MATHE 8:27 - Lacid Common Language Bible

²⁷ Bo myang mo, gi mau" fo' yoin" to" boem wigi «He: yug gi cite" byu nghoid lha". Uglid yo" being: mhoid lang" nyang: ri tam" gyo:» ga: tid go" nyid boem.

MATHE 8:27 교차 참조

MATHE 14:33

Houg: lang" lhid' khoug: moo nyid da" cangzoo: yigi «Nang gi Mangso da" nya: zoo: gyeung" nyang nghoid bye:» ga: Nyang: ri noku boem ago".

MATHE 15:31

Houg: yoomo dang: ase tid mo, gi dang: se tid lo:- Gung yoin" mo, gi yangzain: lo- khyid: gyoug: mo, gi khyoo: yo" so" zi myo, amyang lo: mo, gi myo, doem myang ziyo'- Israela da" Mangsoo ri coung" byid: boem yoomo byu phung: moo" yi gi gye" yu" mau" nyid boem.

MATHE 8:10

Hau: dang: ri Yesu shau" gyoo: lang" gi nyang: gyo: mau" lho: nya: thang: cang mo, ri «nanu" ri ngoo jhug jhug tid ba- Israela amyu" moo lang" houg: yhi' loem" jeung" da" byu gi ngoo amyang yu" shi.

MATHE 8:26

Nyang: gi «ade: loem" jeung" mo, we" ciwim gyoug nyid go" lha"» ga: nyangnu" ri gyikoid houg: lang" nyang: to' lo lho: uglid yo" being: mhoid ri gyikoid. Houg: lang" uglid yo" being: mhoid gi atho' tid loo sho' sam" tam" to.

MATHE 8:28

Akhid" Yodan gyid thei: tab Gadare mung" gyoo: moo ju" lo" ri loeb boug moo re" nyid da" yu dab byu eig yug Aseing ri lhoem: tau yu. Nya: eig yug gi gye akhyeing" zi nghoid wigi hau: meing: khyoo: khyo" hang" we' avoem" led lo" boem.

MARKU 1:27

Meing: byu yi dangain: mo, mau" hang" to" boem wigi hid: gi cenoem koid lha"- Hau: zigi cite" da" jhoug" byid: khyoo: aseig nghoid lha". He: yug gi yu ri amyeing" byid: wa amyeung a na: boo su; nghoid zigyo' - nyangnu" tam: gyo: nyid ga: nyang cang" nyang: tid go" nyid ago".

MARKU 6:51

Yesu gi nyangnu" zhoung: jo, da" lhid' khyoug: khyoo: vang yhe: thang: ri lid gi noem: loo" khare" yoomo cangzoo: yi gi atho' tid loo: sho' mau byaug boem bye.

MARKU 7:37

Hau: ludang: ri shau" gyo: mo, dangain"- atho' tid loo sho' gyo: mau" pyam boem - nyang: gi ja: khang" moo" ri shoeb shoeb za: koid da:- nujed mo, ri we' nu: gyoo: nhang: lho: nhoid jed' mo, ri we-dang: tid nhang:- ga: tid ago".