NAHUM 1:5 - Lacid Common Language Bible

⁵ Aseing shidkhoin" moo boem joem gi lei" nyid bye:. Nya: shidkhoin" moo bouggung joem gi yau, yu: loo" bye:. Aseing thu lo ri myid leug leug lo da:. Mougmyid yo' houg: moo nyid bang: dangain" gi nain" nyid boem bye:.

NAHUM 1:5 교차 참조

2 SAMUELA 22:8

Houg: lang" Mangsoo nheug yo: wigi mougmyid gi nain" lho: lei" loo bye:. Boem joem we' apoem: mo nyang: yoid yoid ga: wim lho: lei" nyid.

YOBA 26:11

Mougkhung: ri thug to" da" zeing bung: joem ri nyang: kyug nhain' kaid lang" hau: joem gi gyoug wigi ko' ko' nain" nyid da:.

YOBA 9:5

Nyang: gi atid poin" too" loo: boem joem ri yu: loo" nhang: da:. Houg: lho: nheig yo: ziyo' hau: joem ri phyo' shoin' pyam da:.

COUNG" NGHEI 104:32

Mougmyid ri nyang: lheung: yu" kaid lang" houg: gi nain" lo nyid boem joem ri nyang: thau" zhuang" kaid lang" houg: mo myid khoug" joem nge" thu' lo nyid.

COUNG" NGHEI 114:4

Boem joem gi coidbaid joem yhang: ti" thu' byam nyid wigi bouggung joem gi yang joem yhang: ti" byam yen" ago".

COUNG" NGHEI 114:6

Boem joem we" ciyoomo coidbaid joem yhang: ti" thu' byam yen" go" lha". Boug gung joem we" ciyoomo nanu" gi yang nu" joem yhang: ti" peig byam yen" go" lha".

COUNG" NGHEI 18:7

Houg: lang" Mangsoo nheug yo: wigi mougmyid gi nain" lho: lei" loo bye:. Boem lang joem we' apoem: mo nyang: yoid yoid ga: wim lho: lei" nyid.

COUNG" NGHEI 18:8

Nya: nhoo: duang: mo myi khoug nghoid loug we' nya: nhoid mo nge" dab, nyid da" myiyham: yo' myigyu: joem ri: moid thu' kaid nyid.

COUNG" NGHEI 46:6

Byumyu" yigi gyoug dain' nyid boem abye:. Mungdain: joem gi lei: nyid bye:. Mangsoo gi moug goem: goem: kaid lho: moug: gyab, goin" gi yau, yu: loo" bye:.

COUNG" NGHEI 68:8

Mougmyid gi nain" lho: mougkhung: gi moug: ri vo, khyo kaid. Khasu" wim gari Sina boem da" Mangsoo- Israela da" Mangsoo ju" gyo" loo yoomo nghoid.

COUNG" NGHEI 98:7

Nammugdara yo' hougmoo: loung" jo, da- gougnyhoug dangain" bang: we' myeung fu" tu" too" we'. Mougmyid yo' hougmoo: nyid nyid mo dangain" bang: we' jihkoin" khoin" we'.

THU' LO" MOUGSOUG" 19:18

Aseing gi myiyham: deing: yo' Sina boem khyoo: gyoo" ri" yoomo boem dangain" jang" moo myikhoug" yo' nghoeb pyam bye:. Myikhoug" gi myikhyoem' moo" mo myikhoug" yhang: ti" do, lo" nyid wigi byumyu" yi dangain" gye" gyoug nain" nyid ago".

ESAIA 24:1

Aseing gi mougmyid ri lhu: phyo' pyam wigi jham" coug: youg koid loo wa. Nyang: gi mougmyid ri lheing: kaid wigi hau: byu yiri abyoo: asain" koid pyam wa.

ESAIA 24:20

Mougmyid gi yhid: yed su: yhang: ti" nyang: nyang: leung baid yen" wigi uglid yoem" khoug: mo zoem" khyam" yo' dayhang: ti" yhoin leung loo wa. Myid gung gi nya: yooboo wigi nhe" zhung: gyoo" loo" shau" wigi hau: zigi byo, yoin" lo" wigi khanham we' ayo" doem to' loo wa.

ESAIA 5:25

Aseing gi nya: byu yiri nheig yo: wigi nyangnu" ri yooboo dam byid: wa shid re" nya: lo, ri yhoin" kaid da:. Boem joem gi loeb loeb lei" loo wa. Byu shid: mang joem gi mhoid soid yo' dakhyo" khyoogung joem moo daboem loo goo" wa. Hougsu" nghoid loug we' Aseing da" nheig yoo: zigi agyoo" wa. Nya: lo, koem' gi yooboo dam byid: wa dayhoin" too" shigoo" wa zi nghoid.

YEREMIA 10:10

Nghoid loug we' Mangsoo we"- nang gi deingmain" da" Aseing nghoid da:. Nang gi kangso' dei da" Mangsoo nghoid wigi apyaid atoo: mo khokham nghoid da:. Nang nheig yoo lang" mougmyid noin" da:. Byumyu" yi re" nheig yo: khyoo: ri atho' zeing: kham: nghoid da:. (

YEREMIA 4:24

Ngoo gi boem joem khyoo: yu" kaid- hau: joem gi lei" nyid da:. Houg lho: bouggung joem gi thei: shoid he: shoid byam' zhang" nyid da:.

EZEKIEL 38:20

Mougmyid gyab moo nyid da" wimdo, khang" moo"- ngho' du: khang" moo"- gougnyhoug gyi: zi nge zi du: khang" moo" byu xangsu: yi yugkhang" Moo" gi ngoo ri gyoug wigi ko' ko' nain" loo goo' wa. Boem joem leung gyoo" lo" byug wa. Lug pyo' joem gyoeb gyoo" lo" wa. Vang khyam: joem leung gyoeb byug wa.

YOELA 2:10

Nyangnu" jhen" yhe: lo" ri myid leig leug lo lho: mougkhung: we' nain" nyid bid yo' lhammoo" we' coid shoem: lo" wigi kyi: joem we' ayo" bang boem loo.

AMO 9:5

Yoem: moo" bo myhang: thang Aseing gi mougmyid ri zang" thung" kaid lang" kougshu: nyid boem bye:. Moug: gyab goin" jang" moo Nila gyid gyung: je: lo yu" kain" lo" yu" wim nyid yhang: ti" bue" lo nyid.

MIKHA 1:4

Hau: thang: ri myi: zang" da" byooshung" yhang: ti" boem joem gi nya: khyid: yang: moo yau, yu: lo" lho: Hau: zigi bouggung tho' mo gyid foid shoin" kaid ziyo' dakhyoo" ti" jang: gyu" lang: khoug: khyoo: yau gyo" lo" boem wa zi nghoid.

HABAKU 3:10

Boem joem gi nang ri myang lang" gyoug nain" nyid boem bye:. Gyid we' mougkhung: mo foid khyo' kaid bye:. Hau: gyid gi mougmyid moo moug: bug loo" sho' myeung lho: nyangnu" da" being lung" joem gi myhang: sho' to' lo boem bye:.

ZEKHARIA 4:7

«Gye" gyi: da" boem moo" we"- nang gi cenoem nghoid la". Zerubabela shidkhoin" moo nang gi jang: dam bue" loo" wa zi nghoid. Nyang: gi Noku Yhoem: Moo" ri doem zhug lho: thang" thang moo yhoem: jhoin: mo khung: phoug lug zhug to" uri mung" byu yigi ‹Gye" yung" gye" yung"› ga: nyho: thu lo boem wa» ga: tid.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

MATHE 27:51

Hau: da" uri kyu" mho' yhoem: moo" khoug: mo pain" xiyam gi aphyoo" mo apoem: ju" sho' eig gang gyam: dang: gyo" loo" khare". Myid leig we' leig lho: lung: moo" boem joem we' gyam: lo".

MATHE 28:2

Nyeigdain tung" hau: joyoo moo myid leig leig lo:- Mangso da" Mouglagyoo: gi mougkhung: mo gyoo" lo wigi lugloem: ri tu: phoug pyam lho: hau: da" lugloem: tho' moo zhoung: jo.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

Pang Shug 6:14

Moug: khung: gi mougsoug" deing: ri deung: lhoem" lo" yhang: ti"- byug loo" khare" lho: - boem, lang yo" gugyoo: kang: joem dangain" gi nya: joyoo mo hei" loo" khare" zi shau" nyid.

TARHA" AGYI 5:5

Israela byu yi da" Aseing Mangsoo shidkhoin" Sina boem mo Aseing shidkhoin" mo boem joem dei loeb ago".