NAHUM 1:7 - Lacid Common Language Bible

⁷ Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

NAHUM 1:7 교차 참조

1 KHOKHAM MHOOMYID: 16:34

Aseing gi ge nyid yoomo nyang: ri jeju" boin: nyid we'. nya: da" jheddab myid gi apyaid atoo: jo, jo, da:.

1 KHOKHAM MHOOMYID: 5:20

Nyangnu" gi Mangsoo ri khoug: nghe: wigi pang" thoug wa shid re" nyang: ri akyu" mho' boem. Mangsoo gi nyangnu" akyu" mho' thui: ri tam" gyoo: byid: wigi Hagara byu yi yo' nyangnu" da" myid veing" bidnoem yiri oung: pyam nhang: da:.

2 KHOKHAM MHOOMYID: 13:18

Houg: yoomo Yuda byumyu" yigi Israela byumyu" yiri oung: pyam ago". Ciwim gari nyangnu" gi nyangnu" da" phoug" phyid" yi da" Aseing Mangsoo ri khau: nghi: yoomo nghoid ago".

2 KHOKHAM MHOOMYID: 32:11

Nanu" Aseing Mangsoo gi ngoonu" da" yoem: so' lo, mo nanu" ri khyoid yu loo wa ga: wigi Hezekia gi nanu" ri tid da:. Nghoid loug we' Hezekia gi nanu" ri mhoug nyid zi nghoid. Nanu" ri zooyoid gyid shid wigi shid: nhang: wa.

2 KHOKHAM MHOOMYID: 32:21

Aseing gi moug: lagyoo: dayug ri nhang: kaid lho: Asuri gyidab mo gyizoo: yi yo' gyizoug: yiri said pyam da:. Houg: yoomo khosen phoo gi Asuri mung" khyoo: sho' phu" wigi tau" lo" da:. Danyid" ri nyang: gi nya: yu phara" no' yhoem: moo nyid nyid uri nya: yuggi zoo: yi dayham" gi nyangnu" da" shamcoin" wigi nyang: ri said pyam boem.

2 KHOKHAM MHOOMYID: 32:8

Nyang: gi xangsu: byu yoem: yo" da:. Nghoid loug we' ngoonu" gi ngoonu" ri pang" thoug wa yo' ngoonu" gyipui" ri koid byid: wa ngoonu" Aseing Mangsoo yo" da» ga: tid. Mung" byu yigi khokham pho da" dang: khoin" yoomo yoem: gyo: yo" ago".

EZRA 3:11

Nyangnu" gi Aseing gi ge: nyid ziyo: nya: jheddab myid gi Israela byumyu" yi adang moo apyaid atoo: dajo, nyid ga: doem pug coung" coung" koid nyid ago". Noku Yhoem: Moo" apoem: ayang: zhoug yo" koid shid" loo" bye: yoomo yugkhang" moo" nyangnu" dangain" mo, yoem: yo' nyho: wigi Aseing ri coung" nghei nyid ago".

COUNG" NGHEI 1:6

Deung: byeung" bang: rigi Aseing mo wigi khyoo: shu" vhu" she: ziyo' lhoug zung" goem coung: zi shoug" nyid boem. Akhyeung" bang: koem gi joem: lo" byug boem wa zi nghoid.

COUNG" NGHEI 100:5

Aseing gi su: nghoid wigi nya: jheddab da" emyed gi pyaid moo: too moo dajo, jo, ziyo' Nya: da" nheigloem: zung" khyoo: we' byu ngoug xiyam: moo: dageung: jo, o".

COUNG" NGHEI 20:1

Nang kyi" khyeug shoug" nyid da" ayo, moo Aseing gi nang ri tu" byid: baja". Yaku da" Mangsoo gi nang ri lhoug zung" nyid baja".

COUNG" NGHEI 25:8

Aseing gi ge thang su: yo' deingmain" su: nghoid nyid yoomo yooboo shoid vhang: nyid mo, ri ge soo" eung: da" khyoo: ri jhau" byid: nyid.

COUNG" NGHEI 27:5

Yau: khe" kyi" khyeug zi thoung" shau" da" bidnyid ri Aseing nyang: ngoo ri lhoug zung" byid: wa zi nghoid. Nya: da" Noku Yhoem: Moo" moo ngoo ri myenjham" nyid nhang: lho: myhang: da" lug moo" boem tho' moo ngoo ri gau: nyu: nhang: nyid.

COUNG" NGHEI 37:39

Aseing gi deing byeung" mo, ri khyoid yu wigi yau: khi" zi shoug" nyid da" ayo, moo Nyangnu" ri zung" byid: lhoug byid: nyid.

COUNG" NGHEI 37:40

Nyang: gi nyangnu" ri pang" thoug lho lhoid pyoin yu nyid. Nyangnu" gi nya: jang" moo goem loem yu byid: wa shid re" ju" re" nyid boem yoomo nyang: gi nyang: nu" ri akhyeing" ashoeb bang: da" lo, mo khyoid yu byid: nyid.

COUNG" NGHEI 46:2

Houg: yoomo mougmyid gi nain" lo- boem lang joem gi nammugdara thi" khyoo: noeb gyoo" lo" rilang" gi ngoonu" gi gyoug dain zi shoug" wa anghoid.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 59:16

Nghoid loug we' re" yoem: zeing so, mo" khyoo: ri ngoo gi jikhoin" yo' coung" nghei nyid wa. Re" da" geung: teung jhed khyeing: kang: khyeing: ri nab soin: ayo, khang" moo" moo ngoo thui: zeing yo' jihkoin" nyid wa. Nang gi nga" da" phang: khoug: jang: bue" jo, wigi ngoo yau: khi" zi shoug" nyid ayo, moo gau: da" khoug: loo joyoo nghoid.

COUNG" NGHEI 71:3

Nga" da" gau: nyu: nghe: khoug: joyoo yo' ngoo ri goem loem byid: wa da" gyidab, nghoid. Yoem bo da" nang gi nga" khoug: loo lug ug yo' theung shang" joyoo nghoid.

COUNG" NGHEI 86:7

Nga" noku thui: ri nang tu" byid: bye: yoomo yau: khe" ayo, moo ngoo nang ri yoid bye:.

COUNG" NGHEI 9:10

Aseing we" nang ri si bang: gi nang ri loem" jeung" loem khau: lo boem wa zi nghoid. nang gi re" jhang khyoo: tain" tab, loo bang: hang" ri we' alhoem: khaid pyam.

COUNG" NGHEI 91:15

Nyangnu" ngoo ri yoid lang- ngoo nyangnu" ri tu" byid: wa nghoid. Nyangnu" yau: khe" khyoo: shoug" nyid uri ngoo nyangnu" yo' dage" nyid nyid wa nghoid. Ngoo nyangnu" ri khyi yu lho: tu: to' coung" nghei byid: wa nghoid.

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

ESAIA 25:4

Myung bang: yo' asho" ajhen: bang: gi re" jhang phang: re" abye:. Yau: khi" shau" da" ayo, moo goem loem zi shau" abye: go". Uglid ri phang: khoug: wa shid re" joyoo nyangnu" ri nang byid: abye:. Nge" lung jang" mo khoug: wa shid re" bid shoem: byid: bye:. Anau akhyoid koid da" byu yigi ngam" yo, mo uglid yo' dayhang: ti'

ESAIA 32:2

Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 17:17

Ngoo ri agyug dain nhang:. Yau: khi" ju" uri nang gi nga" goem loem jo, yo nghoid da:.

YEREMIA 24:5

«Israela Mangsoo- ngoo Aseing gi Babelon mung" khyoo: shu" loo" shau" boem da" byumyu" yigi he: ge da" lafoem' shi" joem yo' du wigi ngoo gi nyangnu" ri goolhoo' za: koid wa.

YEREMIA 33:11

Ngei pyo: wigi nyho: da" thui:- lo, xo' pui" moo pyo: da" thui: joem ri nanu" doem shoug" gyoo: loo goo" wa. Byumyu" yi nga" Noku Yhoem: Moo" khyoo: jeju" boin: xoin" ci: re" boem uri nyangnu" jikhoin" khoin" boem da" ziri nanu" shau" gyo: loo goo" wa. Nyangnu" gi ‹Myhang: thang Aseing ri jeju" coung" ge'. Ciwim gari: nyang: gi ge wigi nya: jheddab myid gi apyaid atoo: nghoid da› ga: tid boem. Ngoo gi he: mungdain: ri shid phyang" nyid gi yab ge yhi' nyid gi yab gi sho' koid wa. Ngoo Aseing tid too" bye:» ga: tid da:.

NGOUG JI: 3:25

Aseing gi nyang: ri loem khoug: mo, atho' moo ge nyid zi nghoid.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 6:23

Khokham phoo gi gye" gau wigi Daniela ri thung: yhoem: khoug: mo lang: she: thu yu wa amyeing" byid: kaid da:. Houg: yoomo nyang: ri lang: she: thu yu ri nyang: gi Mangsoo ri loem khau: yoomo nyang: moo ce: dam dajhi' we' adab ziri shau" myang ago".

YOELA 3:16

Aseing gi Ziun boem tho' mo thui: zeing yo' nyho: kaid wigi Yerusalem mo nya: thui: moo" wim kaid lang" mougkhung: myidjang gi nain" loo wa nghoid loug we' Aseing gi nya: byumyu" yiri goem loem byid: wa.

ZEPHANI 3:12

Ngoo gi hau: joyoo moo nheigloem: khyo' wigi nu" nham' mo, ri nyid deing nhang: wa zi nghoid. Nyangnu" gi Aseing da" myeing moo khoug: nghi: wa shid re" sho: yen" bang: nghoid.

MATHE 27:43

Nyang: gi mangsoo ri loem jeung" lho: ngoo gi Mangso nya: zoo: nghoid ga: we' tid. houg: yoomo Mangsoo gi nyang: rijheddab nheig khyeig nghoid rigi akhid" nyang: ri khyoid yu baja".»

MATHE 7:23

Hau: uri ‹ngoo nanu" ri khanham we' asi"- atarha" da" moo" zei: mo, we"- nga" jang" mo gang: loo" ge'› ein: wigi ngoo nyanu" nyang: ri tid wa zi nghoid.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

Roma 11:22

He jang" moo Mangsoo: gi - khayhi' gyeing" nheig khyeug shoo" se' myen: da" khyoo: yo' khayhi' gyeing" noo sho' yooboo dang: se' kho: da" khyoo: ri ngoonu" shau" myang boem. Mangsoo: gi yooboo shoid' mo ri gye thain: sho' yooboo dam yo" byid nyid da" khyo" ein: ri nanu" gi Mangso: nheig khyeug khyoo: ri yo" xo kham: yu sho' cang koid' zei: so' ri gi Mangsoo: gi nanu" da" tho' moo nheig khyeug nheig myen: nyid wa zi za nghoid. Hau: nheig khyeug myen: da" khyoo: ri shau" kham yu sho' akoid' acang loem boem ri koem' gi nanu" ri we' Mangsoo: gi cu: khyo' pyam' wa.

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.