MIKHA 3:3 - Lacid Common Language Bible

³ Nanu" gi nga" byumyu" yiri zo: pyam bye: ago"- nanu" gi nyangnu" da" shooyid ri shid pyam byid: lho: shooyoug: ri khyau" pyam byid: boem ziyo' oug" moo yhung: loo wa shoo" ri yhang: ti" jab khyi' to" ago".

MIKHA 3:3 교차 참조

COUNG" NGHEI 14:4

Nanu" asi, goo" la". He: akhyeing" ashoeb da" byu yigi soo" soo" akhyeung" mo, nyang: danghoid nhung: lha". Nyangnu" gi nga" byumyu" phung: yi jang" mo khyang toug: koid wigi kangso' khu: lho nyangnu" gi nga" jang" moo kha nham we' akyu" amho' boem- ga: Aseing gi tid nyid.

COUNG" NGHEI 27:2

Akhyeung" bang: gi ngoo ri thougtheung lho: said pyam, wa ga: yoem: kaid lo boem nghoid loug we' nyangnu" gi thoem: tho: lho: wigi leung lo" boem wa.

DANG: ZHOEM 30:14

Byu dayham" gi sho" jhen: bang: yo' ca" yo kyi" khyeug nyid mo, atho' moo nheig ase' khyeug loo: atu" amyaid phyed zo: nyid ago". Nyangnu" gi hougsu" koid lho: voem: doug: khu: nyid boem ago".

ESAIA 3:14

Aseing gi nya: byumyu" yi da" ludaid yi yo' vhujhung: yiri dang: phyed wa shu" lo da:. Nyang: gi hidsu" ga: yooboo zhug abye:. «Nanu" gi zabyid khyam: joem ri lhoid yu ago". Nanu" yhoem: gi sho" jhen: bang: mo lhoid yu da" zi joem kaid pyeing to" ago".

ESAIA 3:15

Nanu" gi nga" byu yiri doin: khyoeb pyam wa yo' sho" jhen: bang: ri jhoeb zoo: wa akhang" ayo" nghoid ago". Yoem: moo" bo myhang: thang Aseing ngoo tid too" bye:» ga: yooboo zhug da:.

EZEKIEL 11:3

Nyangnu" gi ‹Ngoonu" khamyhang amyang" ri yhoem: joem: ri doem zhug wa. Voomoo" gi zooxoin" oug" yo' du wigi ngoonu" gi hau: akhoug: mo shoo" yhang: ti" nghoid loug we' hau: zigi neing: thang ngoonu" ri myi: mo goem loem byid: wa› ga: tid da:.

EZEKIEL 24:4

Ge thang da" shoo" ri kaid we'. Lo, sain: yo' bung sain: joem ri kaid we'. Houg: moo khyen: to" da" shooyoug: jab joem ri we' kaid pyeing we'.

AMO 8:4

Sho" jhen: bang: ri nang: zeug lho: mungdain: myoung shoo" mo, ri phyo' shoin' pyam mo, we"- tam" gyoo: we'.

MIKHA 2:8

Aseing phug tid zigi «Nanu" gi nga" byumyu" yiri gyivoo joem ri yhang: ti" khaid zain nyid ago". Meing: zain: jang: mo doem tau" loo bang: gi nyangnu" yhoem: moo gau: nyu: bye: ga: myid loem nyid ri nanu" gi nyangnu" gung mo byisheing: ri khau" yu pyam byid: wa shid re" houg: moo zung" yu" nyid boem.

ZEPHANI 3:3

Houg: mo vhujhung: koid mo, gi myeung nyid da" khangkhyi yhang: ti" nghoid nyid. Nya: da" dang: phyed zoug: yi we' zooyoid nyid da" myeingkhoid" joem yhang: ti" nghoid nyid. Nyangnu" gi vhoo: boo myono, mo nghoid boem yoomo shooyoug: daloem: ri we' thang: nyid" shid re" ga: ateung to" boem.