NAHUM 1:3 - Lacid Common Language Bible

³ Aseing nheig yoo: lei su: anghoid. Nghoid loug we' nyang: gi yoem: moo" boo su: nghoid lho: shoid vhang: su: ri ajhoug" amho' loo nyid su: anghoid. Aseing so" yen" joyoo moo uglid moid lo lho: jhoemmoug" joem ri we' nya: khyid: khyo" nang: tang" kaid da" pheilhoug: nghoid nyid.

NAHUM 1:3 교차 참조

2 SAMUELA 22:10

Nyang: gi mougkhung: ri lang: khyo' kaid lho: ceug yo' no, da" jhoemmoug" thei" ri nya: khoovoo: khau: moo: kaid ci: lho: nyang: gyoo" lo.

NEHEMIA 9:17

Nyangnu" gi tam" gyoo: cang yhi: wa shid re" ngeug he: pyam ago". Nyangnu" gi nang koid lid lo zi dangain" ri to" myid pyam ago". Nyangnu" gi nang koid da" mau" pho" alhoo: again joem ri to" myid pyam ago". Nyangnu" nghoid boin: yoomo nyangnu" gi nyangnu" ri Egutu khyoo: doem shu" tau" phang: wa vhujhung: dayug ri khyen: ago". Nghoid loug we' nang gi yooboo khyoid byid: da" Mangsoo nghoid da:. Nang gi jeju" byeung" lho: jheddab myid bo ziyo' nheig yoo: wa ahain: su: nghoid da:. Re" nheig khyeug myid gi gyi: sheung: da:. Nang gi nyangnu" ri ashe: pyam too" nghoid da:.

YOBA 10:14

Nang gi ngoo ri yooboo koid nghoid rigi ngoo ri yooboo akhyoid byid: wa ga: zung" yu" lid loo bye:.

YOBA 38:1

Hau: thang: Uglid khoug: khyo" Aseing gi Yoba ri tu" byid: da:.

YOBA 9:4

Mangsoo gi phajhi" gye" bo wigi yoem: so' gye" gyi: da:. Nyang: ri hang" avoem" thougtheung yab jo, nghoid da:.

COUNG" NGHEI 103:8

Aseing gi nheig khyeug shoo" myen: lho: jheddab nyid. Nheig yoo wa ziri nhe" nyid lho: athang agoin jhed khyeing: kang: khyeing: yo' byeung" jo, su: nghoid.

COUNG" NGHEI 104:3

Moug: laid moo: jo, da" gyid thoem" tho' moo re" yhoem: ri koid to" da- nang gi jhoemmoug" joem ri re" da" myang: rheing" yhang: ti" nang ci: yhoung: nyid wigi lid da" dung tho' moo nang jui: lo" da:.

COUNG" NGHEI 145:8

Aseing gi jheddab ziyo' nheig se' khyeug su: nghoid yoomo nyang: gi nheig khoo" yo: khyoo: ri yo" kham: zeung: ziyo' athang agoin jheddab myid yo' byeung" jo.

COUNG" NGHEI 147:5

Ngoonu" da" Aseing gi tho' mo su: nghoid nyid yoomo athang agoin da" yoem: moo" yo' byeung" jo, su: nghoid. Nya: da" lasi phajhi" ri hang yo" tho' ke' yu" wa zi anghoid.

COUNG" NGHEI 50:3

Ngoonu" da" Mangsoo gi re" lo nyid uri sam" zoo: ju" ri" zi anghoid. Nya: shidkhoin" moo: myiyham: dab nyid wigi nya: ayam' aqei: moo thain: da" uglid zeing hau, nyid.

COUNG" NGHEI 62:11

Aseing gi phung" yoeb yoem: so' bo nyid da" khyoo: ri nyha" Mangsoo tid nyid ziri ngoo myoo" sho' lheung: shau" gyo: loo bye:.

COUNG" NGHEI 66:3

Nang koid da" moo" zoo" joem gi khayhi' mau" pho" khyoo: nghoid lha". Nang ci: da" zoug: myeing" yoem: vhoo" gi yoem: so' gye" boo yoomo Re" gyivoo joem gi re" shid moo: gyoug nain" zoore dagoeb, jo, lo: boem.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

ESAIA 29:6

Myhang: thang Aseing gi thain: da" mougkhung: lid yoem: yo' myid leig leig ziyo' nanu" ri khyoid yu goo" wa. Nyang: gi uglid yo' myi: ri khyo' kaid wa.

ESAIA 66:15

Aseing gi myi: yo' dage" ju" ri" wa. Nyang: wigi nheig yoo: bang: da" adang moo yooboo dam byid: wa shid re" nyang: gi uglid dung tho' moo zhung: wigi ju" ri" wa.

YEREMIA 4:13

Yu" ge'- gyivoo gi jhoemmoug" joem yhang: ti" lo nyid da:. Nya: da" gyi myang: rheing" joem gi lid shoem' yo' du ago". Houg: lho: nya: da" myang: joem gi zoin bung: joem tho' myab da:. Ngoonu" gi soem" wa bye:. Ngoonu" gi joem: wa bye:.

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

YOELA 2:13

Nanu" da" kougshu: khyoo: ri nheigloem: gyau: khyo" toin" shed we'. Nanu" da" byimi lang: ceug zi za: we' atham: shi"» ga: tid. Nanu" da" Mangsoo Aseing jhang khyoo: doem tau" loo we'. Nyang: gi myid ge wigi nheig khyeug shoomyen: da" nheigloem: yo' byeung" su: nghoid nyid. Nyang: gi nheigloem: sheing: ziyo' nya: dangsoo" zung" su: nghoid wigi nyang: gi yooboo dam abyid: loo: za: yooboo khyoid pyam byid: wa shid re" khanham we' jen" nyid su" nghoid.

YONA 4:2

Houg: yoomo nyang: gi «Aseing we"- ngoo yhoem: mo athu loo shi" uri nang gi hougsu" koid wa ziri ngoo tid bye: anghoid la". Nang gi khanham we' jheddab myid yo' nheig khyeug nyid su:- nheigloem: gyi: sheung: nyid su:- yooboo dam kaid wa jang" mo lei lei doem yoeb pyam da" Mangsoo nghoid nyid ziri ngoo se'. Ngoo Spain mung" khyoo: phang: loo" bye: zi he: gang mo nghoid.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

YAKU 1:19

Jheddab da" mangnhung" yi we"- he: khyoo: ri xoem" too" ge'.Nanu" gi tam" gyoo: wa jang" moo myab, ge' dang: tid wa jang" moo nheig yoo: wa jang" moo gi ahain: goo".

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".