NEHEMIA 10:38 - Lacid Common Language Bible

³⁸ Xi: boem daboem ri khyui: zheing" da" uri Arun mo gyoo" lo da" khainjung yigi Levi byu yi yo' dage" bo boo ca" goo" wa nghoid da:. Houg: lho: Noku Yhoem: Moo" moo ci: wa shid re". Levi byu yigi nyangnu" yo" khyui: zheing" yu da" xi: boem daboem ri Noku Yhoem: Moo" mo zi too" yab joem khyoo: ci: yhi: ca" goo" wa zi nghoid ago".

NEHEMIA 10:38 교차 참조

1 KHOKHAM MHOOMYID: 9:26

Zung" lhoug vhujhung: myid: yug gi Levi byu yi nghoid wigi yoovoin yo" thang bang: nghoid. Nyangnu" gi Noku Yhoem: Moo" mo yab joem ri we' hau: yung: to" da" zookhoo: joem ri we' lhoug zung" wa yoovoin yoo" bang: nghoid.

NEHEMIA 13:31

Nya: ayo, yo' ayo, moo ci: ri" ca" da" xoin" joem ri nghe' ngei" wa shid re" nghi' wa thang" ri soin' to" wigi mung" byu yi xoin" khyo" shivoo amoin" yo' xang: shi" zei: da" shi" joem ci: ri" wa tarha" joem ri nyheing byid: bye:. O" Mangsoo we"- he: joem dangain" ri myid boin: byid: la. Houg: lho: ngoo ri hau: moo" zei: su: dayug khyo" too" la.

XOIN" NGEI" 27:30

Shivoo: nghoid ri nghoid shi" nghoid ri nghoid mougmyid mo thu da" gu dangain" daxi boem mo daboem gi Aseing shid re" nghoid.

GYUNG: SOO" 15:19

Hau: mung" mo thu da" zoo: noem ri nanu" zoo: lang" houg: mo dayham" ri Aseing ri byid: da" gooki' lid jhungshug khyo" gootu: kho' too" wa nghoid da:.

GYUNG: SOO" 15:21

Ju" loo wa da" ayo, dangain" moo: nanu" koid da" zooyho' mo he gooki lid jhungshug Aseing ri byid: goo" wa zi nghoid.

GYUNG: SOO" 18:21

Aseing gi «Israela byumyu" yi ngoo ri shug byid: boem da" daxi: boem mo daboem dangain" gi Levi bang: ri ngoo byid: too" bye:. He: zigi nga" shidkhoin" Zoem" moo goin coung: byid: da" nyangnu" zei: moo" zoo" shid re" aphoug" jhungshug nghoid da:.

GYUNG: SOO" 18:24

Ciwim ga ri Israela byumyu" yi gooki lid alu jhungshug khyo" ngoo ri shugbyid: goo" da" daxi: boem mo daboem ri nyangnu" da" jonu" khyo" nyangnu" ri ngoo byid: too" bye:. He: zigi nyangnu" Israela mung" mo jonu" ri apyaid atoo: ayo" seing: go" wa ein: nyangnu" ri ngoo tid zi nghoid» ga: tid.

TARHA" TID POIN" 14:22

Zain khang" zain nanu" yoo mo thu da" gu: dangain" mo daxi: boem daboem ri gootu: kho' too" ge'.