NAHUM 3:1 - Lacid Common Language Bible

¹ Lhoid yu phyo' yu wa da" jonu" joem byeung" jo, lho: mhoug zoo: fain" zo: ziyo' byu said nyid da" voomoo" gi byu xuid" vu yoem: loo" wa nghoid.

NAHUM 3:1 교차 참조

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

ESAIA 17:14

Myen" thang: zoo" moo nyangnu" wigi gyoug dain pho" zi bui" nhang: ago". Nghoid loug we' nab soin: lang" nyangnu" bei byug ago". Ngoonu" mungdain: ri phyo' zo: da" bang: yugkhang" moo" da" vhu" pi: lo, kyo' gi hougsu" nghoid da:.

ESAIA 24:9

Zabyid yhid: ri coung" da" ngei pyo: yug yoo jikhoin" khoin" zi ajo, loo wa. Hang" we' hau: ziri ayo" jham" yu" loo wa.

ESAIA 42:24

Israela ri lhoid zoo: lhoid shug bang: lo, khoug: khyoo: hang" ab byid: pyam la" hau zigi nanu" nyang: thougtheung yooboo koid nyid su: Aseing nyang: nghoid da:. Nyang: ngoonu" ri kangso' dei nyid nhang: khyo" ngoonu kangso' adei anghoid lang" nyang: wigi ngoonu" ri byid: to" da" jhau" shid khyoo: joem ri we' acang nghoid da:.

HOSEA 4:2

Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

NAHUM 2:12

Khang khyi gi nyang: zoo: wa shoo" du: ri ngaid said lho: nya: khangkhyi myhi' yo' nya: zoo: joem shid re" akhyi' khyi' ngaid phyo' too" yoomo nya: khyung: moo hau shoo" khyi' yo' byeung" jo, bye:.

NAHUM 2:13

Yoem: moo" bo da" Aseing tid zigi «Ngoo gi re" gyivoo nghoid. Ngoo gi re" gyi myang rheing" joem ri nghe' pyam loo: wa. Re" gyizoo: yigi meing: zain: jang: moo said pyam zi shau" loo: wa nghoid lho: ngoo gi nang sube" jang" mo shoug" yu da" jonu" joem dangain" ri lhoid yu pyam loo: wa. Re" lagyoo: lamang: yi da" tid sang: dang: khoin" joem ri hang" we' shoug" gyoo: loo: wa zi anghoid» ga: tid.

HABAKU 2:12

Nanu" gi joem: lo" zi shoug" goo" wa. Nanu" byu said khyo" voogung ri tam' wigi leung byid suid" shoin: lho: voomoo" ri zhug lid loo bye:.