NEHEMIA 10:30 - Lacid Common Language Bible

³⁰ Ngoonu" gi ngoonu" da" mougmyid moo nyid da" tungbau byu yi yo' myi: yu yoo byen akoid wa.

NEHEMIA 10:30 교차 참조

2 KHOKHAM 23:25

Aseing ri nya: oung: khoug: nheigloem: myid yoem: vhoo" dangain" yo' dei byid: su:- Moshe da" tarha" dangain" ziri cang pyeing da" khokham nyang: yo' du zi nya: shid vhu" moo dayug we' anyid yu" shi" nghoid da:. Nyang: yo' du da" khokham thang ri we' anyid yu" loo: nghoid da:.

2 KHOKHAM 23:3

Nyang: gi khokham kho" yhoem: zeing bung: nam moo yab jo, lho: nyang: ri tid dang: gyoo: wa nya: tarha" yo' amyeing" dang: joem ri nya: oung: khoug: nheigloem: dangain" yo' cang nyid wigi mougsoug" pug moo lhid" to" ziyo' dakhyoo" ti" hau: dang: theing mo cang nhang: to" ziri khyid: ju" lo, yug zei: pyeing cang koid wa shid re" Aseing yo' dang: theing koid da:. Houg: lho: byumyu" yi dangain" we' hau: dang: theing ri cang wa dangsoo" to" ago".

2 KHOKHAM MHOOMYID: 34:31

Nyang: gi khokham kho" yhoem: zeing bung: nam moo yab jo, lho: nyang: ri tid dang: gyoo: wa nya: tarha" yo' amyeing" dang: joem ri nya: oung: khoug: nheigloem: dangain" wigi cang nyid wigi mougsoug" pug moo lhid" to" ziyo' dakhyoo" ti" hau: dang: theing mo cang nhang: to" ziri khyid: ju" lo, yug zei: pyeing cang koid wa shid re" Aseing yo' dang: theing koid da:. Houg lho: byumyu" yi dangain" we' hau: dang: theing ri cang wa dangsoo" to" ago".

NEHEMIA 10:1

Xang: shi" lo, xoem" doin: su: gi Hakhalia da" yuggi zoo: mung" zoug: Nehemia nghoid da:. Hau: thang: ri Zedekia da" lo, xoem" doin: da:. Vhoo mo bang: we' lo, xoem" doem: ago". Seraia- Azaria- Yeremia- Pashura- Amaria- Malkhiya- Hatusha- Shebania- Malug- Harim- Meremod- Obadia- Daniela- Ginethon- Barug- Meshulam- Abiya- Miyamin- Mazia- Bilgai yo' Shemaia bang: nghoid ago". Azania da" yuggi zoo: Yeshua- Henadad kung: mo Binui- Kadmiela- Shebania- Hodia- Kelita- Pelaia- Hanan- Mikha- Rehob- Hashabia- Zakhura- Sherebia- Shebania Hodia- Bani yo' Beninu bang: nghoid ago". Parosha- Pahad- Moba- Elam- Zatu- Bani- Buni- Azgad- Bebai- Adoniya- Bigvai- Adin- Atera- Hezekia- Azura- Hodia- Hashum- Bezai- Harib- Anathod- Nebai- Magpia- Meshulam- Hezira- Meshezabela- Zadog- Yadua- Pelatia- Hanan- Anaia- Hoshea- Hanania- Hashuba- Halohesha- Pilha- Shobeg- Rehum- Hashabna- Maseia- Ahia- Hanan- Anan- Malug- Harim yo' Bana bang: nghoid ago".

NEHEMIA 13:23

Hau: ayo, moo ngoo gi Yuda yuggi myoo" sho' yug gi Ashdod- Amon yo' Moba mo myiyi: yiri lo, xo' yu to" boem ziri we' shoug" se' yu bye:.

NEHEMIA 13:25

Hau: yuggi yiri ngoo nheig yo: wigi nyangnu" dang moo nheing" khoin" khe: khyo' yu ziyo' nyangnu" ri baid- nyangnu" shoomoug" lang: phoin' pyam byid: bye:. Hau: thang: ngoo gi nyangnu" yo' nyangnu" da" zooshang: yiri khanham we' tungbau byumyu" yi yo' myi: byid: myi: yu akoid loo: wa ga: da" jham' tang: dang: ri Mangso myeing lang: wigi too" nhang: bye:.

NEHEMIA 13:30

Ngoo gi mung" byu yiri tungbau yo' sen: da" khyoo: dangain" mo kyeing shang: pyam byid: bye:. Khainjung yi yo' Levi byu yi yugkhang" moo" nyang: yug nya: moo" ri si' goo" wa shid re" cang yhi: ca" da" tarha" joem ri nyheing too" bye:.

NEHEMIA 5:12

Vhujhung: yigi «Nang tid ziyo' dakhyoo" ti" ngoonu" koid boem wa bye:. Ngoonu" gi jonu" joem ri doem tau" byid: wigi jhen: joem ri we' ado, yu loo wa» ga: tid ago". Ngoo gi hau: uri shi" nyangnu" to" da" dangsoo" ri zoem: ci: wa shid re" khainjung yiri khe: to" wigi khainjung yi shidkhoin" moo jham' tang: nhang: bye:.

COUNG" NGHEI 119:106

Re" da" deingmain" khyoo: shed dang: khoin" joem ri tam" gyo: cang yhi: wa shid re" nga" geung: teung da" dangsoo" khoin" yo' dakhyoo" ti" ngoo cang zei: pyeung nyid wa nghoid.

THU' LO" MOUGSOUG" 34:16

Nanu" da" yuggi zoo: yigi tungbau myiyi: zoo: yiri lo, xo' yu wa zi nghoid. Nyangnu" gi ngoo ri jhug azug jhang" khyoo: nyangnu" ri shu" yhe: lho: nyangnu" da" tungbau yu phara" ri shu" no' loo wa.

TARHA" TID POIN" 7:3

Nyangnu" mo dayug ri we' lo, axo' goo". Nyangnu" mo dayug ri we' nanu" nya: zoo: yiri lo, axo' nhang: goo".