NAHUM 1:13 - Lacid Common Language Bible

¹³ Akhid" ngoo gi nanu" tho' moo nyid da" Asuri byumyu" yi da" yoem: moo" ri thang loo" nhang: lho: nanu" ri tei" to" da" jang coo" ri we' phyed pyam byid: wa.

NAHUM 1:13 교차 참조

COUNG" NGHEI 107:14

Nyang: gi nyangnu" ri moug: coid khoug: yo' shid: lo" da" moug: coid yoeb, khoug: moo shu" thu' loo bye: ziyo' Nyangnu" ri tei" to" da" joto' jangcoo" ri we' lang: phyed pyam byid: bye:.

ESAIA 10:27

Hau: ayo, ju" loo lang" ngoo gi nanu" ri Asuri lo, mo khyoid yu wigi nyangnu" da" kyoug: gi nanu" lo, sain: mo yoovoin lid: abue" jo, loo wa» ga: zi nghoid.

ESAIA 14:25

Asuri byu yiri ngoo Israela mung" moo phyo' pyam wa. Nyangnu" ri nga" boem joem dang moo nang: nhe" pyam wa. Ngoo gi nga" byumyu" ri Asuri yi da" kyoug: mo loid byoin nhang: wigi nyangnu" voin ci: da" yoovoin lid: mo loid byoin nhang: wa.

ESAIA 9:4

Ciwim gari nyangnu" voin lid: da" kyoug: ri yo' nyangnu" da" kootho' moo baid da" voosi" ri baid khyau" pyam byid: bye:. Goonham' nang wigi Midian gyidab ri oung: pyam yhang: ti" Re" byumyu" yiri doin: zeig zo:- jhoeb zo: boem da" byumyu" yiri nang oung: pyam abye:.

YEREMIA 2:20

Yoem: moo" bo Aseing tid «Israela we"- Goonham' mo nga" amyeing" akhang" ri nang ngeug pyam da:. Nang gi ngoo ri tam" gyo: cang yhi: wa yo' noku wa shid re" he: pyam da:. Nang gi myhang: da" bouggung khang" moo" yo' nyau young" da" seiggam yoeb khang" moo" moo myo loug je: be: nhang: da" yu phara" joem ri no' da:.

YEREMIA 5:5

Ngoo gi yoem: so' gyi: da" byumyu" yi jhang yhe: wigi nyangnu" yo' yhe: ji goo" wa. Gyeing" nyang: nyangnu" gi nyangnu" da" Mangsoo mho' khyoo: ri se' da:. Aseing wigi nyangnu" ri koid nhang: nau ziri se' ago"» ein: shau" myid. Nghoid loug we' nyangnu" dangain" Aseing da" akhang" amyeing" akhang" ri ngeug he: pyam lho: nyang: ri anoug tam" gyo: cang yhi: nghoid ago".

XOIN" NGEI" 26:13

Ngoo gi nanu" ri join khanham we' abui" loo: wa shid re" Egutu mo nanu" ri shu" thu lo da" nanu" Aseing Mangsoo nghoid. Ngoo gi nanu" ri doin: zeug to" da" yoem: so' ri khyau" pyam wigi nanu" vhuloem ri nghang ci: lho: ngoo nanu" ri khyoo: soo" nhang: bye:» ga: tid.