NAHUM 2:4 - Lacid Common Language Bible

⁴ Gyi khaid wa myang: rheing" joem gi fu" moo" khyoo: cang phibu phaxeig atoug" ashu: gei doin yen" ago". Nyangnu" gi myi doem yhang: ti" void voo: bo lho: lhab' myeig yhang: ti" myab myab tang" yen" ago".

NAHUM 2:4 교차 참조

DANG: ZHOEM 31:21

Nya: yhoem: byu yigi loem nyu: da" byimi, shoug" void: wigi gyu: khyo' lo rilang" agyug loo: nghoid ago".

ESAIA 37:24

Re" da" gyi myang: rheing" joem dangain" wigi myhang: thang da" Lebanon boem joem ri oung: pyam da" khyo" ngoo ri phau: kyoo" wa re" lagyoo: joem ri nang nhang: kaid da:. Houg moo nang gi sheing: thang da" shamu gam joem yo' ge thang da" gyoin: gam joem ri thoug pyam lho: no, thang da" seig moo" yoo khoug: khyoo: ju" yhi: bye: da" khyoo: nang phau: tid da:.

ESAIA 66:15

Aseing gi myi: yo' dage" ju" ri" wa. Nyang: wigi nheig yoo: bang: da" adang moo yooboo dam byid: wa shid re" nyang: gi uglid dung tho' moo zhung: wigi ju" ri" wa.

YEREMIA 4:13

Yu" ge'- gyivoo gi jhoemmoug" joem yhang: ti" lo nyid da:. Nya: da" gyi myang: rheing" joem gi lid shoem' yo' du ago". Houg: lho: nya: da" myang: joem gi zoin bung: joem tho' myab da:. Ngoonu" gi soem" wa bye:. Ngoonu" gi joem: wa bye:.

YEREMIA 46:9

Myang: joem ri to' so" loo" wa yo' myang: rheing" joem ri to' yhi: wa amyeing" byid:. Etiopi yo' Libya mo goo joem ci: da" yuggi yi yo' Ludi mo lid: beig jhang: bang:- Gyizoo: yiri nhang: thu kaid ge'.

EZEKIEL 23:24

Nyangnu" gi myang: rheing" joem pang" thoug rheing" yo' gyidab moo" shu" lho: mougzhung: shoid khyo" re" khaid zain: goo" wa. Nyangnu" gi goo joem joto' mug joem ci: lho: nang ri re" lheing khoem too" wa. Ngoo gi nang ri nyangnu" lo, khyoo: ab byid: pyam lho: nyangnu" gi nang ri nyangnu" da" tarha" joem ri ci: wigi dang: phyed loo goo" wa.

EZEKIEL 26:10

Nyangnu" da" myang: joem wigi nang: zhain' thu kaid da" pheilhoug: thei" joem gi nang ri nghoeb pyam wa. Byo, yoin" jo, da" voomoo" khoem" moo" khyo" nyangnu" koin" lid: lo" da" uri zi tho' rheing" yo' gyi myang: rheing" joem ri she: da" nyangnu" da" myang: joem thui: gi re" vang khyam: ri noin" nhang: loo wa.

EZEKIEL 26:7

Yoem: moo" bo Aseing tid zigi «Ngoo gi khokham dangain" jang" mo gyi: thang su:- Babelon khokham Nebukhadneza ri shu" yu wigi Turu ri zain: nhang: wa. Nyang: gi mougzhung: shoid khyo" myang: joem gyi myang: rheing" joem yo' myang: dab bo bo wigi gyidab moo" dadab yo' re" loo wa.

DANIELA 11:40

«Suri khokham da" lo" thang ayo, akhyeing: bain ju" lo nyid nyid ri Egutu khokham gi nyang: ri meing zain: wa. Houg: lho: Suri khokham gi gyi myang: rheing" joem myang: joem yo' gyid sangphoo myoo" sho' ci: lho: nya: da" yoem: so' dangain" yo' doem tau" khaid zain: loo wa. Nyang: gi gyid ji: zoo" su" mungdain: myoo" sho' da" khoug: khyoo: moug: jhen" jhen" vang yhe: loo" wa.