MIKHA 7:14 - Lacid Common Language Bible

¹⁴ Aseing we"- nang nyang: khyen: yu to" da" re" byumyu" yi moo yang zung" su: bue" nyid we'. Nyangnu" gi siyoo dain" pyoid khung" moo yhe: nyid yen" boem nghoid loug we' nyangnu" da" ayam aqei: moo myid xu: ge da" mougmyid lheung khoem to". Nyangnu" ri goonham' gooco' pyaid mo wigi koid lo boem ziyo' dakhyoo" ti" Bashan yo' Gilead mo ge da" mhain" nu" yoo moo nyangnu" ri yhe: lham" zoo: nhang: we'.

MIKHA 7:14 교차 참조

COUNG" NGHEI 100:3

Aseing gi Mangsoo nghoid ein: yhen: yu ge'- nyang: gi ngoonu" ri phain" so: too" su: nghoid wigi ngoonu" gi nyang: yo' sen: bang: nghoid- ngoonu" gi nya: mung" byu yi yo' nya: yang phung yi nghoid.

COUNG" NGHEI 143:5

Ngoo gi: lid: loo" bye: da" bidnyid joem ri daboin: so" nyid. nang koid shoug loo bye: da" moo" zoo' joem dangain" ri myid soin: yu" nyid ngoo gi re" da" lo, moo" joem dangain" ri damyid yu" nyid.

COUNG" NGHEI 28:9

Aseing we" re" byu phung: yiri khyoid yu lho: nang seung: ci: mo, ri mainkaid jeju" byid: we'. Nyangnu" ri yang lhoug su: yhang: ti" pyaid didu moo: yu" lhoug zung" byid: nyid we'.

COUNG" NGHEI 95:7

Nyang: gi: ngoonu" da" Mangsoo nghoid- nyhang" gi nyang: lhoug zung" goin coung: nyid da byumyu" yi nghoid. Nyang: lhoug zung" nyid da" yang phung: yi we' nghoid nyid. Nyang: ce noem tid nyid ziri akhid" nyid" nyang: tam" gyoo: we'.

THU' LO" MOUGSOUG" 33:16

Nang ngoonu" yo' dage" ayhe: nghoid rigi ngoo yo' re" byumyu" yiri nang vho: ngei nyid wa ga: zigi hang" yu" si' wa lha". Nang yo' ngoonu" dage" nghoid lang" she' mougmyid dang moo ngoonu" yo' gootu: byumyu" yi adu go" ziri yo" myang wa zi nghoid.

SHOLUMON JIKHOIN" 4:1

Nga" jhed we" nang khayhi' young" lha". Re" myo, nghoeb za: pain" akhoug: mo jheddab myid yo' re" myojid" gi khayhi' bang nyid lha". re" xam: gi Gilead boem yam cang so" yen" da" coidbaid phung: yhang: ti" go" nyid da:.

ESAIA 27:13

Hau: bidnyid ju" lang" Asuri yo' Egutu mung" moo yhe: pyoung" shu" nyhid: too" shau" da" Israela byu dangain" ri doem khe: tau" yu wa laboo" ri moid loo goo” wa. Nyangnu" gi Aseing da" gyeung" shang: bouggung tho' mo jo, da" Yerusalem mo Aseing ri lo noku byid: loo goo" wa.

ESAIA 35:2

Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.

ESAIA 37:24

Re" da" gyi myang: rheing" joem dangain" wigi myhang: thang da" Lebanon boem joem ri oung: pyam da" khyo" ngoo ri phau: kyoo" wa re" lagyoo: joem ri nang nhang: kaid da:. Houg moo nang gi sheing: thang da" shamu gam joem yo' ge thang da" gyoin: gam joem ri thoug pyam lho: no, thang da" seig moo" yoo khoug: khyoo: ju" yhi: bye: da" khyoo: nang phau: tid da:.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

ESAIA 49:10

Nyangnu" gi khanham we' zooyoid wa gyidshed wa zi anghoid. Bid yo' dain" pyoid yoo loung zigi nyangnu" ri dam tab wa zi anghoid. Ciwim gari nyangnu" gi nyangnu" ri jheddab su: wigi shu" vhu" she: yhe: zi shoug" loo goo" wa. Nyang: gi nyangnu" ri gyid boug joem khyoo: shu" vhu" she: yhe: loo" wa.

ESAIA 65:10

Nyangnu" ngoo ri noku loo goo" wa. Houglho: nyangnu" yang joem yo' nu: joem ri bidvang shoid moo Sharon dain" yoo yo' bidthu shoid Yau: khi" lang: khung" moo jo, da" dain" yoo khyoo: shu" yhe: lo" boem wa.

YEREMIA 49:31

Hau: zigi ‹Sage'- gau: nyu: goem loem tung" nyid boem da" hau: byu yiri ngoonu" yhe: khaid zain: shang. Nyangnu" da" voomoo" gi khoem" moo" joem- khoem" kyang joem aboo nghoid da:. Goem loem khyoo: ci: we' aboo nghoid da› ga: tid.

NGOUG JI: 1:7

Akhid" jham" coug: youg byo, yoin" jo, da" Yerusalem voomoo" gi goonham' gyi: sheung: reung: lid: lo da" khyoo: ri myid boin: nyid da:. Nya: gyivoo yi lo, khoug: khyoo: gyo" vang lo" da" uri nyang: ri pang" thoug yu wa zi hang" anyid. Nyang: ri oung: pyam bang: gi nyang: gyoeb, gyo" lo" khyoo: ri yu" yi nyid ago".

NGOUG JI: 5:21

Aseing we"- ngoonu" ri re" jhang khyoo: doem shu" tau" yu we' ngoonu" ri doem shu" tau" yu we'. Ngoonu" ri goonham gooco' mo myonhoo: phung" yoeb ri doem tau" bang nhang: we'.

EZEKIEL 36:11

Ngoo gi byu joem yo' gougnyhoug joem ri myo: je: loo nhang: wa. Nanu" gi shid phyang" tho' je myo: lo wigi nanu" gi zooshang: myoo" sho' yo" loo goo" wa. Ngoo gi nanu" ri hau: joyoo moo nanu" lhung nyid lid: lo kho' ziyo' dayhang: ti" nyid nhang: wa. Houg: lho: ngoo gi nanu" ri shid phyang" tho' je nyid gi yab ge nhang: wa. Houg: lang" ngoo Aseing nghoid ziri nanu" se' loo goo" wa.

XOIN" NGEI" 27:32

Yhoem: gougnyhoug daxi: du: mo dadu: khang" moo" gi Aseing shid re" nghoid da:. Gougnyhoug joem ri nghab uri daxi du: mo dadu: gi Aseing shid re" nghoid da:.

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.

OBEDIA 1:19

Moug: pyi: shoid mo da" Yuda mung" byu yigi Edom ri zain: oung: yu wa zi nghoid. Bidvang shoid boem khyid: cang nyid mo, gi Philisti byu yiri zain: oung: yu pyam boem wa nghoid. Israela byumyu" yigi Ephrim yi' Samari yi da" mougmyid joem ri seung: pyam lho: Benyamin byumyu" yigi Gilead ri yo" yu pyam loo" wa nghoid.

MIKHA 5:4

Nyang: ju" ri" lang" nyang: gi Aseing jang" mo yo" yu da" yoem: vhoo" yo' Aseing Mangsoo nyang: nya: da" yoem: so' moo" yo' nya: byumyu" yiri vhoebkhang" loo wa zi nghoid. Moug: gyab goin" mo byumyu" dangain" bang: gi nya: gyi myang: khyoo: ri boin loo wa yoomo nya: byumyu" yi gau: nyu: za: shoug" nyid wa nghoid wigi

ZEPHANI 3:13

Deung nyid da" Israela byumyu" yigi age da" akhyeing" ashoeb khyoo: ri akoid boem loo: za: mhoug" we' amhoug boem loo:- eig phug eig shoid we' akoid boem loo:. Nyangnu" gi nyid gi yab ge lho: gau: nyu: goem loem nyid boem wigi hang" ri we' gyoug anoo" boem loo.

ZEKHARIA 10:10

Ngoo gi Egutu yo' Asuri mo nyangnu" ri yhoem: khyoo: shu" yu wa. Hau: lho: nyangnu" ri nyangnu" da" moug: moo doem nyhed: too" wa. Gilead yo' Lebanon moo we' nyangnu" ri doem nyhed: too" wa. Damung" goin" jang" moo nga" byu yi za: byeung" loo wa.

ZEKHARIA 11:7

Yang ri said lho: ung" wa mo, gi ngoo ri vhu" kung: lhung: to". Houg: yoomo said pyam' wa da" yang joem ri zung" da" yang zung" su: bue" loo bye:. Houg: yoomo ngoo gi lhamdung: eig khaid ci: lho: dakhaid rigi «je"Ju"»- dakhaid rigi «sham: shoin"» ein: myheing too" byid: bye:. Houg: yoomo yang phung: ri ngoo bo zung" bye:.

MALAKHI 3:4

Houg: lang" Yuda yo' Yerusalem voomoo" mo mo, Aseing ri ngei" byid: da" xoin" gi goonham' mo yhang: ti" Aseing vho: ngei khyo: bue" loo wa zi nghoid.

GYUNG: SOO" 23:9

Myhang: da" lug pyo' mo nyangnu" ri ngoo myang. Ngoo gi nyangnu" ri bouggung mo yo" yu" nyid da:. Nyangnu" gi nyangnu" kyeing" nyid da" byumyu" nghoid da:. Nyangnu" gi gootu: byumyu" yi tho' mainkaid jeju" je yo" ziri se' ago".

GYUNG: SOO" 32:1

Ruben yo' Gad kung: bang: gi gougnyhoug myoo" sho' yo" da:. Nyangnu" gi Yazera yo Gilead moug: gi nu: kyung shid re" khayhi' ge ziri shau" myang lang"

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

YOHAN 17:16

Ngoo gi he: mougmyid yo" asen: ziyo' dakhyoo ti"-- houg: bang: we' asen.

TARHA" TID POIN" 33:28

Houg: yoomo Yaku amyed ashen yigi mougkhung: mo nghain: wigi myidjang ri jhu' nhang: da" joyoo Shivoo: yo' zabyid yhid: byeung" da" mougmyid moo goem loem za: yug yoo tung" nyid boem ago".