NAHUM 1:2 - Lacid Common Language Bible

² Aseing Mangsoo gi nyang: ri mishi' zhang myang: loo mo ri ayo" zeung: kham. Nyang: gi nyang: ri thougtheung bang: ri shen" yhen nyid. Nyang: gi nheig yo: ziyo' nyangnu" ri latoo: phug nyid su: nghoid.

NAHUM 1:2 교차 참조

YOBA 20:23

Nyangnu" vho: gu: dangain" zo boem goo" baja". Mangsoo gi nheig joem yo: nheigloem: yoin ziyo' nyangnu" ri yooboo dam byid: wa.

COUNG" NGHEI 94:1

Aseing we" nang gi dam kaid nyid da" Mangsoo nghoid da. Re" da" nheigloem: nge" lung khyoo: ri toin" shed we'.

THU' LO" MOUGSOUG" 20:5

Ce: ja: soolhoo: riwe' agoeb pid- ano' goo". Ciwim gari ngoo nanu" Aseing Mangsoo nghoid wigi ngoo gi mishi' mo, ri ayo" zeing: kham. Ngoo ri ngeing" mo, ri ngoo yooboo dam byid: wigi nyangnu" byuxeig soem" myid: xeig ju" sho' zang" wa zi nghoid.

THU' LO" MOUGSOUG" 34:14

Gootu: yu phara" ciri: we' ano' goo". Ciwim gari ngoo Aseing gi shi' goo" cang" ri ayo" zeing: kham byid: nghoid da:.

THU' LO" MOUGSOUG" 34:7

Ngoo gi byuxeig khyeing" khyeing" moin moin shid re" nga" dangsoo" ri cang su: nghoid. Yooboo yo' akhyeing" ziri khyoid pyam byid: su: nghoid. Nghoid loug we' ngoo gi soem" myid: xeig ju" sho' nya: zoo: nya: myid: yiri nyangnu" myhi' phoo yi da" yooboo shid re" dam byid: su: we' nghoid» ga: tid.

ESAIA 42:13

Aseing gi gyi khaid sarhi dayug yhang: ti" gyikhaid wa thu lo" da:. nyang: gi gyi khaid pui" shid re" jen" jen" nghoid wigi gau gau yi yi nghoid nyid da:. Nyang: gi meing: zain: wa mho' yoid- gyi khaid jang: moo nyho: nyid da:. Nyang: gi nya: gyivoo yiri nya: yoem so' ci: shug byid: da:.

ESAIA 51:17

Yerusalem we"- boin: to' loo we'. Nanya: gung ri nhoug" lho: too' we'. Nang ri shug wa byid: da" Aseing nya: nheig yo: da" Yooboo dam byid: khu ri nang shug abye:. Nang hau ziri shug khyo' kaid lho: apyi: akam" so" leung yen" nhang: bye:.

ESAIA 51:20

Khyoo: khaid khang" moo" da" khyoo: jhoin: moo re" byu yi gi yoem: neing: wigi yhau" leung lo" ago". Nyangnu" gi shoo" sho: su: da" goin moo myi" da" shoocid: yhang: ti" nghoid ago". Nyangnu" gi Mangso nheig yo da" yoem: so' ri kham: zo: boem abye:.

ESAIA 66:15

Aseing gi myi: yo' dage" ju" ri" wa. Nyang: wigi nheig yoo: bang: da" adang moo yooboo dam byid: wa shid re" nyang: gi uglid dung tho' moo zhung: wigi ju" ri" wa.

YEREMIA 25:15

Israela da" Aseing Mangsoo gi ngoo ri «Nga" nheig yo: zi byeung" jo, da" zabyid yhid: goem hid: moo nghoid da:. Hau: ziri yu ci: wigi nang ri ngo wigi nhang: kaid byid: da" byumyu" dangain" ri houg: mo nyangnu" ri shug nhang: we'.

YEREMIA 28:8

Ngoo yo' nanu" shid moo goonham' mo lapi: yigi gyi bue" zi zooyoid zi noo bui" zigi byumyu" yi myoo" sho' yo' yoem: bo da" khokham mungdain: joem moo bue" loo wa lapi: pe: lo ago".

YEREMIA 3:5

Nang gi khanham we' nheig yo: nyid wa zi anghoid. Nang gi ngoo ri apyaid atoo: moo nheig yoo: wa anghoid.› ga: tid da:. Israela we" he: zigi nang tid zi nghoid da- nghoid loug we' nang gi akhyeing" ashoeb ziri yo" koid yhi' koid da:.

YEREMIA 36:7

He: byumyu" ri nya: da" yu" gyoug yu" lhoung: sho' da" nheig joem: yo: ziyo' kyug nhain' bye: yoomo nyangnu" Aseing ri akyu" mho' wigi nyangnu" akhyeing" da" khyoo: joem mo doem phug lheing: loo goo" abe» ga: zi nghoid.

YEREMIA 4:4

Yuda yo' Yerusalem mo byu yi we"- nanu" da" Aseing ngoo yo' dang: theing to" ziri zoem: ci: ge'. houg: lho: nanu" nya: gung ngoo ri shugbyid: we'. Hougsu" akoid boem lang" nanu" koid da" akhyeing" ashoeb da" moo" joem yoomo nga" da" nheig yo: zigi myi: yhang: ti" nge" loo wa. Hougsu" nge" dab lo wigi hau: ziri hang" wigi we' ayo" said pyam goo" wa» ga: tid da:.

YEREMIA 50:15

Voomoo" aqei: ayam mo bang: gyipui" nyhoo: thui: yo' too' ge'. Akhid" Babelon gi lo, tu: pyam abye:. Nya: da" vang joem thung" thoid pyam wigi byo, gyo" jo, da:. Babelon byu yiri ngoo latoo phug wa. Houg: lho: nyangnu" ri nanu" latoo: phug yu ge'. Subi" ri nyangnu" koid yhang: ti" nyangnu" ri koid ge'.

NGOUG JI: 4:11

Aseing gi nya: nheig yo: khyoo: ri yoem: byeung" sho' phain" thu' kaid. Ziun ri myidgung ju" sho' nghe' jhoem" pyam da" myi: ri tab kaid da:.

EZEKIEL 36:6

«Hougsu" yoomo Israela mougmyid ri lapi: pe: byid: we'. Boem joem bouggung joem gyid zoo: gyung: joem yo' langkhung" joem ri byumyu" yi wigi coem' rue" lho: yu" nge boem da" gang mo ngoo yu" nheig yo: myid zo ziyo' tid ziri tid kyoo" we'.

EZEKIEL 38:18

Yoem: moo" bo Aseing tid zigi «Israela ri Goga khaid jhen" vang lo da" bidnyid moo ngoo nheig joem: yoo: wa.

EZEKIEL 38:19

Ngoo gi nga" nheigloem: lung wigi hau: bidnyid moo Israela mung" moo myid leug leug nhang: wa.

EZEKIEL 39:25

Yoem: moo" bo Aseing tid zigi «Nghoid loug we' akhid" ngoo gi Israela byumyu" yi nghoid da" Yaku da" amyed ashen yiri nheig khyeug yu wigi nyangnu" ri dalheing: doem nyid gi yab ge nhang: wa. Ngoo gi nga" gyeung" shang: myeing ri goem loem yu wa.

EZEKIEL 5:13

«Nang gi nga" nheig yo: ziyo' nheigloem: yoin da" yoem: dangain" ri ngoo nheugdeug da" ayo, ju" sho' shoug" kham zo: loo wa. He: zi dangain" bue" loo lang" nang jhug azug ziri ngoo nheig yoo: yoomo ngoo Aseing nang ri dang: ji bye: ziri nang gyeing" se' loo wa.

EZEKIEL 6:12

Vi: moo nyid bang: gi noo phyoo" shau" wigi shid: loo" goo" wa. Jhang moo nyid bang: gi gyipui" moo said pyam zi shoug" wa. Ashid: loid byoin bang: gi zooyoid wigi shid: lo" byug goo" wa. Nyangnu" gi nga" nheig yo: da" yoem: dangain" ri shoug" kham zo: loo goo" wa.

EZEKIEL 8:18

Nyangnu" gi nga" nheig yo: yoem: ri shoug" kham zo: loo wa. Ngoo gi nyangnu" ri anhang: kaid wa. Nheig khyeug myid we' aci: shug wa. Nyangnu" gi yo" nyho: yhi' nyho: wigi ngoo ri akyu" mho' nghoid loug we' ngoo gi nyangnu" ri atam" gyoo: byid: wa» ga: tid.

YOELA 2:18

Houg: lang" Mangsoo gi nya: mougmyid ri yu" ci' wigi nya: byumyu" yiri nheig doem khyeug wa zi nghoid.

XOIN" NGEI" 26:28

Ngoo nheigloem: yoin ziyo' nanu" jang" khyoo: phug lo lho: xang: shi" tho' je xo: da" yooboo dam ri nyhed zhang doem xo' byid: wa zi nghoid.

MIKHA 5:15

Hau: lho: nga" da" nheig yo: zi yoomo nga" da" dang: atam" gyo: da" byumyu" yi dangain" ri ngo wigi latoo: phug byid: wa zi nghoid.

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

ZEKHARIA 1:14

Houg: lang" ngoo yo' doem go" nyid da" moug: lagyoo: gi ngoo ri hid su" ga: tid. «Yoem: moo" bo Aseing tid ziri tid fu" loo" we'. Ngoo gi nga" younglho' da" Yerusalem voomoo" ri gyi" sho' jheddab lho: nheig khyeug nyid.

ZEKHARIA 8:2

Ngoo gi Yerusalem mo byumyu" yiri gye" jheddab yoomo nyangnu" ri pang" thoug nyid wigi nyangnu" da" gyivoo yiri gye" nheig yoo: noug bye:.

GYUNG: SOO" 25:11

«Phineha koid da" moo" zoo" yoomo Israela byumyu" yiri ngoo anheig yoo: loo:. Nyang: gi ngoo mo lid wigi gootu: yu phara" ri anoku nau nghoid da:. Houg: yoomo nyangnu" ri nga" nheig yo: ziyo' aphyo' shoin pyam loo: wa.

Roma 12:19

Bid noem yi we" - khanham we' dam co' latoo: aphug goo. Mangsoo: za: dam co' latoo: daphug baja". Jhoem: mungdang: moo Mangsoo: gi - ngoo gi dam co' latoo: phug wa. Nya: yooboo yo" dakhyoo" latoo phug byid: wa ga: tid nyid.

Roma 13:4

Khasu" wim ga ri nyang: gi nang ri akyu" koid' baja" ga: Mangsoo nyheing nyhed: to" da" dei zoo: nghoid. Nghoidloug we' nang age da" moo" dazei: nyid nghoid rigi hau: zoug: ri gyoug ca". Khasu" wim ga: ri nyang: gi gyeing" nyang: yooboo yo" byid: da" akhang" yoo" su: nghoid. Hau: yug gi apyaid' ato: Mangso: da" dei zoo: nghoid yoomo age da" moo" zei: mo, ri Mangso: da" gung thid' khyo" yoobo dam kaid' dang: phyed' wa su: nghoid.

TARHA" TID POIN" 4:24

Ciwim gari nanu" Aseing Mangsoo gi myiyham: dab da" myi: yo' du da:. Nyang: gi gyivoo yiri ayo" zeing: kham: nghoid da:.

TARHA" TID POIN" 7:10

Nghoid loug we' nyang: ri ngheing" bang: ri yooboo dam byid: wa shid re" gi ane" nyid nghoid da:.

HEBRE 10:30

Khasu" wim gari ngoo latoo: phoug wigi yoobo da" jhen: ri ngoo do' wa"- ga: wigi we' Hau: lho: hau" Aseing: gi nya: byumyu" yi ri tarha" dang: phyed' wa ga: wigi we' tid nyid su: gi hang" nghoid ziri ngoonu" se' nyid.

YOSHU 24:19

Yoshu gi byumyu" yiri «Nghoid loug we' nanu" gi Aseing ri ayo" dei byid: goo" abe. Nyang: gi gyeung" shang: da" Mangsoo nghoid wigi nanu" yooboo joem ri akhyoid byid: wa. Nyang: gi yoem: shi' nyang: cang hang" ri we' azeing: kham byid: wa.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.