MIKHA 1:11 - Lacid Common Language Bible

¹¹ Shaphira voo moo nyid da" voobyu yi we"- gung cen: shoo" pyoid yo' asho' ashid: shau" zoore phang: thu loo" ge'. Zanan moo nyid mo, gi nyangnu" voogung mo avoem" thu lo" boem. Betezela bang: ngau myheung ziri nyangnu" shoug" gyoo: lang" gi houg: moo gyiphang: phang: khoug: zung ajo, ziri nyangnu" si' wa nghoid.

MIKHA 1:11 교차 참조

ESAIA 16:2

Nyangnu" gi Arnon gyid yam moo lang" nyid boem wigi ngho' soid mo khaid thu pyam shau" da" ngho' joem yhang: ti" myid byu khyoo: atoo" loo: za: thu: khyoo: hid khyoo: lam" yen" ago".

ESAIA 20:4

Asuri khosen gi he: mungdain: eig loem mo nyang: myheug yu da" thung: byu yiri shoocen: doem shu" lo" byug wa. Nge zoo gyi: zoo: nyangnu" gi cug pung: di: di: shoocen: doem khyid: cen: khyoo: so" loo goo" wa. Egutu ri sho' phu" nhang: wa.

YEREMIA 13:22

He: gu: dangain" ciwim yoomo nang moo bue" lo la" ga: myid ri ciwim re" byimi joem ri lang: ceig pyam byid: lho: nang ri doin: zeig rue" zi shoug" rigi hau: zigi re" yooboo sung dam xoo: yoomo nghoid da:.

YEREMIA 48:6

‹Myab ge'. Nanu" da" kangso' loid wa shid re" tang" ge'. Dain" pyoid yoo mo loo zei: lam" tang" ziyo' dayhang: ti" tang" ge'› ga: nyangnu" tid go".

YEREMIA 48:9

Moba shid re" loeb lugzeing tu: zhug ge'. Hau: zigi amyang" ri byo, yoin" zi shoug" wa. Houg: mo voogung joem gi byo, yoin" jo, wa. Houg: moo hang" we' adoem nyid loo goo" wa» ga: zi nghoid. (

EZEKIEL 16:37

He: gang mo ngoo gi shid phyang" mo nang jheddab ziyo' nang ngheung" da" re" zooyam phoo yi dangain" ri khe: zheing" yu wa. Ngoo gi nyangnu" ri re" lheing khoem moo shu" nyhid: to" lho: re" byimi joem ri khyoid pyam byid: wigi nyangnu" wigi nang ri shoo" cen: doem: shau" myang nhang: wa.

EZEKIEL 23:29

Houg: lho: nyangnu" gi nang ri ngheing" boem yoomo nyangnu" gi nang moo" zei: wigi yo" to" da" ja: dangain" ri yu pyam byid: lho: nang ri gung cen: khyoid shang: pyam wigi shava myhi' yhang: ti" ci: shug too" wa. Re" da" mhain: myid yo' shava myhi' moo" zoo" gi

MIKHA 1:8

Houg: lang" Mikha tid zigi «He: khyoo: yoomo ngoo gi koug myeing" yo' nyho: ngau nyid wa zi nghoid. Ngoo kougshu: zi si' wa shid re" khyid: cen: yo' shoo" cen: doem: so" yen" shug wa zi nghoid. Khuid" lam" su" gyab lho: Gola-ug gyo, yhang: ti" myeung yen" wa zi nghoid.

NAHUM 3:5

Yoem: moo" bo da" Aseing gi tid nyid «Nineve we" nang ri ngoo shen" yhen loo wa. Ngoo gi nang ri shoocen: doem lang: shang: byid: loo wa nghoid wigi nang mo re" da" sho' ja: dangain" byu yiri myang nhang: wa nghoid.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

YOSHU 15:37

Hougmoo: Zenam- Hadasha- Migdalagad-