MIKHA 6:5 - Lacid Common Language Bible

⁵ Nga" byumyu" yi we"- Moba khokham Balag wigi nanu" ri khasu" koid wa ga: soin' bye: ziyo' Beora da" nya: zoo:- Balam wigi nyang: ri khasu" phuid: kyo" ziri myid boin: ge'. Shug theung: jang: mo zi Gilgala ju" sho' khyoo: moo bue" lo da" gyung: khyoo: ri we' myid boin: we'. He: gu: ri myid boin: nghoid rigi nanu" ri khyoid yu wa shid re" ngoo ce: noem koid loo bye: ziri nanu" boin: so" boem wa zi nghoid»

MIKHA 6:5 교차 참조

COUNG" NGHEI 111:4

Aseing gi nya: da" mau" pho" moo" zoo" joem ri ngoonu" to" myhed pyam wa da" akhang" abyid. Nyang: gi jheddab ziyo' nheug khyeug shoo" gyoo: su: nghoid nyid.

COUNG" NGHEI 143:11

Aseing we"- re" da" dangsoo" byid: to" ziyo' dakhyoo ti" ngoo ri: xue: yu we' re" da" ge lho' khyoo: khyoo: nga" yau: khe" kyi" khyeug khyoo: mo khyoid khyi: yu byid: we'.

COUNG" NGHEI 36:10

Nang ri si' bang: ri khanham we' jheddab nyid we'. deing: byeung" bang: ri khanham we' ge da" moo" zei: byid: we'.

COUNG" NGHEI 71:19

Mangsoo we"- re" da" deingmain" da" khyoo: gi mougkhung: joem moo: myhi: jo. Nang gi gye" gyi: da" moo" zoo" joem ri zei: bye:. Nang yo' du su: gooyug dayug we' anyid loo.

ESAIA 1:27

Aseing gi deingmain" yug nghoid yoomo nyang: gi Yerusalem ri we' houg moo nyid da" nheigloem: thid loo bang: yugkhang" moo" ri khyoid yu wa.

GYUNG: SOO" 22:41

Thang: nab kyoo' Balag gi Balam ri Bamod Bala boem khyoo: shu" yhe: da:. Houg: mo Balam gi Israela byumyu" dayham" ri yo" myang kaid bye:.

GYUNG: SOO" 23:27

Balag gi «Nga" thang: cang ri" we'. Nang ri ngoo gootu: joyoo khyoo: shu" yhi: wa. Nga" shid re" nyangnu" ri hau: joyoo mo nang wigi nheing" wa akhang" nang ri Mangsoo byid: shi" abe» ga: tid.

GYUNG: SOO" 25:1

Israela byumyu" yi shug janggyoin: moo: dab koid lho: nyid boem uri yuggi yigi hougmoo: nyid da" Moba myiyi: yi yo' gung shoo" zoem" boem ago".

GYUNG: SOO" 25:2

Hau: myiyi: joem gi nyangnu" ri Moba da" yu phara" ri xoin" ngei" no' pui" khyoo: khe: boem. Israela byumyu" yigi zoo: noem ri zo: lho: Peora mo Bala yu phara" ri no' boem ago".

GYUNG: SOO" 31:16

Hau: myiyi: yigi Balam da" jhau" shid khyoo: ri cang lho: Peora mo byumyu" yiri Aseing moo: aloem jeing" sho' vhu" she: lo ziri myid boin: ge'. Hau: zigi Aseing byumyu" yi atho' moo: noo phyoo" yu lo zi nghoid.

GYUNG: SOO" 31:8

Houg bang: moo: Midian khokham wim: yug nghoid da" Evi- Rekem- Zura- Hura yo' Reba bang: bo da:. Nyangnu" gi Beora da" nya: yuggi zoo: Balam ri we' bo said pyam boem ago".

Ephesu 2:11

Nyang: nya: da" gung ri athang: yham" mo, ga: tid nyid da-Yuda byu yi wigi Athang: ayham" mo, ga: wigi myheung too" shau" mo, gung sho" shoid khyo" tungbau byumyu" bue" nyid mo, nanu" we' nanu" nya: da" lid loo bye: ayo, mo, bue" loo bye: da" khyoo: joem ri boin: so" nyid ge'.

TARHA" TID POIN" 16:3

He: zoo: shug ri zo: uri nanu" gi doocid" kaid da" zooyho' ri age zoo: wa. Egutu mo nanu" ahain: adoin phang: thu lo ziyo' dakhyoo" ti" nanu" gi doocid" akaid da" zooyho' ri nyhed nyid" goin" moo zoo: ca" wa. He: zooyho' ri zoo: ge'. Hau: zooyho' ri yau: khe" zooyho' ga: myheing loo goo" wa. Houg: lang" she' nanu" dadei nyid nyid gi hau: yau: khi" shoug" bye: Egutu mung" mo nanu" thu lo da" bidnyid ri myid boin: loo goo" wa.

TARHA" TID POIN" 23:6

Nanu" gi byumyu" damyu" dabue" nyid nyid gi he: byumyu" yiri pang" yu wa ci: we' akoid goo". Nyangnu" nyid gi yab ge wa khyoo: ri ciwe' akoid goo".

TARHA" TID POIN" 8:18

Nanu" ri jonu" yoo" wa yoem: so' byid: da" yug gi nanu" Aseing Mangsoo nghoid ziri myid boin: ge'. Nyang: hid: su" koid zigi nanu" phoug" phyid" yi yo' nyang: koid to" da" dang: theing adang mo nyang: akhid" nyid" ju" sho' dang: zung" nyid shi" yoomo nghoid.

TARHA" TID POIN" 8:2

Nyang: gi nanu" cikoid wa soin' nyid go" da" khyoo: we' nya: amyeing" dang: joem ri nanu" cang acang ziri myang: si wa shid re" nanu" Aseing Mangsoo gi nanu" ri jham" ca: yu" wa shid re" yau: khi" ri nhang: kaid lho: dain" pyoid yoo khyo" so" lid: da" he: gyung: sheing: khyoo: moo myid: xi: zain nanu" ri khasu" shu" lo ziri myid boin: ge'.

TARHA" TID POIN" 9:7

«Dain" pyoid yoo moo nanu" Aseing Mangsoo ri nanu" khasu" nheig yoo: nhang: boem ziri khanham we' ato" myhed goo". Egutu mo nanu" thu lo nyid" mo akhid" nyid" nanu" hid: moo ju" da" bidnyid ju" sho' nanu" gi nyang: ri thougtheung gyi koid boem ago".

YOSHU 2:1

Hau: thang: Yoshu gi shug gam joyoo dab mo jooyu" su: eig yug ri Khanan mung" ri akhau: pyam: ju" sho' joo" yhe: yu" wa shid re" je wigi Yerikho voomoo" ri jooyu" wa shid re" amyeing" byid: wigi nhang: kaid. Nya: eig yug hau: voomoo" khyoo ju" yhe: lang" Rahab ga: da" shava myhi yhoem: moo: damyen theing: ago".

YOSHU 3:1

Thang: nab soin: Yoshu yo' Israela byumyu" yi no' mo to' wigi Shug dab mo thu lo" boem ago". Yodan gyid lang khyoo: yhe: lo" wigi hau: ziri gu: wa yhe: lang" nyid uri hougmoo: dab koid wigi nyid boem ago".

YOSHU 4:19

Byumyu" yigi Yodan gyid lang ri Lhammoo" xang: shi" khyab daxi: nyid" ein: nyid" ri gu: dab wigi Yerikho bidthu shoid Gigala moo dab koid nyid ago".

2PETRU 2:15

Nyangnu" gi dain: da" khyoo" ri too" pyam' lho: khyoo: vhang" lo" boem abye:. Nyangnu" gi Beora da" nya: zoo: Balam cang da" khyoo: moo cang lo" byug boem abye: go". Balam gi adeung amain" da" moo" zei: lho: yo" da" ngei ri myo, no, su: nghoid nyid

1YOHAN 1:9

Nghoid loug we' ngoonu" da" yooboo joem ri Mangso shid moo toin" shid' yhen: yu mho' tung" pain: boem nghoid rigi nyang: gi nya: da" dangsoo" khoin" ri ci: lho: wigi deingmain" da" moo" ri zei: nyid su: nghoid ziyo' dakhyoo" ti"- ngoonu" da" yooboo ri khyoid pyam byid: wa ziyo' shoid vhang: peig rhue, lo" khyoo: dangain" jang" mo ced" khyoid' ced" shang: yu byid: wa zi nghoid.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

Pang Shug 2:14

Nghoid loug we' nanu" moo yooboo foin: jang: dajhi' bo- Khasu" wim gari Israela byumyu" ri soolhoo: ri teing: byid: da" zoo: noem ri zoo: wa ziyo' avoid avhu: ein: da" youg: shoo: goo" wa shid re" Bala, ri jhoug" byid: balam: da" jhoug" myeing" moo bo cang loo" bang: nanu" moo dayham" bo nyid ago".

TARHA" AGYI 11:25

Nang gi Ziphora da" yuggi zoo: Moba khokham Balag tho' je bui" yug nghoid ein: nang jho: rhe". Nyang: khanham we' Israela byumyu" yiri pyi: asho: yu" nghoid da anghoid rhe". Nyang: ngoonu" ri thougtheung gyi re" zain: yu" rhe".

TARHA" AGYI 5:11

Tam" gyoo: ge'. Gyid thung" joem lheing khoem moo doem go" nyid bang: Byu phung: gi Aseing da" oung: doid khyoo: joem yo' Israela byu yi da" oung: doid khyoo: joem ri tid nyid boem ago". Hau: thang: Aseing da" byu yigi nyangnu" voomoo" khyo" jen gyoo" lo boem ago".

1 SAMUELA 12:7

Akhid" nanu" da" nyid joyoo moo yab jo, ge'. Nanu" yo' nanu" da" phoug" phyid" yiri khyoid yu wa shid re" hau: Aseing koid da" gyi: sheung: myhang: thang da" moo" zoo" ri Aseing shidkhoin" moo nanu" ri tid poin" khyo" wigi yooboo foin: wa.