MIKHA 6:6 - Lacid Common Language Bible

⁶ Ngoo gi Aseing ri noku yhe: uri mougkhung: moug: de Aseing Mangsoo jhang khyoo: ce: noem se' ci: yhi: wa lha". Nyang: ri myi: nghe' xoin" to' byid: wa shid re" ge thang da" nujung nu" ci: yhi: wa lha".

MIKHA 6:6 교차 참조

2 SAMUELA 21:3

Houg: yoomo David gi Gibeon byumyu" yiri khe: yu wigi nyangnu" ri - «Ngoo nanu" shid re" ce: noem koid byid: ca" wa lha". Aseing: da" byumyu" yiri nanu" main yo" kaid byid: baja". Nanu" ri koid shoid da" moo" zoo" shid re" ngoo nyheing feing byid: nau» ga: tid.

COUNG" NGHEI 116:12

Ngoo ri: byid: da" ge lho khyoo: joem dangain" ziri ngoo ce: ja: yo' Aseing da" jeju" ri yo" oung: tho' coung" byid: loo: wa lha".

COUNG" NGHEI 22:29

Nghoid boin: lho: nheigloem: gyi: nyid bang: dangain" gi nyang: ri goeb pid lo boem wa. Shid: loo" se' da" byu yi dangain" mo, gi re" shidkhoin" moo: goeb pid lo boem wa.

COUNG" NGHEI 95:2

Nya: shidkhoin" moo jeju" boin: ziyo' ngoonu" vang yhi: shang- jihkoin" dang: thui: yo' nyang: ri ngei bu: coung" byid: shang.

COUNG" NGHEI 95:6

Ri" ge'- nyhang" nyang: ri poid thug thug lho: noku coung" nghei nyid boem shang. Yha" da" Aseing phain" so: soo: su da" shidkhoin" moo: poid thoug thug to" boem shang.

THU' LO" MOUGSOUG" 12:5

Nanu" gi yang zoo: anghoid lang" coidbaid zoo: ri khyen: ge'. Nghoid loug we' dam aboo dazain byeung" da" aloo: nghoid ca".

THU' LO" MOUGSOUG" 23:15

Ngoo amyeing" byid: to" ziyo' dakhyoo" ti" nanu" Egutu mo thu lo da" Abi lhammoo" khyab ri doocid" akaid da" zooyho' zoo: pui" ri koid ca" wa zi nghoid. Hau: pui" nyhed nyid" akhoug: moo hang" we' doocid" kaid da" zooyho' ri azoo: goo". Xoin" aci: lhoo: za: ngoo ri noku wa khanham we' ari" goo".

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

ESAIA 40:16

Lebanon seig moo" yoo moo nyid boem da" gougnyhoug dangain" gi ngoonu" da" Mangsoo ri xoin" ngei" byid: wa atham: nghoid da:. hau: seiggam joem gi myi: moid tab wa sung neing: ago".

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.

EZEKIEL 46:9

Pui" daloem: loem: moo byumyu" yi Aseing ri noku wa shid re" mougzhung: shoid khoem" moo" khyo" vang loo bang: gi nyangnu" bain noku lang" mougpyi: shoid khoem" moo" khyo" doem thu loo" ca" da:. Mougpyi: shoid khoem" moo" khyo" vang loo bang: gi mougzhung: shoid khoem" moo" khyo" thu loo" ca" da:. Hang" we' nyang: nyang: vang lo da" khaid khyo" adoem ge thu loo" wa. Tu tab shoid khyo" thu loo" ca" da:.

DANIELA 3:26

Houg: lho: Nebukhadneza gi myikhyoem moo" khoem" duang: khyoo: yhe: lho: Shadrag- Meshag- Abednego we"- Gyi: sheung: myhang: thang Mangso da" dei zoo: lagyoo: yi we"- thu loo ge» ga: nyho: yoid kaid da:. Nyangnu" gi houg jang: nyang: thu lo ago".

DANIELA 4:9

Boid se' phyed mo da" vhujhung: Belteshaza we"- gyeung" shang: da" yu phara" joem da" Venyi: gi re" akhoug: moo bo ziri ngoo shau" myang wigi nang gi no thang mau" pho" khyoo: dangain" ri yo" se' da:. He: ziri nga" yhoebmo, nghoid. Hau: zi ce: dang: kang: bo ziri ngoo ri tid kyoo" la.

DANIELA 5:18

Gyi: sheung: myhang: thang Mangsoo gi re" phoo Nebukhadneza ri khokham moo" bui" nhang: lho: nyang: ri ngi shab ziyo' khokham yoem: so' byid: to" abye:.

DANIELA 5:21

Nyang: gi byu xangsu: phung: mo khaid thu pyam zi shoug" lho: nya: da" nheigloem: gi gougnyhoug dadu: da" nheigloem: yo' dayhang: ti" bue" byug da:. Nyang: gi loo zei: lam" joem yo' dage" nyid wigi nuloo: dadu: yhang: ti" vufu" zo: lho: nghain: goo joem ajo, da" jang: pa: moo yhoeb da:. Lo" thang moo nyang: gi byu xangsu: da" mungdain: dangain" ri gyi: sheung: myhang: thang da" Mangso wigi vhoeb lho: nyang: byid: wa khyen: too" bang: kha: yug ri we' yo" byid: pyam ga: ziri yhen: yu da:.

HOSEA 5:6

Nyangnu" gi Aseing ri xoin" ngei" byid: wa shid re" nyangnu" da" yang joem yo' nu joem ri she: yhe: ago". Nghoid loug we' houg joem gi nyangnu" ri ce: akyu" abyid: nghoid da:. Nyangnu" gi nyang: ri ashau" sho: myang loo: nghoid ago". Ciwim gari nyang: gi nyangnu" ri too" kho' abye:.

AMO 5:22

Nanu" da" myi: nghe' xoin" yo' zoo: noem xoin" to' byid: ziri ngoo kham: yu loo wa zi anghoid. To' byid: xoin" khyo" ci: re" da" xu: sho' khu: myhu: to" gougnyhoug joem ri we' ngoo lhoem: kham: yu loo: wa zi anghoid.

MATHE 19:16

Byu dayug gi Yesu jang" moo ju" re" lho: «Sara: we"- Apyaid ato: kangso' yoo" wa shid re" khate" moo" gi ri ngoo zei: ca" lha"» ga: re" myid:.

MARKU 12:33

Houg: lang" byu gi Mangsoo: ri nya: ung: khoug nheigloem: dangain" yo' nya: nheigloem: E" myed dangain" yo' gungdu: yoem: so' dangain" yo' jheddab ca" ga; ziyo' yhoem: kyoo: cang" ri nyang nya" gung yo' dakhyoo" jheddab ca" ga: da" a myeing" tarha" eig khoin" ri-tam" gyo: zigi Mangsoo ri ngei" byid: da" xoin" dangain" tho' moo je gyi: nyid. xoin" du: joem yo' xoin"- ga: tid.

MARKU 5:7

Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid.

LUKA 10:25

Tarha" sara: dayug gi Yesu jang" moo re" lho: Sara: we"- ngoo gi apyaid ato: kangso' khasu" koid ri yoo" wa lha"» ga: Yesu ri phajhi" ca: yu noug yoomo re" myid.

YOHAN 6:26

Aseing Yesu gi deing" deing ngoo nanu" ri tid ba- Nanu" ngoori cang sho: da" khyoo: gi Ngoo koid; shug da" mau" pho" moozoo" ri se' gyoo: yoomo anghoid. Voem: ri gyi" sho' shug zoo: yoomo danghoid ago".

ACTS 16:17

Nyang: gi Polu yo' ngoonu" da" thang: moo cang lho: hid: bang: gi myhang: thang da" Mangso dei zoo: yi nghoid ago" - nyangnu" gi ngoonu" khyoid yu da" khyoo: khasu" shau" wa da" khyoo: ri tidfu" yen" mo, nghoid da- ga: wigi nyho: tid nyid.

ACTS 16:30

Hau: thang: ri nyang: gi nya: eig yug ri tung gung khyoo: shu" thu' lo" lho: nheig bo eig yug we" - ngoo khyoid yu zi shau" sho' khasu" koid wa lha". - ga: myed: yu".

ACTS 2:37

Meing: byu yi hau: dang: ri shaug" gyoo: lang" gi nyangnu" da" nheigloem: moo gyi" sho' gyo: zang" boem yoomo Petru yo' lagyoo: gooji ri mang: nhung" yi we' ngoonu" khasu" koid boem wa lha"» ga: myed: boem.

Ephesu 3:14

He: da" khyoo: yoomo moug: khung: moug di mougmyid yooso" tho' moo nyid da" cang: joeb bang: ri myeing khyang" byid: su- phoo Mangso shid khoin" moo ngoo poid thug thoug nyid.

HEBRE 10:11

Yuda Khain: jung yi yug khang" moo" gi nyang: to' byid: da" xoin" to' khyoo ri nyid" khang" moo" zei: nyid lho: xoin" du: daja: riza: myoo" sho' lheing: koid nyid nghoid loug we' hid: su" to' byid: nyid da" xoin" du: joem gi youg: noo yooboo joem ri khanham we' yo" shoem" shoung: pyam da" khyoo: ajo.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.