NAHUM 3:9 - Lacid Common Language Bible

⁹ Nyang: gi Etiopi yo' Egutu ri vhoeb zo: lho: nya: yoem: so' gi houg: moo thang ga: zi ajo. Libya gi seing" tain" bidnoem mungdain: bue" lid loo" bye:.

NAHUM 3:9 교차 참조

APOEM AYANG: 10:6

Ham da" nya: zoo yigi Khusha- Egutu- Libya yo' Khanan bang: nghoid lho: nyang: kung: nya: myeing" yo" da" byumyu" phoug" phyid" yi bue" lo boem.

1 KHOKHAM MHOOMYID: 1:8

Ham da" yuggi zoo: yigi Khusha- Egutu_ Libya yo' Khanan bang: nghoid da:. Nyangnu" gi nyangnu" da" myeing ri yhoemkhung: myeing myheing loo" bang: da" phoug" phyid" yi nghoid da:.

2 KHOKHAM MHOOMYID: 12:3

gyi khaid myang: rheing" dakhyeing" eig shoo:- myang: ju: gyizoo: khyug moin- Libya- Sukite- Etiopi gyizoo: yi bo bo wigi atho' nghab loo sho' da" gyizoo: bo da" gyidab yo' gyi re" zain: da:.

2 KHOKHAM MHOOMYID: 16:8

Etiopi byumyu" yi yo' Libya byumyu" yigi gyi myang: rheing" yo' myang: jui: mo, myo" sho' bo da" gyidab moo" zeing yo" ago" anghoid rhe"- nghoid loug we' nang Aseing ri khoug: nghi: yoomo nyang: gi nang ri houg: bang: ri oung: pyam nhang: da:.

ESAIA 20:5

Etiopi moo nyid wigi Egutu da" khyoo: ri phau: da" bang: gi sho' phu" wa. Nyangnu" da" myid lang" nyid khyoo: gi nheig coid nuyug jhoid bue" lo" byug wa.

YEREMIA 46:9

Myang: joem ri to' so" loo" wa yo' myang: rheing" joem ri to' yhi: wa amyeing" byid:. Etiopi yo' Libya mo goo joem ci: da" yuggi yi yo' Ludi mo lid: beig jhang: bang:- Gyizoo: yiri nhang: thu kaid ge'.

EZEKIEL 27:10

«Persi- Ludia yo' Libya mo gyizoo: yigi re" gyidab moo moo" zei: ago". Nyangnu" gi nyangnu" da" goo joem yo' joto' mug joem ri re" gyidab zoem" joem moo lhang" to" ago". Nyangnu" gi re" shid re" phung" yoeb ri oung: yu byid: bang: nghoid ago".

EZEKIEL 29:7

Nyangnu" nang ri nghe: kaid lang" nang gyau: gyoo" lo" wigi nyangnu" da" lo, cab khyung" ri thau" kyang pyam da:. Houg: lho: nyangnu" da" nung" khung: lheig byug da:.

EZEKIEL 30:5

Hau: meing: zain: zigi Etiopi- Libya- Lidia- Arabia yo' Kuba mo lhung: to" da" gyizoo: joem ri said pyam boem wa. Houg moo nga" byumyu" yi akhoug: mo lang" bo da:.

EZEKIEL 31:2

Nyang: tid zigi «Shid: se' da" byu we" Egutu khokham yo' nya: byu dangain" ri tid we'. Nang khayhi' yoem: so' bo la" Nang ri ngoo ci yo' yo" tu: wa la"

EZEKIEL 38:5

Persi- Etiopi yo' Libya mo gyiphung: joem gi nyang: yo' dage" nghoid wigi dangain" bang: gi goo joem yo' joto' mug joem yo" boem ago".

DANIELA 11:43

Nyang: gi Egutu yi shoung: yung to" da" sheing: ngei yo' houg mo phoug" dab da" jonu" joem ri de" phang: lo" wa. Nyang: gi Libya yo' Etiopi ri meing: zain: oung: wa.