MIKHA 3:11 - Lacid Common Language Bible

¹¹ Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MIKHA 3:11 교차 참조

DANG: ZHOEM 17:23

Akyang" yoin" da" tarha" agyi phoo gi khoug" byid: da" khougvhoid jhungshug yo" yu zo: da deing byeung" moo" ri azei: nghoid da:.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 48:2

Nghoid loug we' nanu" gi gyeung" shang: da" voomoo" byu nghoid. Israela Mangsoo ri nanu" khau: nghe: nyid. Nya: myeing gi myhang: thang Aseing nghoid da: ga: phau: khuang tid nyid ago".

ESAIA 5:23

Nghoid loug we' khougvhoid vho: yoomo yooboo yu" su: ri nanu" loid byoin nhang: kaid ago". Ce: yooboo ayoo" yug ri tarha" deingmain" zi ayo" yu loosho' toem' pyam ago".

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

YEREMIA 23:17

Ngoo tid to" da" dang: ri atam" gyoo: loo: he: pyam da" byu yiri nyangnu" dangain" nyid gi yab ge loo goo" wa ga: nyangnu" xo' tid ago". Nyangnu" gi nheigloem: thain: bang: yugkhang" moo" ri yau: khe" kyi" khyeug zigi nyangnu" ri khanham we' ayo" ju" zang" wa» ga: tid ago".

YEREMIA 26:7

Khainjung yi lapi: yi yo' byumyu" yi dangain" gi hid su" ga: tid da" nga" dang: ri Noku Yhoem: Moo" moo shau" gyo: ago".

YEREMIA 5:12

Aseing da" byumyu" yigi nyang: ri ngeug pyam lho: tid boem zigi «Nyang: gi gyeing" ci: we' akoid wa. Ngoonu" gi yau: khi" da" ayo, shoug" wa anghoid- ngoonu" gi meing: zain: ziri we' phang" khoug khoug ziri we' shoug" wa anghoid» ga: tid abye: go".

YEREMIA 6:13

Byu gyi: zoo: nge zoo: yugkhang" moo" gi ngei ri adeingmain" da" khyo" sho: yu wa soin' ago". Lapi: yi yo' khainjung yi lang" mung byu yiri mhoug zo: ago".

YEREMIA 7:4

‹Ngoonu" goem loem ziyoo" bye:- hau: zigi Aseing da" Noku Yhoem: Moo" nghoid- hau: zigi Aseing da" Noku Yhoem: Moo" nghoid. Hau: zigi Aseing da" Noku Yhoem: Moo" nghoid› ga: da" mhoug dang: ri loem" nyid go".

YEREMIA 8:10

Houglho: ngoo gi nyangnu" da" mougmyid joem ri subi" goo" bang: jhang byid: pyam wigi nyangnu" da" yhoem: seing: myhi' yiri we' yuggi gooji bang: jhang byid: pyam wa. Byu gyi: zoo: nge zoo: yi yugkhang" moo" gi adeingmain" khyo" ngei shoo: wa yoem kaid nyid boem. Lapi: yi yo' khainjung yi lang" byumyu" yiri mhoug zo: ago".

EZEKIEL 22:12

Re" byumyu" yi mo dayham" gi aphoug" yoo" wa shid re" byu said da:. Dayham" gi nyangnu" da" Israela byumyu" nyang: cang" ngei jhid" byid: lho: atu" amyaid yu zo: ago". Houg: bang: jang" mo atu" amyaid yu nyid lho: nyangnu" yoo" zoo: yoo" shug lo ago". Nyangnu" ngoo ri to" myhid pyam bye:». Yoem moo" bo Aseing tid bye:.

EZEKIEL 22:27

Mung" vhoeb zoug: yigi nyangnu" yo" khaid yu to" da" shoo" ri ngaid phyo' zo: nyid da" zeigni joem yo' du ago".

EZEKIEL 34:2

Nyang: tid zigi «Shid: se' da" byu we"- Israela da" vhoebkhang" zoug: yiri tid phue: pyam we'. Nyangnu" ri lapi: pe: byid: wigi ngoo yoem: moo" bo Aseing nyangnu" ri tid nyid khyoo: ri tid kyoo" we'. Israela yang zung" bang: nanu" gi joem: lo" abye: go". Nanu" gi nanu" nya: gung ri yu" goin coung: lho: yang joem ri khanham we' azung" nghoid da:.

HOSEA 4:18

Zabyid yhid: myoo" sho' shug thang: ri nyangnu" da" shava myhi' shava phoo moo" moo pyo: nyid ago". Nyangnu" gi ngi: shab wa tho' ngi yoem" shang pyang: wa ziri je vho: ago".

HOSEA 4:8

Nanu" gi nga" byumyu" yi da" yooboo mo yoo" zoo: yoo" shug lo ago". Houg: yoomo nanu" gi nyangnu" ri je wigi yooboo xo' koid nhang: nau ago".

AMO 5:14

Nanu" gi kangso' shoug" dei nyid wa shid re" akhyeing" ashoeb moo" zoo" ri to" pyam lho: ge da" moo" ri zei: wa shid re" myid soin' too" we'. Houg: lang" yoem: moo" bo thang da" Aseing gi nanu" tid nyid ziyo' dakhyoo" ti" gyeing" nyang: nanu" jang" moo bo nyid wa zi nghoid.

AMO 9:10

Nga" da" byumyu" yi mo yooboo dab mo, gi Mangso wigi nyangnu" ri ce: dam dab ju: azang" nhang: wa zi anghoid» ga: tid nyid bang: dangain" gi meing: zain: jang: moo said pyam zi shoug" wa» ga: tid.

MIKHA 3:5

Nga" byumyu" yigi ngei byid: mo, rigi myenjham" khyoo: yoo" wa ga: dangsoo" byid: da" lapi: yi wigi mhau' jhoem" zi shau" ago". Nghoid loug we' ngei abyid: mo, rigi gyi khyo" kyug nhain' ago". He: lapi: yiri Aseing tid zigi

MIKHA 7:3

Nyangnu" dangain" gi akhyeing" ashoeb moo" zei: wa shid re" gye" jhang: mo, nghoid ago". Mung" zoug: yi yo' tarha" agyi yi gi khoug: vhoeb jhungshug mho' zo: ago". Nyangnu" ri ung: zo: da" atho' mo zoug: ludaid yigi nyangnu" ri nyangnu" vho: zi mho' yu wigi dage" za: byen phyoo" coem' zain: nyid boem ago".

ZEPHANI 3:3

Houg: mo vhujhung: koid mo, gi myeung nyid da" khangkhyi yhang: ti" nghoid nyid. Nya: da" dang: phyed zoug: yi we' zooyoid nyid da" myeingkhoid" joem yhang: ti" nghoid nyid. Nyangnu" gi vhoo: boo myono, mo nghoid boem yoomo shooyoug: daloem: ri we' thang: nyid" shid re" ga: ateung to" boem.

ZEPHANI 3:4

Lapi: yi we' loem agi mo, yo' fain" mo, kyeing" za: danghoid boem. Nya: khainjung yi we' gyeung" shang: da" noku joyoo ri avoid avhu: bue" lo" nhang: ziyo' Mangso tarha" ri we' nyangnu" da" akyu" koid wa shid re" za: te: phoug pyam nyid boem.

MALAKHI 1:10

Yoem: moo" bo da" Aseing hid: su" ga: tid nyid «Nanu" gi nga" da" phoin: tho' moo akyu" abo da" myi: ri are" tab wa shid re" nanu" yugkhang" moo" gi nga" gyeung" shang: da" yhoem: khoem" ri myhid" byid: rigi gi wa zi nghoid. Ngoo gi nanu" ri yu" ngei wa khyoo" aboo- nanu" da" jhungshug ri we' ngoo avhoo:.

MALAKHI 2:9

Houg: yoomo nanu" gi nga" da" khyoo: ri acang ziyo' tarha" dang: phyed uri myonhoo: khyen: boem yoomo byumyu" yi dangain" bang: da" shidkhoin" moo ngoo gi nanu" ri aphoug" akhyoid koid lho: phung youg nhang: pyam wa.

GYUNG: SOO" 16:15

Moshe nheig yo: lo wigi Aseing ri «Houg: bang: ci: re" da" xoin" joem ciri: we' akhab yu o". Ngoo gi nyangnu" ri ci: we' ashoid. Ngoo gi nyangnu" loo zei: joem mo dadu: ri we' ayu byid:» ga: tid.

GYUNG: SOO" 22:7

Houg: yoomo Moba yo' Midian byumyu" yi da" vhujhung: yigi nheing" khoin" shid re" aphoug" ci: wigi Balam ri Balag da" pyeing: dang: yhe: byid: ago".

MATHE 3:9

Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

1 TIMOTHI 3:3

Yhid: ashug main: su- angheing" ayang akoid su: nghoid lho: wigi sam" dab, nu" nham, su- myen, jham" khyoo: ri vhoo: su- nyang: gi ngei myo, ano, su: nghoid wigi

TITU 1:11

Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

1PETERU 5:2

Mangso da" yang phung: ri Mangsoo nanu" ri koid nhang: nau ziyo' dakhyoo" ti"- yu" coung goin, zung" lhug nyid ge, anoug akhyoid' khyo" akoid loo: za: nu" nham, vho: ngei da" myid' yo' koid nyi ge'- La, ga, nyho, khyo" anghoid loo: za: zhoo: gyi: zei: nau, khyo" gau yi ngei pyo: ziyo' zei: so' vhoin, wu, nyid ge'.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

1 SAMUELA 8:3

Nghoid loug we' nya: tang: gi nya: pho da" leig ri acang loo: za: ngei myo, no, da" moo" zoo" moo za: nheig dab nyid boem ago". Khougvhoid jhungshug joem ri nya: eig yug khab yu nyid yoomo jo eung: khyo" moo" zoo" ri ayo" tid phyed byid: nghoid ago".