MIKHA 3:4 - Lacid Common Language Bible

⁴ Aseing ri: nanu" nyho: yoid wa ayo, gi ju" lo nyid abye:. Nghoid loug nyang: gi nanu" ri tu" byid: wa zi anghoid. Nanu" gi akhyeing" ashoeb moo" ri koid lid lo boem bye: yoomo nanu" da" akyu" mho' thui: ri atam" gyoo: byid: loo wa.

MIKHA 3:4 교차 참조

YOBA 27:9

Yau: khi" ju" re" uri nyangnu" mho' yoid thui: ri Mangsoo tam" gyoo: byid: loo: wa la"

YOBA 35:13

Nyangnu" nyho: yoid zigi nyangnu" shid re" ce: akyu" aboo nghoid da:. Myhang: thang Mangsoo gi nyangnu" ri amyang byid:- gyoo: we' agyoo: byid: nghoid da:.

COUNG" NGHEI 18:41

Nyangnu" gi pang" thoug yu wa shid re" yoid nyho: nyid boem nghoid loug we' nyangnu" ri hang" we' akhyoid yu boem. Nyangnu" gi Aseing ri yoid nghoid loug we' nyang: gi nyangnu" ri atu" byid.

DANG: ZHOEM 1:28

Houg: lang" she' nang gi phajhi" ju, yhi: ri mho' yoid loo wa. Nghoid loug we' ngoo gi tu" byid: wa zi anghoid. Nang gi joyoo khang" moo" moo: cang sho: yen" nghoid loug we' ngoo ri shoug" shoo: loo: wa zi anghoid.

DANG: ZHOEM 28:9

Nang tarha" acang nyid nghoid rigi re" da" akyu" mho' thui: ri Mangsoo gyoo: byid wa tho' re" gi gyo: ngheing" wa zi nghoid.

ESAIA 1:15

«Nanu" lo, tu: wigi akyu" mho' boem uri nanu" ri ngoo ayu" wa. Nanu" khayhi' akyu" mho' mho' atam" gyoo: byid: wa. Ciwim gari nanu" lo, gi suid" za: nghoid ago".

ESAIA 3:11

Nghoid loug we' akhyeing" bang: gi doem byug ago". Nyangnu" wigi subi" ri koid lo yhang: ti" akhid" nyangnu" ri doem koid byid: zi shoug" loo goo" wa.

YEREMIA 11:11

Houg: yoomo akhid" ngoo Aseing gi nyangnu" adang moo byo, yoin" zi ci: loo byid: wa ein: tid poin" nyid bye:. Houg: lho: nyangnu" gi loid byoin goo" wa anghoid. Hau: thang: nyangnu" pang" yu wa shid re" ngoo ri mho' uri nyangnu" ri ngoo atam" gyoo: byid: wa.

YEREMIA 14:12

Nyangnu" zoo: noem jang" boem nghoid loug we' nyangnu" ri pang" yu wa mho' yoid thui: ri ngoo atam" gyoo: byid: wa. Nyangnu" gi ngoo ri nghe' ngei" xoin" yo' shivoo: xoin" ngei" byid: boem loug we' ngoo gi hau: joem ri alhoem: yu" ngei byid: wa. Hau: gungthid ngoo gi nyangnu" ri meing: zain: jang: moo said pyam lho: zooyoid shoug" ziyo' noophyoo" khyo" wigi said pyam wa» ga: tid da:.

YEREMIA 33:5

Byu dayham" gi Babelon byu yiri gyi koid wigi khaid zain: loo goo" wa. Houg bang: gi yhoem: joem moo ngoo nheig joem: yo: wigi ngo wigi said khyo' pyam wa nghoid bang: da" manggung joem yo' byeung" sho' koid loo goo" wa. Byumyu" yi koid boem da" akhyeing" da" moo" zoo" joem gang mo he: voomoo" moo ngoo phug lo" byug bye:.

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

EZEKIEL 8:18

Nyangnu" gi nga" nheig yo: yoem: ri shoug" kham zo: loo wa. Ngoo gi nyangnu" ri anhang: kaid wa. Nheig khyeug myid we' aci: shug wa. Nyangnu" gi yo" nyho: yhi' nyho: wigi ngoo ri akyu" mho' nghoid loug we' ngoo gi nyangnu" ri atam" gyoo: byid: wa» ga: tid.

MIKHA 3:7

Ju" loo wa ayo, shid re" Lapi: pe: zigi nyangnu" da" lapi: dang: adeing yoomo myeing yoin" myonhoo: gyoeb wa zi nghoid. Nyangnu" ri Mangsoo gi atu" byid: loo: yoomo nyangnu" dangain" bang: gi shoem: pyang: lo" byug goo" wa nghoid.

MIKHA 7:13

Nghoid loug we' mougmyid gi hau: moo: nyid da" byu yi da" akhyeing" ashoeb moo" zoo" yoomo midcoo: boem" dain" pyoid yoo bue" loo" goo" wa nghoid.

ZEKHARIA 7:13

Nyangnu" gi nga" mungdang: ri anau tam" gyoo: yoomo nyangnu" akyu" mho' ziri ngoo we' atam" gyoo:-

MATHE 7:22

Hau: bidnyid moo ‹Aseing we"- Aseing we"- ngoonu" re" da" myeing yo" tarha" we' gye" kho" boem bye:- re" da" myeing yo" yu khaid pyam' ziyo' re" da" myeing mo mau" pho" moozoo" ri gye zei: boem bye: anghoid la"› ga: myoo" sho' mo, ngoori tid boem wa.

LUKA 13:25

Yhoem: seing: gi khoem" ri myhid" pyam lang" nanu" gi nghe: shoid moo shau" nyid moug myang boem wa. Houg: lang" nanu" gi Aseing: we"- Aseing: we" khoem" phang byid: shi" we' o"- ga: khoem" moo ko, yoid nyid loug we' yhoem: seing: gi nanu" kha: khyo" re" zi ngoo asi ga: tid pyam wa.

YOHAN 9:31

Mangsoo gi yooboo yoo" mo, da" Kyu" mho' dang: ri atam" gyoo:- Aseing: ri loem: khau: phau" myang: lho: Mangsoo vho: khyo" koid; su: da" thui: ri za: date: tam" gyoo: byid.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

1 SAMUELA 8:18

Hau: ayo, ju" loo: lang" nyang: gi nanu" nyang: khyen: yu da" khokham nghoid yoomo kyid: kyid: khoo" sho' nheig no wigi myeing" myo: nyid nghoid loug we' Aseing: gi nanu" myeing" myo: nyid da" dang: khoin" joem ri tam" gyoo: byid: loo: wa zi anghoid» ga: wigi tid poin" kyoo" bye:.