NAHUM 2:1 - Lacid Common Language Bible

¹ Nineve we" nang gi gyi zain: lo zi shoug" nyid bye:. Nang ri lhu: phyo' sain" pyam wa da" yoem: so' gi ju" lo abye:. Gyivoo ri lhoem: nyid loo: we'. Fu" moo" khyoo: ri goem loem byid: loo we'. Meing: zain: yhi: loo wa shid re" soin' loo we'. (

NAHUM 2:1 교차 참조

2 KHOKHAM MHOOMYID: 25:8

Nang gi nyangnu" bo bo wigi gyi khaid pui" moo gyi yoem: je boo wa ga: jho: da:. Nghoid loug we' oung: wa yoem: so' soem" wa yoem: so' yoo" su: gi Mangsoo danghoid da:. Nyang: gi re" gyivoo yiri nang ri oung: pyam wa akhang" byid: wa» ga: tid.

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

COUNG" NGHEI 65:2

Khasu" wim gari nang gi ngoonu" da" mho' yoid khyoo: ri tu" byid: bye:. Ngoonu" zei: shoid pyam bye: da" yooboo joem ri joyoo khyi, khang" moo" mo byumyu" acang: joeb bang: gi re" jang" moo: ju" re" boem wa zi nghoid.

ESAIA 29:7

Houg: lang" Mangso da" phoin: voomoo" ri khaid zain: nyid boem da" byumyu" yi da" gyizoo: yi dangain"- nyangnu" da" gyi jonu" dangain" yo' gyizi gyikhoo: ja: khang" moo" gi yhoebmo, yhang: ti" we' myen" ri shau" myid da" daja: ja: yhang: ti" we' bue" lo" byug wa.

ESAIA 29:8

Yerusalem ri khaid zain: wa shid re" zeing: foem: nyid boem da" byu dayug zoo: noem zo: nyid da" yhoebmo, mo, wigi so" re" ri zooyoid da su: yhang: ti" we' gyid shed wigi shid: lo" nyid da" su: gyid shug nyid ga: yhoebmo, mo, wigi boin: so" lo ri khyung" kyug nyid su: yhang: ti" we' nghoid goo" wa.

ESAIA 52:7

Lu dang: gi nghoid da" yug yoo myenjham" da" lu dang: voin wigi boem joem ri lid: phyid lho: re" nyid da" lagyoo: dayug ri Shau" myang zigi gye" mau" pho" zi nyang: nghoid. Nyang: gi oung: doid khyoo: ri tid fu" wigi Ziun ri «Re" Mangsoo gi khokham nghoid da o"» ga: tid.

YEREMIA 25:9

‹Ngoo gi mougzhung: shoid mo byumyu" dangain" ri yo' nga" dei zoo: Babelon mo khokham Nebukhadneza ri khi: nhang: kaid wa. Ngoo gi nyangnu" ri Yuda yo' houg moo nyid bang: mougkyoo" cang" yi dangain" mo byumyu" dangain" ri gyi koid wa shid re" shu" loo wa. Ngoo gi he: byumyu" mungdain: ri yo' hau: mougkyoo" cang" yiri phyo' shoin' pyam wigi apyaid atoo: moo yu" gyoug yu" lhung: sho' byo, jo, nhang: wa. Ngoo Aseing tid too" bye:.

YEREMIA 50:23

Babelon mung" gi mougmyid goin" ri ajab amhoin" baid mhoin' pyam da:. Akhid" hau: baid du ri baid khyau" pyam shau" ago". Hau: mungdain: moo bui" bye: da" moo" moo byumyu" dangain" dain mau" loo goo" wa.