NAHUM 1:4 - Lacid Common Language Bible

⁴ Nyang: gi panglai: ri amyeing" byid: kaid lang" hau: zigi kain" loo" khare" lho: nyang: gi gyid moo" lang joem ri we' kain" loo" nhang: bye:. Bashan janggyoin: we' nyhau" kyug lo"- Kharmela boem we' kyug moid" lo" lho: Lebanon da" bain: boo" joem we' nyhau" shu: gyo" byug boem bye:.

NAHUM 1:4 교차 참조

APOEM AYANG: 8:1

Mangsoo gi Noa yo' nyang: yo' dage" gyid lhid moo" zeing khoug: moo loung" nyid da" gougnyhoug dangain" ri boin: so" nyid yoomo nyang: gi lid ri hau' nhang: lho: gyid ri kain" loo" nhang: bye:.

2 SAMUELA 22:16

Aseing we" nang gi gyivoo joem ri gyi koid lho: nyangnu" ri nheug khoo" yo: nhain' nyid da" uri panglai: gyid thoem" thi" gi akoem: bue" lo" byug bye:. Mougmyid da" apoem: ayang: gi yhoin" thu' lo nyid bye:.

YOBA 38:11

Ngoo gi hau: ziri «Gye" ve: jang" khyoo: alid yhi:- hid: moo yoem: so' gyi: da" re" being: lhung" joem ri theing: ca"» ein: tid bye:.

COUNG" NGHEI 104:7

Nang gi gyid lang joem ri gyikoid kaid lang" gi houg: bang: gi phang: gyoo" lo" byoug lho: nang yoid tid da" amyeing" dang: ri houg: bang: shoug" gyoo: lang" gi myab, myab, yau, shang lo" byoug ago".

COUNG" NGHEI 106:9

Nyang: gi gyid ni thoem" ri amyeing byid: kaid lang" hau: zigi: kain" lo" byug bye:. Hougsu" wim nyang: gi nya: da" byumyu" yiri kyug kyiri da" midcoo: yoo khyo" shu" gu: lid loo bye:.

COUNG" NGHEI 114:3

Gyid thoem" ni gi hau: ziri myang yoomo phang: lo" byug bye:. Yodan gyung: we' yau, nyid jang" mo theung: byug bye:.

COUNG" NGHEI 114:5

Panglai: we" nang gi ciyoomo phang: lo" lha". yodan gyung: we" nang gi ciyoomo- yau nyid jang mo theung: jo, lha".

COUNG" NGHEI 18:16

Aseing gi tho mo lo, yhoin" kaid lho: ngoo ri zei: ci: wigi gyid byid thoem" thi" mo ngoo ri she: thu' yu bye:.

COUNG" NGHEI 74:15

Nang gi gyid bug yo' gyid zoo: joem ri shau, kaid wigi gyid moo" lang joem ri khyoug kain" loo" nhang: nyid.

ESAIA 33:9

Mungdain: gi akyu" aboo jham" coug: youg bue" jo da:. Lebanon seig moo" yoo gi shoem: nyhau" lo" lho: myidxu: ge da" Sharon janggyoin: gi dain" pyoid yoo yo' dakhyo" bue" lo" wigi Bashan mung" yo' Khamela boem dang moo yug da" seiggam joem mo seig fu' joem shu: gyo" nyid ago".

ESAIA 42:15

Ngoo gi bouggung joem yo' boem joem ri phyo' shoin' pyam lho: myo, gam yo' seiggam joem ri kyug loo" nhang: wa. Ngoo gi gyid gyung: lang khung" joem ri dain" pyoid yoo koid pyam wigi gyid thoem" mo gyid ri kyug hei' loo nhang: wa.

ESAIA 44:27

Amyeing" dakhoin" wigi ngoo gi nammugdara ri kyug kain" loo" nhang: da:.

ESAIA 51:10

Panglai: ri kain" hei' loo" nhang: su: we' nang nghoid da:. Khyoid yu shoug" bang: yo" lid: phyid loo" goo" wa shid re" gyid khyo" khyoo: phang byid: su we' nang nghoid.

EZEKIEL 30:12

Ngoo gi Nila gyid lang ri kain" kyug loo" nhang: wigi Egutu ri akhyeing" bang: da" yoem: so' lo, khoug: moo to" too" wa. Tungbau byu yigi hau: damung" goin" ziri phyo' shoin' pyam loo goo" wa. Ngoo Aseing tid too" bye:.

EZEKIEL 38:20

Mougmyid gyab moo nyid da" wimdo, khang" moo"- ngho' du: khang" moo"- gougnyhoug gyi: zi nge zi du: khang" moo" byu xangsu: yi yugkhang" Moo" gi ngoo ri gyoug wigi ko' ko' nain" loo goo' wa. Boem joem leung gyoo" lo" byug wa. Lug pyo' joem gyoeb gyoo" lo" wa. Vang khyam: joem leung gyoeb byug wa.

AMO 1:2

Amo tid zigi «Aseing gi Ziun mo wigi thui: zeing yo' yoid nyid. Nya: thui: gi Yerusalem mo thu lo da:. Mhain" nu" yoo gi kyoug lo" lho: Kharmela boem tho' moo vufu" yoo we' yhau" loo" khari" bye:.

AMO 5:8

Aseing gi Kyi: gyo: lakhyoin- Boo" kyi: ga: da" kyi: joem ri phain" so: to". Nyang: gi moug: coid ri bidbang bui" nhang: lho: nyid" dang: gung rilang" myen" moo" bue" loo nhang:. Nyang: gi Panglai: gyid ri khe: yu lho: mougmyid tho' moo foid shoin" kaid nyid. Nya: myeing gi Aseing ga: zi nghoid.

MATHE 8:26

Nyang: gi «ade: loem" jeung" mo, we" ciwim gyoug nyid go" lha"» ga: nyangnu" ri gyikoid houg: lang" nyang: to' lo lho: uglid yo" being: mhoid ri gyikoid. Houg: lang" uglid yo" being: mhoid gi atho' tid loo sho' sam" tam" to.

YOSHU 3:16

gyid yau zi theing: lo' wigi Zarethan nam mo Adan voomoo" ju" sho' doem tau" yau lo" da:. Thoem" shid: khyoo: yau gyoo" lo" da" gyid gi jhoid yau kain" pyam wigi byumyu" yigi Yerikho nam khyo" yo" lid phyed lo" da:.