Biblia Todo Logo
온라인 성경

- 광고 -




NAHUM 1:6 - Lacid Common Language Bible

6 Nyang: nheig yo: lo ri hang" yo" se' dei deung nyid wa lha". Nya: da" gyoug pho" nheig joem: yo: lo ri hang" yo" kham wa lha". Nyang: gi nya: da" nheig yo: myiyham: ri foid shoin" kaid ri nya: shidkhoin" mo lug moo" boem joem gi pheilhoug: bue" loo" bye:.

장을 참조하십시오 복사




NAHUM 1:6
31 교차 참조  

Aseing gi «Thu' lo lho: boem gung tho' mo nga" shidkhoin" moo: lo" yab yu" we'» ga: tid. Hau: thang: Aseing lid: lo wigi bau gung ri byo, gyoo" nhang: lho: lugpyo' ri gyoeb, loo" nhang: da" gyoug pho" uglid moo" ri nhang: kaid bye:. Nghoid loug we' Aseing gi lid moo: aboo nghoid da:. Lid moid zi theing: thang: ri myid leig leig nhang: bye:. Nghoid loug we' myid leig leig jang" moo Aseing aboo nghoid da:.


Mougkhung: ri thug to" da" zeing bung: joem ri nyang: kyug nhain' kaid lang" hau: joem gi gyoug wigi ko' ko' nain" nyid da:.


Nghoid boin: bang: ri yu" kaid yu" we' re" nheig yo: khyoo: ri foid khyo' kaid lho: nyangnu" ri nyhoem: gyoo" loo" nhang: we'.


Nyang: gi atid poin" too" loo: boem joem ri yu: loo" nhang: da:. Houg: lho: nheig yo: ziyo' hau: joem ri phyo' shoin' pyam da:.


Ngoonu" da" yooboo joem ri nang to' lhid" xoem" to" byid: nghoid rigi kha: yug gi yooboo dang: phyed jang" mo yo" phang: loid loo" wa lha".


Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.


Nghoid loug we' Aseing we" nang ri byu dangain" mo, gi gyoug phau" myang: nyid boem ago". Nang nheig yo: lo da" uri hang" we' re" shidkhoin" moo: ayo" to' yab jo, boem nghoid aloo go.


Nang gi: re" da" tarha" dang: phyed khyoo: ri mougkhung: mougdi tho' mo wigi si' nhang: nyid. Mougmyid tho' moo: doin: zeig zo: zi shoug" bang: ri khyoid yu wa shid re" nang to' lho: dang: phyed uri mougmyid gi gyoug nain" lho: sam" zoo: tam" to" abye:.


Yoem moo" so' moo" yo' re" da" nheug khoo" yo: khyoo: ri hang" kham' zo: nyid lha". Re" da" nheug khoo" yo: khyoo" wigi yo" ze" bui" nhang: da" gyoug ci' ge da" khyoo: ri kha: yug se' nyid lha".


Akhid" xu: xu: toin' toin' bang: ri yooboo dam byid: wa shid re" myhang: thang da" Aseing gi noo phyoo" ri nhang: kaid wa nghoid da:. Nyangnu" gung moo nge" lung da" myi: dab loo wa.


Mougkhung: ri ngoo nhoin' kaid wa ziyo' myhang: thang Aseing ngoo gi nga" nheig yo: ziri ci: shu' byid: da" bidnyid moo myidgung gi nya: joyoo moo loeb noin" thu loo wa.


Ngoo gi zabyid khyam: ri nheig ayoo: loo wa. Houg moo zukyen: yo' siyoo zukyen: bain: gam joem wigi thougtheung zain: lang" za: hau: joem ri ngoo bain sho' nghe pyam wa.


Ziun moo nyid boem da" yooboo yoo" bang: gi gyoug wigi ko' ko' nain" nyid ago". Nyangnu" gi «Mangso da" dang: phyed khyoo: gi apyaid atoo: moo nge" nyid da" myi: yo' du da:. Houg yhang: te" da" myi: mo ngoonu" hang" dayug yo" nyid deing wa la"» ga: tid ago".


Aseing gi myi: yo' dage" ju" ri" wa. Nyang: wigi nheig yoo: bang: da" adang moo yooboo dam byid: wa shid re" nyang: gi uglid dung tho' moo zhung: wigi ju" ri" wa.


Nghoid loug we' Mangsoo we"- nang gi deingmain" da" Aseing nghoid da:. Nang gi kangso' dei da" Mangsoo nghoid wigi apyaid atoo: mo khokham nghoid da:. Nang nheig yoo lang" mougmyid noin" da:. Byumyu" yi re" nheig yo: khyoo: ri atho' zeing: kham: nghoid da:. (


Nyang: gi nya: nheig joem: yo: wigi Israela yi da" yoem: ri phyo sain" pyam byid: bye:. Gyivoo joem re" lo da" ayo, moo nyang: ngoo ri apang" yu nghoid da:. Nyang: gi ja: khang" moo" ri phyo sain" pyam da" myi: yhang: ti" nya: nheig joem: yo: da" zigi ngoonu" ri ngi" bye:.


Nyang: gi gyivoo dayug ri yhang: ti" nya: myoovhu" gi ngoonu" khyoo: yeung to". Nyang: gi ngoonu" ngei pyoo: ngei lhoo' za: nyid mo, dangain" ri said pyam byid:. He: Yerusalem moo nya: da" nge" nyid nheig joem: yo khyoo: ri ngoonu" shoug" kham zo: boem bye:.


Aseing gi nya: nheig yo: khyoo: ri yoem: byeung" sho' phain" thu' kaid. Ziun ri myidgung ju" sho' nghe' jhoem" pyam da" myi: ri tab kaid da:.


Ngoo wigi nanu" ri moo yi: yi: bang da" myi: wigi nghe' pyoid kaid uri nga" nheig joem: yo: ziri shoug" kham zo: loo wa. Houg: lho: ngoo gi nanu" ri phyo' shoin' jang" moo bue" doid da" athoug" akhyoug: byu yi jhang khyoo: ab byid: pyam wa.


Ngoo gi Egutu ri myi: nghe' kaid wigi Pelusium gi kougshu: loo wa. Thebe vang khyam: joem gi byo, gyo" lo" byug wa. Voomoo" gi gyid je: nhoeb pyam wa.


Ngoo gi Magoga mougmyid mo zi hang" wigi we' phibu apu' lho: za: nyid boem da" panglai: gyid yam cang mo mougmyid joem dangain" ri ngoo myi: nghe' tab kaid wa.


«Akhid" daso' ri nyang: nanu" gi ngoo nheig yo: yoem: ri shoug" kham zo: loo bye: da" moo" shid re" dang: phyed byid nyid zi nghoid. Houg: lho: nanu" da" aco' ajhoid moo" dangain" shid re" nanu" ri ngoo aphoug" doem shang" byid: wa.


Aseing Mangsoo gi nyang: ri mishi' zhang myang: loo mo ri ayo" zeung: kham. Nyang: gi nyang: ri thougtheung bang: ri shen" yhen nyid. Nyang: gi nheig yo: ziyo' nyangnu" ri latoo: phug nyid su: nghoid.


Nanu" gi phei" pyang" yhang: ti" lid yo' amoid sain" loo" shi" uri Aseing da" gyoug pho" nheig yo: da" khyoo: gi nanu" jhang ange" loo shi" uri nyang: nheig joem: yo: bidnyid aju" loo shi" ri re" zeing: foem: nyid we'.


Nghoid loug we' nyang: ju" lo da" hau" bidnyid moo gi kha: yug yo" theung yab jo, wa lha". Nyang: thu myang lo ri hang" yo" se' dei nyid loo: wa lha". Nyang: gi thain: da" sapya: yhang: ti"- to' ri: kyeing sain da" myi: yhang: ti" nghoid nyid da:.


Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.


Hau: thang: ri noku yhoem: moo" khoug: mo thui: zeing myeung thu' lo- Hau" da" thui: gi " Moug: myid tho' khyoo: Mangsoo nheig gyed" zi bo da" goem nyhed loem: ri ci: thu' yhe: lho: foid shoin" kaid ge",, ga: moug: lagyoo: nyhed youg bang: ri tid zi ngoo shau" gyo.


Hau: thang: ri myid: yug ein: da" moug: lagyoo: gi nya: da" goem, ri bid, da" atho' moo foid gyoin: kaid' Houg: lang" bid gi byu xang: su: yiri gye" nge" da" myiso' yo' nge" kyu" pyam' nhang: zi shau" bye.


Mangsoo yo' yang nu" da" nheig no, yo: lo da" bidnyid nghoid abye:"- houg: moo hang" yo" theung shang" kham: yab, jo, wa lha".


우리를 팔로우하세요:

광고


광고