NAHUM 3:6 - Lacid Common Language Bible

⁶ Ngoo gi nang ri aphoug" akhyoid koid lho: aco' ajhoid ziyo' foid gyoin: byid: loo wa. Meing: byu yigi nang ri yu" gyoug tung" yu" zhug too" goo" wa zi nghoid.

NAHUM 3:6 교차 참조

YOBA 30:19

Nyang: gi ngoo ri thoem" boeb boem" moo she: pyam khyo' kaid da:. Ngoo gi pheilhoug: tho' ci: aje gi loo nghoid da:.

YOBA 30:8

Ce: aphoug" adab- soin: did abo da" byu lam" yi kyeing" danghoid da:. Nyangnu" ri mungdain: mo coem' khaid thu pyam ago".

YOBA 9:31

Mangsoo gi ngoo ri aco' ajhoid thoem" khoug: khyoo: she: pyam kaid. Houg: lho: nga" byimi joem lang" ngoo ri co' pyam da:.

YEREMIA 51:37

Hau: mungdain: gi siyoo gougnyhoug lam" joem nyid da" byo, yoin" boem jo, da" joyoo bui" wa. Hau: zigi yu" gyoug yu" lhung: sho' bue" loo wa. Hougmoo: hang" we' anyid wa. Shau" myang da" bang: gi gyoug dain loo goo" wa.

NGOUG JI: 3:16

Nyang: gi nga" da" myonhoo: ri myidjang moo doin: gyoid byid:. Nga" zeijang ri lugzeing joem moo: doin: thung" byid:.

EZEKIEL 16:37

He: gang mo ngoo gi shid phyang" mo nang jheddab ziyo' nang ngheung" da" re" zooyam phoo yi dangain" ri khe: zheing" yu wa. Ngoo gi nyangnu" ri re" lheing khoem moo shu" nyhid: to" lho: re" byimi joem ri khyoid pyam byid: wigi nyangnu" wigi nang ri shoo" cen: doem: shau" myang nhang: wa.

NAHUM 1:14

He: zigi Asuri byumyu" yiri Aseing amyeing" byid: da" dang: nghoid. Nyangnu" gi nyangnu" da" myeing xo' voin wa nya: akung: ako' yi nyid loo goo" wa zi anghoid. Nyangnu" da" yu phara" jung yhoem: mo da" soolhoo: joem ri we' ngoo phyo' sain" pyam loo: wa zi nghoid. Ngoo gi Asuri byumyu" yi da" shid re" loeb duang: ri soin' du: nyid bye:. Nyangnu" gi kangso' xo' dei nyid wa zi amoin: yi" loo.

HABAKU 2:16

Nang we' myonhoo: ngilang: da" gungthid asho' ashid: zi doem shoug" wa nghoid. Nang nyang: we' shug lho: apyi: akam" bue" loo" wa. Aseing gi nang ri nanya: yooboo khu ri shug nhang: lho: re" da" myonhoo: ngilang: we' sho' phu" khyoo: thid loo" nhang: wa.

ZEPHANI 2:15

Nyang: nya: da" yoem: ri loem lho: gau: nyu: bye: ga: myid wigi phoug: khuang nyid da" voomoo" gi hid: su" bue" loo wa. Voobyu thoem" byu yigi nyangnu" da" voomoo" ri mougmyid tho' moo gyi: thang ga: jho: nyid ago". Hau: zigi: jham" coug: youg da" joyoo- siyoo gougnyhoug lam" joem nyid da" joyoo danghoid loo nhung: lha". Hau: vooyam khyo" lid loo" bang: we' gyo, shi" gi yid yid ga: gyoug nain" lho: tau" phang: loo" goo" wa.

MALAKHI 2:2

Nanu" nga" da" mungdang: ri tam" gyo: lho: nanu" gi ce" noem koid jang" moo we' ngoo ri phau" myang: nyid ca"- hougsu" anghoid rigi ngoo nanu" ri nheung" wa nghoid. Nga" tarha" ri nanu" goolhoo: acang boem yoomo gyeing" gyeing" nyang: akhid" ngoo nanu" ri nheing" wa bye:.

MALAKHI 2:3

Ngoo gi nanu" da" zoo: yi myid: yiri dam byid: wa ngoo gi nanu" pui" moo ci: re" da" gougnyhoug khyid" nanu" da" myonhoo: moo joid byid: lho:-nga" shidkhoin" mo houg: khyid" yo' dage" khaid thu pyam wa zi nghoid.

MALAKHI 2:9

Houg: yoomo nanu" gi nga" da" khyoo: ri acang ziyo' tarha" dang: phyed uri myonhoo: khyen: boem yoomo byumyu" yi dangain" bang: da" shidkhoin" moo ngoo gi nanu" ri aphoug" akhyoid koid lho: phung youg nhang: pyam wa.

1Korinthians 4:13

Ngoonu" ri juang" yi gei sang: zi shau" boem nghoid loug we'- ngei pyo: dang: thui: yo' datid sang: nyid boem- ngoonu" gi akhid" ju" sho'- moug: myid mo boid, shoid' boem yo' subi" she: pyam lhu: sain" to" da"- phoojoid phalhoug: boem te" zi danghoid lo: boem.

1Korinthians 4:9

Khasu" wim gari- meing zain: pa moo: oung: lo wigi- doem: yain: do, lo shoug da" uri:- said pyam shoug" wa da" thung: byu yi rigi:- thang: moo: cang yain: loo nhang: ziyo' dakhyoo" ti" Mangsoo gi byu xangsu: yi yo' mouglagyoo: yi shid' khoin" moo" coem yu" yu" goo" baja" ga- ngoonu" lagyoo: yi ri gam, thang: moo: nyid nhang: sam" ein: ngoo shau" myid yu.

HEBRE 10:33

Nanu" nyang:- mung" byu yi da" shid' moo juang" yi gei sang: ziyo' shen" yhen khyoo: ri daso' so' thoung" shau" lid lo boem bye. Hau: lho: goo tu: da" ayo, joem moo gi nanu" yhang: ti" shen" yhen ziri thoung" shau" nyid da" byen cang" yi tab khyoo: bo nyid lho: wigi sho" jhen: jamjau ri bo kham, zo: khyo" yoem: byid: pang" thoug go" lid lo boem bye.

YUDA 1:7

Sodom voo yo' Gomora voo eig loem: ri we' hau: eig vo da" ayam, aqei: moo jo, da" voogung joem ri we' myid; boin: yu" ge'. Hau: voo mo voobyu mung" byu yi koem gi akhang: tid da" moug: lagyoo: yi yhang: ti"- youg: shoo: go" lho: yug gi nyang: cang" we' aved, avhu; da" moo" ri koid nyid boem. nyangnu" gi apyaid' atoo: dadab nyid da" mi myi: khyoem, moo-yoobo dam ri shau" kham' zo: boem khyoo:- byu dangain" mo, ri bang bang nyang: zid" lhid' nhang: kaid.