MIKHA 7:19 - Lacid Common Language Bible

¹⁹ Nang gi ngoonu" ri dalheing: doem nheig khyeug yu shi" wa zi nghoid. Nang gi ngoonu" da" yooboo joem ri khyid: yang: moo nang nhe" pyam wigi panglai: thoem" kang khyoo: du" kaid pyam byid: wa nghoid.

MIKHA 7:19 교차 참조

2 SAMUELA 24:14

David gi «Ngoo myid myo: nyid zi nghoid. Nghoid loug we' byu yi khyo" wigi dam byid: ziri ngoo avhoo:. Aseing gi nheig se' khyeug su: nghoid yoomo nga" adang moo nyang: dam byid: baja"» ga: tid.

COUNG" NGHEI 103:12

Bid thu gi bidvang yo' ve: lam: jo, ziyo' dakhyoo" ti" nyang: gi ngoonu" da" yooboo joem ri ngoonu" yo' ve: lain loo" nhang:.

COUNG" NGHEI 130:8

Nyang: gi nya: byumyu" Israela ri nyangnu" da" youg: noo yooboo dangain" jang" mo khyoid khyi: yu wa zi nghoid.

COUNG" NGHEI 85:3

Nyangnu" ri nheug yo: khyoo: nang toem pyam lho: wigi re" da" nheigloem: loung nyid ziri we' jham" loo" nhang: nyid.

ESAIA 33:24

Ngoonu" mung" moo nyid boem da" bang: hang" dayug we' no wigi khanham we' adoem myeing" myoo: loo goo" wa. Yooboo dangain" gi khyoid pyam byid: shoug" wa.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

YEREMIA 31:20

Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

YEREMIA 33:8

Nyangnu" ngoo ri gyi koid wigi shoid loo bye: da" yooboo joem mo nyangnu" ri ngoo kyeing sain' pyam byid: wa. Nyangnu" yooboo joem ri yo' nyangnu" goemlu to' da" khyoo: ri ngoo yooboo khyoid byid: wa.

YEREMIA 50:20

Hau: ayo, ju" lang" Israela moo ce: yooboo amyang wa. Yuda mung" moo akhyeing" zi ci: ajo, wa. Ciwim gari ngo wigi kangso' dei nhang: too" bang: ri ngoo yooboo khyoid byid: wa. Ngoo Aseing tid too" bye:» ga: tid da:.

NGOUG JI: 3:22

Aseing da" ashoid avhang: jheddab myid yo' nheig khyeug khyoo: gi agoin athang loo: dajo, jo,.

NGOUG JI: 3:32

Nyang: gi ngoonu" shid re" kougshu: nhang: nghoid loug we' ngoonu" ri jheddab khyoo: gi deung wigi yoem: bo nyid.

EZEKIEL 18:22

Nyang: gi jo ziri koid da" gang mo nya: yooboo dangain" ri khyoid pyam byid: lho: nyang: gi dei nyid wa.

EZEKIEL 39:29

Ngoo gi nga" da" Venyi: ri nga" byumyu" Israela yi dang moo foid shoin" khyoo' byid: wigi nyangnu" mo khanham we' alheing: phug loo" loo: wa. Ngoo yoem: moo" bo Aseing tid too" bye:.

DANIELA 9:24

Nyhed xi: zain nyhed lheing: gi re" byumyu" ri yo' re" da" gyeung" shang: voomoo" ri yooboo yo' akhyeing" ashoeb jang" mo loid byoin nhang: wa shid re" Mangsoo xoem" too" byid: da" ayo, akhyeing: nghoid da:. Yooboo ri khyoid pyam byid: lhoo apyaid atoo: moo tarha" nyeung veung" ziri zhug to" loo wa. Houg: lho: yoeb myang yo' lapi: dang: gi jo loo wa. Houg: lho: gyeung" shang: Noku Yhoem: Moo" we' doem shugbyid: loo wa.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

ZEKHARIA 3:4

Houg: lang" moug: lagyoo: gi nya: shidkhoin" moo yab jo, da" moug: lagyoo: yiri - «Yoshua void ci: da" nheig yu" no da" byimi ri khyoid pyam' byid: ge'» ga: tid. Hougsu" wigi nyang: gi Yoshua ri «tam" gyoo: we' re" da" yooboo ri ngoo yu pyam' byid: bye:. Ngoo gi byimi seig nang ri byid: foid wa» ga: tid.

Roma 6:14

Yooboo gi nanu" da Aseing anghoid loo- khasu" wigi nanu" gi Moshe tarha" vhoo moo anyid loo: Mangso: jeju" khoug: moo nyid mo danghoid lo.

Roma 8:13

Gyeing" nyang: nanu" gi nyang: nya: gungshoo" vho: da" khyo" za cang lho: kangso' dei nyid rigi shid: lo" boem wa. Nghoidloug: we' nanu" gi nyang: nya: da" akhyeing" ashoeb' da" asam" aveid ri Venyi wigi bo pang" thoug khyo" bain' sho' she: pyam' boem nghoid rigi dei da" kangso' yo" boem wa.

TARHA" TID POIN" 30:3

Nanu" Aseing Mangsoo gi nanu" adang moo nheig khyeug loo wa. Nyang: gi nanu" ri nyang: wigi khaid sain" kaid da" mungdain: joem mo doem shu" yu wigi nyang: nanu" ri dalheing: doem nyid gi yab ge ri" nhang: wa.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

TARHA" TID POIN" 32:36

Aseing gi nya: byumyu" yi yoem: thang byug ziri shau" myang lang" Nyangnu" ri khyoid yu wa. Nyang: gi nyang: ri dei byid: da" bang: ri pang" thoug byu ayoo" lo: ziri myang lang" nheig khyeug byid: loo wa.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 8:12

Nyang: nu" da" yooboo ri ngoo khyoid pyam byid: wigi Nyang: nu" shoid vhang: lo" khyoo: ri ngoo doem, boin: byid: loo: wa zi anghoid.ga: hau: Aseing: tid nyid.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.