NEHEMIA 10:37 - Lacid Common Language Bible

³⁷ Ngoonu" gi zain khang" moo" xang: shi" shoug" yu da" shivoo: mo cen: moin" yho' yo' gootu: ngoonu" da" zabyid yhid:- zhainloin: xu: yo' shi" aja: ja: da" xoin" ri Noku Yhoem: Moo" moo nyid da" khainjung yi jhang ci: yhi: wa. Ngoonu" gi ngoonu" da" shivoo: ri ngoonu" da" shoo" zoo: shoo" shug da" voogung joem mo xi: boem daboem khyu: da" Levi byu yi jhang khyoo: xi: boem daboem ri ci: yhi: wa.

NEHEMIA 10:37 교차 참조

2 KHOKHAM MHOOMYID: 31:6

Yuda mung" voomoo" joem moo nyid boem da" mung" byu yi dangain" bang: gi nyangnu" nu: kyung yang kyung joem mo daxi boem daboem ri she: re" boem ago". Nyangnu" gi nyangnu" Aseing Mangsoo ri shugbyid: to" da" jhungshug myoo: sho' ri we' ci: re" boem.

NEHEMIA 13:10

Noku Yhoem: Moo" mo music phung: yo' gootu: Levi byu yigi mung" byu yi wigi nyangnu" ri yo" zo: nyid wa yhi' abyid: boem yoomo Yerusalem mo thu lo" lho: nyangnu" nya: yoo khyoo: doem tau" phang: lo" byug ziri lo" shoug" se' yu da:.

NEHEMIA 13:12

Hau: thang: Israela byumyu" yi dangain" bang: gi Noku Yhoem: Moo" zi too" yab joem khyoo: nyangnu" da" shivoo:- zabyid yhid: yo' zhainloin: xu: daxi: boem daboem ri doem ci: re" shid" boem ago".

NEHEMIA 13:5

Nyang: gi ngei" byid: da" shivoo: nam pyo: xu:- Noku Yhoem: Moo" moo ci: da" zi joem khainjung yi shid re" xoin"- Levi byu yi Noku Yhoem: Moo" mo music phung: yo' Noku Yhoem: Moo" zung" bang: ri byid: to" da" shivoo:- zabyid yhid: yo' zhainloin: xu: daxi: boem mo daboem ri ze: shoung: too" wa shid re" yab zeing ri ci: wa shid re" Tobia ri akhang" byid: da:.

NEHEMIA 13:9

Ngoo gi hau: yab ri laloem: lakhoug: thung" khyo" kyeing sain' pyam wa amyeing" byid: lho: Noku Yhoem: Moo" moo ci: da" zi joem shivoo: xoin" joem yo' nam pyo: xu: joem ri doem kaid too" nhang: bye:.

THU' LO" MOUGSOUG" 13:12

Nanu" gi Aseing ri xang: shi" khu: da" yuggi zoo: zooshid" yugkhang" moo" ri shugbyid: ca" zi nghoid. Nanu" da" gougnyhoug mo xang: shi" xang" da" aloo: zoo: du: khang" moo" gi Aseing nyang: seing: da" zi nghoid.

THU' LO" MOUGSOUG" 13:2

«Israela byumyu" zooshid" dangain" yo' gougnyhoug joem mo xang: shi" xang" da" aloo: dangain" ri we' ngoo seing: nyid yoomo zooshid" dangain" nga" shid re" shugbyid: ge'» ga: tid.

XOIN" NGEI" 23:17

Deungkhu: khang" moo" gooki lid jhungshug khyo" zooyho' eig loem: ri yu lo wigi Aseing ri shug byid: wa zi nghoid. Zooyho' khang" moo" ri cen: moin" dajoid: jain" ri doocid" yo' zooyho' koid wigi xang: shi" yhoem" yu da" shivoo: shiloem xoin" khyo" Aseing ri shugbyid: wa zi nghoid.

MALAKHI 3:10

Noku Yhoem: Moo" moo zoo: noem byeung" jo, wa shid re" nanu" da" xi: boem mo daboem gu: dangain" yhoem: moo" khyoo: ci: ri" we'. Ngoo ri byid: jham" yu" we'. Mougkhung: mo khoem" moo" phang kaid lho: nanu" da" tho' moo ge da" khyoo: joem dangain" ri agoin ayu: foid shoin" byid: wa afoid shoin" byid: wa ziri akhid" ngoo ri jham" yu" ge'» ga: yoem: moo" bo da" Aseing gi tid nyid.

MALAKHI 3:8

Byu ga: zigi Mangso ziyoo ri ge lhoid yu wa la". Nanu" gi nga" ziyoo ri lhoid yu mo, nghoid boem ago". Hougsu" nghoid loug we' nanu" gi «Re" ziyoo ri ngoonu" khasu" lhoid yu lha"» ga: myid: ago". Xi: boem mo daboem yo' ung: loem jhungshug khyoo: moo lhoid zo: nyid boem ago".

GYUNG: SOO" 18:15

Israela byumyu" yi ngoo ri shug byid: da" zooshid" yo' xang: shi" xang" da" gougnyhoug we' nang seing: wa zi nghoid. Nghoid loug we' nang gi zooshid" yugkhang" moo" ri doem tau" qei yu da" aphoug" ri khab yu ca" da:. Houg: lho: thung" khyoo" ayung" alho' da" xang: shi" xang" da" gougnyhoug du: khang" moo" doem tau" qei yu da" aphoug" ri khab yu ca" da:.

GYUNG: SOO" 18:18

Hau: joem mo yang gang shoo" yo' gooki lid xoin" mo lo, yo pung sain: yhang: ti" shoo" gi nang seing: wa zi nghoid.

GYUNG: SOO" 18:21

Aseing gi «Israela byumyu" yi ngoo ri shug byid: boem da" daxi: boem mo daboem dangain" gi Levi bang: ri ngoo byid: too" bye:. He: zigi nga" shidkhoin" Zoem" moo goin coung: byid: da" nyangnu" zei: moo" zoo" shid re" aphoug" jhungshug nghoid da:.

Roma 11:16

Nyang: yo" da" zooyho' mo dajhi' za: yu lho: Mangsoo: ri xoin" ngei" nghoid ri zooyho' dangain" ri xoin" ngei" byid zi yo" du nyid. Seig gam mo seig gyi ri xoin" ngei" byid: nghoid ri seig gam goin" xoin" ngei" byid zi yo du.

TARHA" TID POIN" 14:22

Zain khang" zain nanu" yoo mo thu da" gu: dangain" mo daxi: boem daboem ri gootu: kho' too" ge'.

TARHA" TID POIN" 18:4

Nyangnu" gi xang: shi" yo" da" shivoo:- zabyid yhid:- zhainloin: xu: yo' yang moug" joem gamboem yo" yu ca" ago".

TARHA" TID POIN" 26:2

Nanu" mo yugkhang" moo" gi nanu" yo" yhoem" yu da" xang: shi" shivoo: moin" ja: khang" moo" ri gyoin daloem: moo kaid lho: hau: ziri daloem: kyeing" da" noku joyoo khyoo: ci: yhi: ca" da:.