MIKHA 7:8 - Lacid Common Language Bible

⁸ Ngoonu" da" gyivoo yigi ngoonu" ri ciyu" juang" nyid boem wa khyoo: ajo, loo- ngoonu" gi gyoeb leung loo" bye:. Nghoid loug we' doem yo" to' loo wa zi nghoid. Akhid" ngoonu" gi moug: coid khoug: moo ju" nyid jo, nghoid loug we' Aseing gi ngoonu" ri bidbang byid: wa zi nghoid.

MIKHA 7:8 교차 참조

YOBA 31:29

Nga" gyivoo gi kyi" khyeug shoug" nyid uri ngoo khanham we' agau yu". Nyangnu" phyo' shoin' zi shoug" uri ngoo amyed gau yu".

COUNG" NGHEI 112:4

Nheig se' khyeug khyoo: nheig khyeug shoo" se' myen: go" khyoo: yo' deingmain" da" byugi yi shid re" bidbang gi moug: coid moo: bang yi jo.

COUNG" NGHEI 143:3

Nga" gyivoo joem gi ngoo ri cang khaid myhi: lo ziyo' ngoo ri bain" sho' nyang: oung: pyam, boem bye:. nang gi ngoo ri moug: coid thung: khoug: moo kaid to" lho: ngoo ri: goonham, ayo, mo shid: loo" bang: ti" danghoid lo:.

COUNG" NGHEI 20:8

Houg: bang: gi thoem: tho: jhoid leung lo" boem wa nghoid loug we' ngoonu" koem gi to' wigi geung: geung: teung teung yab jo, boem wa nghoid.

COUNG" NGHEI 27:1

Aseing gi nga" da" bidbang yo' khyoid yu khyoo: nghoid yoomo ngoo hang" ri we' gyoug aca" wa. Pyaid mo too: mo da" Aseing gi gyoug ci' ja: dangain" jang" mo ngoo ri lhoug zung" nyid yoomo ngoo khanham we' gyoug dain zi ashoug" loo: wa.

COUNG" NGHEI 35:19

Ngoo ri: juang" nyid da" nga" gyivoo joem ri ngoo soem" joem: lo" khyoo: agau, yi nhang: nyid. Ce" sei: we' abo jang" moo ngoo ri nheung" nyid mo, rigi ngoo kougshu: khyoo: yoomo agau, yi nhang: nyid.

COUNG" NGHEI 37:21

Akhyeing" ashoeb su: gi jhed" ci: lho: khanham we' ayo" doem xab, loo. Nghoid loug we' byugi yigi nyangnu" da" jhungshug jhung: lang: joem ri agoin: ayu byid:.

COUNG" NGHEI 37:24

Nyangnu" gi to' leung loo" nghoid loug we' jha" leung jo, wa zi anghoid. Khasu" wim ga: ri Aseing gi nyangnu" ri pang" tu: to' kaid wa zi nghoid.

COUNG" NGHEI 38:16

Ngoo ri gyi koid nyid mo nga" da" myid myoo: ung: loug da" khyoo: moo ayu" gau, nyid nhang:. Ngoo gyo" soem" lo" da" khyoo: moo: we' nyangnu" ri aphau: khuang nyid nhang:.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

COUNG" NGHEI 97:11

Deingmain" su: da" tho' moo bidbang bang nyid wigi nheigloem: gi mo, da" atho' moo gau yi ngei bu: khyoo: jo, jo.

ESAIA 2:5

Akhid"- Yaku da" amyed ashen yi we"- Aseing wigi ngoonu" ri byid: to" da" bidbang moo so" nyid shang.

ESAIA 49:9

Ngoo gi thung: byu yiri ‹Loid byoin loo" ge'› ein: tid lho: moug: coid khoug: moo nyid bang: ri ‹Bid bang khyoo: thu ri" ge'› ein: tid wa. Nyangnu" gi bouggung moo mhain" lham" zo: nyid da" yang joem yhang: ti" nghoid loo wa.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

ESAIA 9:2

Moug: coid khoug: moo so" yen" da" byumyu" yigi gyi: sheung: da" bidbang ri shau" myang abye: goo". Nyangnu" gi bid yoeb mungdain: moo nyid loo bang: nghoid ago". Nghoid loug we' akhid" gi nyangnu" ri bid zhoo: byid: abye:.

YEREMIA 48:27

Moba we"- Israela byu yiri nang khasu" yi juang" pyam ziri myid boin: rhe". Nang gi nyangnu" ri khyangtoug: yi yo' dage" shau" myheig yu ziyo' dakhyoo" ti" nyangnu" ri koid da:.

YEREMIA 50:11

Aseing tid zigi «Babelon byu yi we" nga" byumyu" ri nanu" phyo' zo: pyam abye: go". Nanu" gi pyo: wigi gau ago". Gug nang: da" nuzeing so" lam" yen" yhang: ti"- myeing yen" da" myang: yhang: ti" nghoid ago".

YEREMIA 8:4

Aseing gi nya: byumyu" yiri tid kyoo" wa shid re" ngoo ri tid da:. Hau: zigi «Byu dayug yug leung baid ri nyang: adoem to' loo nghoid da rhe". Byu dayug yug nyang: khyoo: vhang: vhang: ri adoem tau" loo nghoid da rhe".

EZEKIEL 25:6

«He: zigi yoem: moo" bo Aseing tid nyid zi nghoid. Nanu" gi lo, pyug pyug lho: gau yi tung" byam da:. Nanu" gi Israela mung" ri yu" nge da:.

EZEKIEL 36:5

«Ngoo yoem: mo" bo Aseing gi nheigloem: lung ziyo' aqei: ayam mo byumyu" yi je wigi Edom ri tid too" bye:. Nyangnu" atho' tid gau ziyo' yu" juang" lho: nga" da" mougmyid ri lhoid seing: yu lho: houg: mo coung" yoo ri we' seing: yu pyam bye:.

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.

OBEDIA 1:12

Yuda mung" mo re" mang: nhung" yi da" nheig byu jang: ajo, loo bue" lo" ziri nang gi yu" gau nyid wa zigi a eung: nghoid da:. Nyangnu" byo, yoin" lo" da" bidnyid moo nang gi age yu" gau nyid nghoid da:. Nyangnu" da" nheigloem: gi yoem: shoin: zi shoug" nyid jang" moo nang gi nyangnu" da" atho' moo yi juang" wa zigi a eung: nghoid da:.

MIKHA 4:10

Yerusalem voobyu yi we"- zookhu: wa soin' nyid da" myiyi: myhi' yo' dakhyoo" ti" lang: yhen lho: koug ngau nyid we'. Khasu" wim gari akhid" nanu" gi voomoo" mo phang: thu lo" lho: jang: dam pa: moo nyid ca" goo" wa. Nanu" gi Babelon khyoo: yhe: loo" goo" wa nghoid. Nghoid loug we' Aseing gi nanu" ri hau: jang" mo nanu" da" gyivoo joem da" lo, mo nanu" ri khyoid shu" loo wa zi nghoid.

MIKHA 7:10

Nanu" da" Mangsoo Aseing ga: zigi khayoo: la" ga: tid juang" mo, ngoonu" da" gyivoo yigi he: ziri myang lang" myonhoo: shoem: lo" byug goo" wa nghoid. Nyangnu" gi joem: lo" boem wigi fu" moo" khyoo: joem mo thoem" boeb yo' dakhyoo" ti" nang pye" pyam boem ziri ngoonu" shau" myang wa.

ZEKHARIA 12:8

Hau: ayo, moo Aseing gi Yerusalem moo nyid mo, ri lhoug zung" lho: wigi nyangnu" khoug: mo yoem: neing: thang loug we' David yhang: ti" yoem: bo loo wa. David da" nya: myid: nya: zoo: yigi nyangnu" rilang" gi Aseing da" lagyoo: yhang: ti" Mangsoo nyang: yhang: ti" David nya: myid: nya: zo: wigi shu" vhu" shi: wa zi nghoid.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

MATHE 4:16

Moug coid khoug: moo nyid da" Byumyu" gi bidbang zeing ri myang boem wa. shid: zau: da" bid shoem: yoeb moo zhung: jo, mo, da" atho' moo bidbang ju" ri" wa» ga: kho" kyo" to.

YOHAN 16:20

Deing" deing nanu" ri ngoo tid da" zigi nanu" gi ngougmyeing" shoo" thui: to" nyid goo" wa. Nghoid loug mougmyid byu yi koem gi gau yi nyid boem wa. Nanu" sho" jhen: shau" nyid boem nghoid loug nanu" da" sho" jhen: khyoo: gi gau yi myen jhoem" khyoo: bue" loo wa.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

2~KORINTHU 4:9

Ngoonu" ri gyi koid mo, myoo" sho' nyid boem- nghoid loug we' bidnoem dayug we' aboo loo- khanham we' anyid yu' boem, dalheung: lheung: noophyoo" gye" shau" boem- nghoid loug we' lhu: phyo' lhu: shoin, pyam zi anghoid.

Pang Shug 21:23

Hau" voo gung moo doug bang wa shid re" bid we' lham" moo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.