MATHE 9:15 - Lacid Common Language Bible

¹⁵ Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.

MATHE 9:15 교차 참조

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

MATHE 9:14

Houg: lang" Baptisma sara: Yohan da" cangzoo: yi gi Aseing jang" moo ju" re" boem lho: «ngoonu" yo' Pharishe yi zoo: noem doem zeung: zeung: dakoid nyid ziri re" cangzoo: yi gi ciwim zoo: noem azeung: go" la"» ga: re" myed.

MATHE 9:16

«Byi joid ri byi: seig cu' yo" hang" aphoo:- houg: su" koid: lang" byi: seig cu' gi byi: xoug" ri lang: ceug lho: je bang" loo" wa zi nghoid.

MARKU 2:19

Yesu gi nyangnu" ri phoug tu" wigi myi: pheung" fang pui" loem mo, gi Phoo, seig yo' nyid shi" uri zoonoem ge jung" pyam' wa la". nyangnu" gi phoo seig yo" dage" danyid nyid gi zoo: noem age jang" pyam.

MARKU 2:20

Nghoid loug we phoo seig ri nyangnu" mo kang" shu" lo" da" bidnyid ju" loo wa-houg: lang" gi nyangnu" zoo: pyam zeing boem wa zi nghoid.

LUKA 17:22

Yesu nya: cangzoo: yi ri tid zigi Nanu" myang nau da" Byu nya: zoo: bidnyid gi danyid" ju" loo wa. Nghoidloug we' nanu" gi hau: ziri shau" myang zi anghoid.

LUKA 5:34

Aseing Yesu gi loxo' pui" moo phoo seig danyid nyid gi being" voo yi ri zoo: noem zeung: nhang: wa la".

LUKA 5:35

Houg: su" nghoid loug we' loxo' phoo seig ri nyangnu" jang" mo shu" yu wa da" ayo, bidnyid ju" loo wa. Houg: lang" nyangnu" gi zoo: noem zeung: boem wa zi nghoid ga: tid.

YOHAN 16:6

He: da" khyoo: ri ngoo tid kyoo" yoomo nanu" gi nheig gye" gye" gyo: koug nyid boem ago".

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

ACTS 14:23

Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

1Korinthians 7:5

Nanu" gi shid mo wigi- akyu" mho' wa shid re"- daso, zoo: azoem" goo" loo: nyid wa shid re" myid veing" go" to" da" ayo, lid' lang" gi yhoem: seing: phoo, yhoem: seing: myhi' gung shoo" zoem" khoug: wa shid re"- ajang" pyam goo. akyu" mho' da" ayo, lid' lang" gi doem zoem" khau: nyid ge'. Hougsu" nghoid lang" gi nanu" da" gung doem: ri ayo" khang" yoomo satan gunglau" zi ashoug" goo" baja".

2~KORINTHU 11:27

Moozoo" yo" yau: khe" zi yhoeb, ashug" zo: zi myo" sho myen- zooyoid gyid shed shau" zi myo sho' lheung:- zookhoo: ayoo" loo- khau: nghi" jang: ajo- shoo" cen: doem: boi" lo shid: gyoin' joem ri sahu" nyid.

Pang Shug 19:9

Hau: thang: moo mouglagyoo: ngooritid zigi " Hau yang nu" da" loxo' pui" khyoo: khe: too" shau" mo, gi ngilhoo, mo, nghoid ein: lhid" too" we' Hau: lho: hau: " moug: lagyoo: doem, xo' tid zigi " He: dang: gi Mangso da" deungmain" mungdang: nghoid. ga: wigi ngoori tid.

Pang Shug 21:2

Hau: lho: gyeungshang: da" voogung seig Yerusalem gi nya: yhoem: seing: phoo yo' shau" goo" wa shidre" - jen" jen" lhoo, yhoung to" da" myhi, seig yhang: ti"- Mangso moug: khung: moug: di mo gyoo" lo ziringoo myang.