron da" amyed ashen yi da" yhoemkhung: yiri myid: sho: yu" wigi he: yhoemkhung: yo' sen: da" myeing gyi: gyizoo: yigi Gilead moug: Yazera mo nyid nyid boem ziri shau" myang boem ago".

2 KHOKHAM MHOOMYID: 29:25

Khokham gi Aseing wigi khokham David ri khokham da" Lapi: Gad khyo" byid: da" jhau" shid khyoo: yo' Lapi: Nathan khyo" byid: da" jhau" shid khyoo: joem ri cang da:. Nyang: gi Levi byu yiri teing yo' jhabceing yo' dage" Noku Yhoem: Moo" moo joyoo byid: to" da:.

2 KHOKHAM MHOOMYID: 29:30

Khokham phoo yo' byumyu" vhujhung: yigi Levi byu yiri David yo' Lapi: Asab wigi lhid" to" da" coung" nghei jikhoin" joem yo' Aseing ri coung" nghei boem wa shid re" tid ago". Hougsu" yugkhang" moo" gi nyangnu" poid thug thoug lho: Mangsoo ri noku ku" nyid zoo" ri gye" gau ziyo' jikhoin" khoin" ago".

2 KHOKHAM MHOOMYID: 7:6

Khainjung yigi nyangnu" ri soin' byid: to" da" joyoo moo yab jo, lho: Levi byu yi shoid khyoo: myonhoo: shu: wigi David wigi byid: to" da" music zi joem wigi Aseing ri coung" zoo" mo nyangnu" ri David wigi jhau" byid: to" ziyo' dakhyo" «Nya: jheddab myid gi apyaid atoo: nghoid nyid o"» ga: coung" nghei jikhoin" khoin" ago". Khainjung yigi byumyu" yi dangain" bang: yab jo, uri laboo" moid ago".

EZRA 6:16

Hougsu" yoomo Israela byumyu" yi khainjung yi Levi yi yo' gootu: pyoung" she: loo" shoug" jang" mo doem tau" loo bang: dangain" ngei ngei pyo: pyo: Noku Yhoem: Moo" ri shug byid: abye: go".

NEHEMIA 11:20

Deing da" Israela mung" byu yi yo' nyid deing boem da" khainjung yi Levi byu yigi Yuda mung" mo nyangnu" nya: voomoo" joem yo' voogung joem moo nyid boem ago".

NEHEMIA 12:43

Hau: nyid" moo xoin" myoo" sho' ngei" byid: wigi mung" byu yi gye" ngei pyo: boem ago". Ciwim gari Mangso wigi nyangnu" ri gye" ngei pyoo: nhang: abye:. Myiyi: yi yo' zooshang: yigi hau: pui" moo bo boo yoomo nyangnu" lu: fu: nyid da" thui: ri khyoo: main: su: shau" gyo: da:.

NEHEMIA 8:17

Myheig yu shoug" jang" mo doem tau" loo mo, dangain" bang: gi zoem" joem koid lho: lung" ago". Nun da" yuggi zoo: Yoshu da" pyaid mo hau: ayo, ju" sho' moo xang: shi" lheing: doem koid da" lheing: nghoid lho: yugkhang" moo" gi nheigloem: zhang" wigi ngei pyo: boem ago".

COUNG" NGHEI 149:3

Nya: myeing khyang" ri goo" nhoin' lho: coung" byid: ge'. Zeing baid mang" thoung wigi teing joem ri baid lho: wigi nyang: ri coung" byid: nyid we'.

COUNG" NGHEI 30:1

Ngoo Aseing ri coung" nghei nyid khasu" wim ga: ri nang ngoo ri khyoid yu lho: nga" gyivoo joem ngoo ri ung: wa khyoo: aphang byid.

TARHA" TID POIN" 16:11

Aseing da" shidkhoin" moo nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei ngei pyoo: pyoo: nyid boem ge'. He: ziri noku joyoo daloem: moo kyeing" koid ge'.

TARHA" TID POIN" 20:5

«Hau: thang: gyizoug: yigi gyizoo: yiri mungdang: khyo" tid wa zigi ‹Amyang" shi" ri yhoem: koid wigi yhoem: avang kho' shi" zi hid: moo dayug yug bo ga" la". Bo nghoid rigi nyang: yhoem: khyoo: doem loo" baja". Hougsu" anghoid rigi nyang: gi meing: zain: jang: moo said pyam zi shau" wigi gootu: dayug yug nya: yhoem: ri yhoem: seig vang pyam wa.

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".