MIKHA 6:15 - Lacid Common Language Bible

¹⁵ Nanu" gi shivoo: sho" boem nghoid loug we' ashi" ri ashau" yham" yu boem wa. Nanu" gi zhainloin: xu: ri pyeug nghoid loug we' ashau" yhung: wa. Zabyid yhid: ri pyeug nghoid loug we' khanham we' ashoug" shug wa.

MIKHA 6:15 교차 참조

YOBA 31:8

Nga" shivoo: shiloem phyo' shoin' pyam zi shoug" baja". Anghoid lang" ngoo sho" da" zoo: noem joem ri subi" wigi zo: pyam boem baja".

YEREMIA 12:13

Nga" byumyu" yigi sungsoo: ri shoo" nghoid loug we' myo, ri za: shau" yham" yu da:. Nyangnu" moo" joem thei" khang nghoid loug we' hau: shid re" ci: ashau" yu nghoid da:. Ngoo nheig yo: gang mo nyangnu" da" shivoo: joem soem: lo" ago".

XOIN" NGEI" 26:16

ngoo nanu" ri yooboo dam byid: wa. Ngoo gi nanu" adang moo: kyi" khyeug khyoo:- ayo" byang" da" noo phyoo"- nanu ri myo, jid nhang: da" noobau: phyoobau: bue" wigi nanu" da" kangso' joem: loo" wa da" khyoo: ri bui" nhang: wa. Nanu" gi nanu" da" shivoo: shiloem ri sho" nghoid loug we' hau: joem ri agi nhang: wa. Ciwim gari: nanu" gyivoo yigi nanu" ri oung: pyam wigi nanu" sho" to" da" shivoo: shiloem joem ri zo: pyam boem wa.

XOIN" NGEI" 26:20

Nanu" yoem: kaid lho: koid to" da" moo" gi nanu" shid re" akyu" abyid: wa. Ciwim gari: nanu" mougmyid gi shivoo: shiloem athu ziyo' seiggam joem gi ashi" azei: wa.

AMO 5:11

Nanu" gi sho" jhen: mo, ri doin: zeig zo: lho: nyangnu" da" gug zoo ri lhoid yu ago". Hougsu" nghoid yoomo nanu" gi nanu" zhug to" da" lug yhoem: yung" joem moo ashau" nyid goo" wa. Nanu" sho" to" da" zabyid khyam: mo zabyid yeung ri ashoug" shug loo goo" wa.

HABAKU 3:17

Lafoem gam joem gi ashi" azei:. Zabyid nei joem moo we' zabyid shi" adab loug we' zhainloin: shi" we' amoo wigi tung yoo yoothung" moo gug zoo mei: loem: athu nghoid loug we' yang joem dangain" we' shid: thang lho: nu: khoem: joem we' akoem: nghoid jo, loug we'.

ZEPHANI 1:13

Nyangnu" da" ziyoo jonu" joem gi subi" lhoid ci: lo" zi shoug" wa. Nyangnu" da" yhoem: joem we' phyo' sain" pyam zi shoug" goo" wa. Nyangnu" gi yhoem: ri koid nyid nghoid loug we' shoug" nyid goo" wa zi anghoid. Zabyid khyam: joem ri sho" to" boem nghoid loug we' zabyid yhid: ri shoug" shug goo" wa zi anghoid» ga: tid.

HAGI 1:6

Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

YOHAN 4:37

Dayug gi sho" lho: dayug gi yham"- ga: da" dang: khyang" gi deung nyid zi nghoid.

TARHA" AGYI 6:4

Nyangnu" gi hau: mung" moo dab re" koid lho: mougpyi: shoid Gaza lheing khoem ju" sho' shivoo: myau: shi" joem ri ze" shoin' pyam byid: ago". Nyangnu" gi yang- nu:- loo zei: joem dangain" ri yu pyam lho: Israela byumyu" yi dei nyid wa shid re" ci: we' ateing too" nghoid da:.