MIKHA 2:1 - Lacid Common Language Bible

¹ Yhoeb yoo tho' moo jhang" jo, wigi akhyeung" da" moo" ri soin' nyid mo, shid re" khayhi' gyoug pho" zi nghoid nyid la". Myo, myang loo lang" nyangnu" gi ayo, agoo, gi yoo" yo' nyangnu" soin' to" da" akhyeing" ashoeb moo" ri zei: lo" ago".

MIKHA 2:1 교차 참조

APOEM AYANG: 31:29

Ngoo gi nang ri dam tab wa yoem: so' yo" nghoid loug amain re" pho da" Mangsoo gi nang ri ce: dam atab' wa shid re" ngoo ri zid" nhang: to".

1 KHOKHAM 21:7

Yezebela gi «Nghoid bye:- nang khokham nghoid anghoid rhe". Yhoeb yoo mo too' we'- pyoo: pyoo: nyid wigi zoo: shug we'. Nabod da" zabyid khyam: ri ngoo yu byid: ba» ga: phug tid.

ESTHA 3:8

Houg: yoomo Haman gi khokham phoo ri «Re" mungdain: goin" moo byu damyu" nyid byo jo, wigi mung" du khang" moo" moo nyid ziri shau" myang. Nyangnu" gi gootu: hang" yo' we' adu da" thung" ri: ri cang ago". Hau: tho' agoo" nyangnu" gi khokham mungdain: tarha" ri we' acang nghoid ago". Houg: yoomo nyangnu" ri hougsu" zeing: kham byid: wa khyoo: nang atung" ge myid amyang.

ESTHA 5:14

Houg: yoomo nya: yhoem: seing: myhi' yo' nya: byencang" yi dangain" bang: gi «Nyhed xe: wim: pi: myhang: da" byu cu" said pyang" zeing da loem: nang koid ri agi rhe". Nab yo nyid" nab soin" Modekhai ri houg moo cu" lhang" said pyam wa shid re" khokham phoo ri nang yo" mho' zi nghoid. Hau: thang: zooshug pui" khyoo: pyoo: pyoo: za: nang yo" yhi: wa nghoid» ga: phajhi" coem' byid: ago". Haman gi he: ziri ge da" akhyoo" nghoid ga: shau" myid yoomo byu said pyang" zeing daloem: zhug nhang: da:.

ESTHA 9:25

Nghoid loug we' Estha gi khokham pho jhang yhe: lho: khokham phoo khyoo" amyeing" lhid" pyoo: nhang: yoomo Haman gi nyang: wigi Yuda byumyu" yi shid re" nyheing soin' to" da" vhu" pi: lo, kyo' moo shoug" loem zo: da:. Nyang: yo' nya: da" yuggi zoo: yigi byu said pyang" zeing moo cu" lhang" said pyam zi shoug" ago".

YOBA 15:35

Yau: khi" ri kyam: to" wigi akhyeing" moo" ri koid nyid da" byu dayham" nyid ago" Nyangnu" da" nheigloem: moo khanham we' mhoug fain" zi byeung" jo, ago".

YOBA 24:14

byu said su: gi nab soin: moug: boo" zoo" moo to' lho: Myung bang: ri said pyam wa ga: yhe: lo" da:. Houg: lho: myen" ayo, ri nyang: khau" zo: da:.

COUNG" NGHEI 36:4

Nyang: gi nya: da" yhoeb yoo moo: leung jo, shi" mo akhyeung" da" moo" ri dasoin: yu" nyid. Nyang: koid da" moo" gi ge zi ci" we' aboo. Hau: lho: akhyeung" da" khyoo: ri nyang: khanham we' angeug pyam yu.

COUNG" NGHEI 36:5

Aseing we" re" da" geung: teung jhed khyeing: kang: khyeing: gi mougkhung: mougdi ju" sho' myhi: jo, wigi re" nheigloem: zung" khyoo: gi mougkhung: ju" sho' ce" je: lo.

COUNG" NGHEI 58:3

Akhyeung" da" byu yigi nyangnu" da" kangso' gyung: khyoo: dangain" jang" moo shoid vhang" khyo" za: so" nyid ago". Nyangnu" gi khu: re" bidnyid mo nyang:- mhau, fain" da" dang: ri za: tid nyid ago".

DANG: ZHOEM 12:2

Aseing gi byu gi ri vho: ngei nyid nghoid loug we akhyeung" da" moo" zoo" ri myid soin: nyid mo, rigi Nyang: gi yooboo dam kaid byid: nyid.

DANG: ZHOEM 14:22

Nang ge da" moo" riza: zei: nyid nghoid rigi byu gooji yi da" loem khau: khyoo: yo' phau" myang: khyoo: ri nang shoug" kham: yu wa zi nghoid. Nang akhyeung" da" moo" ri dazei: nyid nghoid rigi nang shoid abye:.

DANG: ZHOEM 3:27

Ge da" moo" ri zei: wa shid mo ca" yo nyid bang: shid re" ge bue" da" ayo, khang" moo" moo nang dazei: byid: nyid we'.

DANG: ZHOEM 4:16

Akhyeing" ashoeb, da" byu yigi shoid vhang: da" moo" daja: khyalang" ashau" koid nghoid rigi nyangnu" ayo" yhoeb jo, nghoid boem ago". Byu dayug yug ri dam ayo" tab rigi nyangnu" gi ayhoeb, loo: dagyeung: nyid ago".

ESAIA 29:20

Hau: zigi subi" gootu: ri zeig zoo: bang: yo' Aseing ri aphoug" akhyoid koid shug bang: da" lo" thang ayo, nghoid wa. Yooboo yoo" bang: yugkhang" moo" ri said toem" pyam wa.

ESAIA 3:14

Aseing gi nya: byumyu" yi da" ludaid yi yo' vhujhung: yiri dang: phyed wa shu" lo da:. Nyang: gi hidsu" ga: yooboo zhug abye:. «Nanu" gi zabyid khyam: joem ri lhoid yu ago". Nanu" yhoem: gi sho" jhen: bang: mo lhoid yu da" zi joem kaid pyeing to" ago".

ESAIA 32:7

Byu koo" gi akhyeing" su: nghoid lho: akhyeing" da" moo" joem ri koid da:. Nyang: gi myung: shoo" bang: ri byo, yoin" nhang: da" mhau' dang: khau" tid wigi nyangnu" yo" yu eung: da" akho: akhang" ri toem pyam byid: da:.

ESAIA 5:8

Nanu" gi joem abye: go". Nanu" yo" too" gu moo lung: wa shid re" yhoem: joem yo' yoothung" joem ri nanu" qei ago". Amyang" ri houg moo gooji hang" we' nyid wa joyoo ajo, wa. Hau: mung" moo nanu" za: nyid lo boem goo" wa.

ESAIA 59:3

Nanu" gi mhoug zi pyi: sho: zi byu said yooboo yo" ago".

YEREMIA 18:18

Byumyu" yigi «Yeremia yo' sen: wigi ngoonu" daja: koid boem shang. Ngoonu" ri jhau" shid byid: wa khainjung yi ngoonu" ri phajhi" byid: da" phajhi" boo bang- Mangso mungdang: ri tid fu" da" lapi: yi khanham we' nyid nyid boem wa. Nyang: ri yooboo foin: wigi nyang: tid da" dang: ri tam" gyoo: wa theing: pyam goo" shang» ga" tid ago".

EZEKIEL 11:2

Mangsoo gi ngoo ri «Shid: se' da" byu we"- he: byu yigi akhyeing" da" moo" soin' wigi he: voomoo" moo age da" phajhi" byid: ago".

EZEKIEL 33:26

Nanu" gi nanu" nya: sham: coin" joem moo khau: nghe: da:. Nanu" da" avoid gi aco' ajhoid nghoid da:. Yugkhang" moo" gi myi shoid lang shoid ago". Hau: mungdain: gi nanu" da" mung" nghoid ein: khasu" yo" myid go" la".

EZEKIEL 38:10

He: zigi Goga ri yoem: moo" bo Aseing tid zi nghoid da:. «Hau: ayo, ju" lang" nang gi akhyeing" da" moo" zoo" ri myid shid" thu loo wa.

EZEKIEL 46:18

Vhoeb khang" nyid da" khokham nu" gi byumyu" yi da" jonu" ri nyangnu" lo, mo age yu pyam byid: wa. Nya: zoo: yiri nyang: kho' gam byid: da" kha: mougmyid nghoid loug we' nyang: ri byid: to" da" mougmyid mo nghoid ca" da:. Houg: lang" nyang: gi nga" byumyu" yi da" mougmyid ri lhoid yu pyam da" khyo" nyangnu" ri adoin: zeug zoo: loo wa.

MIKHA 6:12

Nyangnu" mo yoo" zoo: yoo" shug bang: gi myung mo, ri doin: zeig zoo: goo" yoomo nanu" dangain" bang: gi mhoug mo, za: nghoid ago".

NAHUM 1:11

Nineve nang mo Aseing ri thougtheung wa shid re" akhyeing" khyo" nyheing soin' da" nheigloem: yo' byeung" su: dayug thu loo bye:.

ZEKHARIA 7:10

Cougmoo" myhi' anghoid lang" gi coug" zoo: anghoid lang" gi nanu" akhoug: moo nyid da" tungbau byu yi yo' sho" jhen: mo, ri adoin: zeig goo". Nanu" gi dayug yo' dayug noo nhang: go" da" khyoo: akoid goo"» ga: tid kyoo" bye:.

MARKU 15:1

Nabsoin: no" mo Khainjung zeing yi yo' Ludaid yi tarha" sara yi Yuda tarha" koung si: goin" mo mo, -hain: hain: za: byen phyoo" sham: go" nyid boem bye-hau: thang: ri Yesu ri tei" wigi Pilaid ri yhe: she: ab byid: pyam ago".

LUKA 20:19

Tarha" sara: yi yo" khainjung agyi moo": yi gi nyangnu" ri yeing lho: he: da" dangtu' tid ziri se' gyoo: yoomo Yesu ri myab myheig pyam wa shid' re" yoem: kaid nyid boem bye. Nghoidloug we' ayang nu" gi byu phung: yi ri gyoug nyid ashi" go.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

ACTS 23:12

Thang: nyid" nab, kyoo ri Yuda byumyu" dayham" gi sham: go" lho: phajhi" daja: ri khyau" ci: ago". Nyang: nu" gi Polu ri ayo" said' pyam' pyam' gi ci" we' azoo: ashug wa"- ga: nheung" ci ago".

ACTS 23:15

Houg: yoomo ngoonu" yo' tarha" yab, do, mo phung: bang: gi Polu da" khyoo: ri je" si' noug goin' koid lho: Polu ri nanu" jhang khyoo: shu" gyo" loo wa shid mo Roma gyizoug: moo" jhang dang: pyeung: kaid ge'. Nanu" jhang khyoo: nyang: aju" gyo" loo shi uri ngoonu" gi nyang: ri said' wa shid re" - jen" jen" lang" nyid boem wa ga: yhe: tid boem.

Roma 1:30

Dang: soso' subi" myo nhoo: shoem: nhang: Mangsoo: ri we' ngheung" avhoo: mo nghoid. Nyang: cang" nyang: juang" go" - nghoid boin: yung" thui: gyo: - phau: fain" vo: ngeig se: subi" ri aphoug"- age khyoo: aja: ja: ri - nyheing soin: zei so' se' boem. Nya: myhi' nya: pho dang: ri we' atam" gyo: boem.

TARHA" TID POIN" 28:32

Nanu" yu" nyid uri nanu" yuggi zoo: yi myiyi: zoo: yi join khyo" tungbau byumyu" yiri byid: pyam zi shoug" wa. Nanu" gi nyid" khang" moo" nanu" zooshang: yi doem tau" loo wa ziri myojid" myung: sho' zhug yu" nyid wa.