MIKHA 7:7 - Lacid Common Language Bible

⁷ Hougsu" nghoid loug we' ngoo gi Aseing ri dazung" yu" nyid wa. Ngoo gi ngoo ri khyoid yu wa ein: myid loem da" Mangsoo ri dalang" nyid wa. Nga" Mangsoo gi ngoo ri tam" gyoo: byid: wa zi nghoid.

MIKHA 7:7 교차 참조

APOEM AYANG: 49:18

Aseing we"- ngoo gi re" da" khyoid yu khyoo: ri lang" nyid.

COUNG" NGHEI 109:4

Ngoo gi nyangnu" ri jheddab ziyo' Nyangnu" shid re" noku byid: nyid rilang" Nyangnu" gi ngoo ri thougtheung nyid boem ashi go.

COUNG" NGHEI 130:5

Ngoo gi Aseing da" pang" thoug khyoo: ri kang: lung bu lang" nyid wigi Nya: da" mungdang: ri ngoo loem khau: nyid.

COUNG" NGHEI 25:5

Re" da" deingmain" khyoo: khyo" se' nyid sho' ngoo ri jhau" byid: we'. Khasu" wim gari nang gi ngoo ri khyoid yu da" nga" Mangsoo nghoid. Ngoo gi khanham we' nang ri za: daloem khau nyid.

COUNG" NGHEI 37:7

Hau: Aseing shidkhoin" moo: sam" zoo: nyid wigi nyang: zei: bui" byid: wa ziri lang" nyid we'. Akhyeung" bang: da" akhyeung" khyo" myid soin: lo" khyoo: moo oung: doid lo" wa ziri we' nyid gi nyid de lo ziri we' seing" ayu" kho" nyid goo.

COUNG" NGHEI 38:15

Nghoid loug we' o" Aseing we" ngoo gi nang ri za: daloem khau: nyid. Nga" Aseing Mangsoo we"- nang gi ngoo ri tu" byid: wa zi nghoid.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 65:2

Khasu" wim gari nang gi ngoonu" da" mho' yoid khyoo: ri tu" byid: bye:. Ngoonu" zei: shoid pyam bye: da" yooboo joem ri joyoo khyi, khang" moo" mo byumyu" acang: joeb bang: gi re" jang" moo: ju" re" boem wa zi nghoid.

COUNG" NGHEI 85:5

Nang gi ngoonu" ri apyaid atoo- nheug jha" yo: nyid wa zi nghoid la". Re" da" nheigloem: ngei" nyid zi khanham we' athang loo wa la".

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 17:7

Hau: bidnyid ju" loo lang" byu yigi Israela da" gyeung" shang: Mangsoo- nyangnu" da" phain" so: su: shoid khyoo: pang" thoug wa shid re" phug loo goo" wa.

ESAIA 25:9

Hougsu" bui" lang" yugkhang" moo" gi «Nyang: gi ngoonu" Mangsoo nghoid. Ngoonu" nyang: ri loem khau: nyid lho: nyang: ngoonu" ri khyoid yu abye:. Nyang: gi Aseing nghoid. Nyang: ri ngoonu" loem khau: nyid wigi akhid" ngoonu" ngei pyo: nyid gau yi nyid. Ciwim gari nyang: ngoonu" ri khyoid yu abye:» ga: tid loo goo" wa.

ESAIA 45:22

«Mougmyid tho' mo byu yi we"- akhid" nga" jhang" lheing: lo wigi khyoid yu khyoo: ri kham: yu ge'. Ngoo dayug za: Mangsoo nghoid.

ESAIA 8:17

Aseing gi nya: byumyu" yi mo phang: gou" byug bye:. Nghoid loug we' ngoo gi nyang: ri loem jeing" khau: nghe: wigi nga" myid byu khyoo: nyang: moo kaid to" da:.

NGOUG JI: 3:24

Ngoo yo" zi dangain" Aseing nyang: za: nghoid. Houg: lho: nyang: moo nga" myid byu khyoo: to" too" bye:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

YOELA 1:19

Aseing we"- ngoo gi nang ri yoid mho' nyid khasu" wim gari coung" yoo yo' seiggam joem gi myi: nge" pyam ziyo' dakhyoo" ti"- kyug shid: lo" abye: go".

HABAKU 2:1

Ngoo gi nga" da" myo, pyuzung tho' moo do, yab lho: Aseing gi ngoo ri khasu" ga: tid wigi nga" nu dang: tid khyoo: ri khasu" ga: phug tid ziri si' sho' ngoo lang" nyid wa zi nghoid.

HABAKU 2:3

Hau: zigi bue" loo wa ayo, aju" shi" yoomo lhid" cab yo' nyang: lhid" too" we'. Nghoid loug we' hau: ayo, gi myab myab ju" lo nyid lho: ngoo nang ri toin" shed khyoo: gi gyeing" nyang: bue" loo wa. Bue" loo wa khyoo: ne" nyid yhang: ti" nghoid loug we' dalang" nyid we'. Hau: zigi deing" deing ju" loo wa zi nghoid wigi ne" thang: gyo" nyid wa zi anghoid.

GYUNG: SOO" 5:28

Nghoid loug we' nyang: ce: yooboo ayoo" nghoid rigi ce: dam we' adab wa wigi nyang: gi zoonu" yo" khu: loo wa.