MATHE 6:33 - Lacid Common Language Bible

³³ Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.

MATHE 6:33 교차 참조

1 KHOKHAM 17:13

Elia gi nyang: ri «Aci' goo"- lo" wigi re" zoo: noem ri lo" soin' yhung we'. Nghoid loug we' nang yo" da" jang" mo zooyho' dajhi' ri koid wigi nga" jang" moo shid" ci: ri" byid: we' hau: thang: deing gu: ri nang yo' re" zoo: shid re" koid we'.

COUNG" NGHEI 112:3

Nya: da" ikoin deungkhu: byu yi we' jonu" myo: lo wigi yoo" zoo: yoo" shoug lo boem wa nghoid. Nyang: gi pyaid moo: too: moo myo: tham: je: be: loo wa zi nghoid.

COUNG" NGHEI 37:25

Akhid" gi ngoo mang: bye:- ngoo gi ayo, myang" sho' nyid loo bye:. Nghoid loug we' byugi yiri Aseing wigi she: pyam to" ziri byugi yi da" nya: zoo: yi zoo: noem mho' zo: yen" ziri ngoo khanham we' amyang yu".

COUNG" NGHEI 37:3

Hau: Aseing ri nghe: khau: lo- ge da" moo" ri zei: nyid we'. Mungdain: moo: nyid lho: gau: nyu: myenjham" nyid we'.

DANG: ZHOEM 10:3

Aseing gi deingmain" da" byu yiri zooyoid zi ashoug" nhang: nghoid loug we' akhyeung" bang: ri koem gi nyangnu" myid, vho: khyoo: ri ayo" yu loo: sho' koid loo wa.

DANG: ZHOEM 28:10

Nheigloem: deingmain" su: ri akhyeing" ashoeb, da" moo" yo" zei: sho' ga: jhu, phyo' nghoid rigi nanyang: thoung: to" da" lhid moo: nang myi" wa nghoid. Yooboo ayoo" su: gi jhungshug yo" yu wa zi nghoid.

DANG: ZHOEM 8:18

Jonu" ziyoo yo' myonhoo: phung" yoeb byid: wa da" khyoo: nyid ge nyid de, lo khyoo: yo' oung: doid lo" da" khyoo: byid: wa shid re" ngoo yo.

PHAJHI" DANG: 10:2

Phajhi" bo su: gi jo zi koid wa ziyo' nheig agyeing: su: gi shoid zi koid wa zigi bui" nyid tarha" nghoid da:.

ESAIA 26:9

Nga" oungkhoug: nheigloem: dangain" yo' myen" ri nang ri ngoo lang" nyid. Mougmyid yo' mougmyid byu xangsu: yiri nang dang: phyed lang" Tarha" deingmain" khyoo: ri nyangnu" dangain" bang: jhau" yu loo goo" wa.

ESAIA 33:6

Houg: lho: byumyu" yiri nheigloem: geing: jo, nhang: wa. Nyang: gi nya: byumyu" yiri khanham we' goem loem byid: wigi nyangnu" ri phajhi" yo' lasi phajhi" ri byid: loo goo" wa. Nyangnu" da" phoug" dab thang da" jonu" gi Aseing ri gyoug phoug" zi nghoid loo wa.

ESAIA 45:24

«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.

YEREMIA 23:6

Nyang: khokham bue" loo lang" Yuda byumyu" yigi goem loem zi shoug" goo" wa. Israela byumyu" yigi ngei pyoo: yug yoo tung" shoug" nyid loo goo" wa. Nyang: gi ‹Ngoonu" khyoid yu Aseing› ga: myheing byid: zi shau" boem goo" wa.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 4:17

Hau: ayo, moo Yesu gi «Mougkhung: mungdain: ju" ri bye yoomo nanu" da" yooboo mo nheigloem: thid' loo ge» ga: Tarha" kho" shid" bye.

MATHE 5:6

«Mangsoo vho: da" khyoo: ri vho: ngei nyid mo, gi ngilho' boem wa. Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 12:31

Nanu" gi nya: mungdain: nya: deing: byeung" khyoo: ri xang: shed" ri shoo: ge' houg: lang" hau: zi joem nanu" ri byid: wa zi nghoid.

YOHAN 5:4

(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.)

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

ACTS 20:25

Ngoo gi Mangso mungdain da" khyoo: nanu" jang" moo cang kho" kyo yen" bye. Akhid" gi nanu" mo hang" we' ngoori khanham we' doem, shau" myang loo: goo" zi anghoid khyoo: ri ngoo se.

ACTS 28:31

Nyang: gi Mangso mungdain khyoo: ri kho" kyo" nyid ziyo' Aseing Yesu da" khyoo: ri agyug avoem, - ciri" we' alung" loo: za: jhau" mhoo, byid: nyid.

Roma 1:17

Phoo Mangsoo: gi - byu xangsu: yi ri khasu" vho: ngei kham: yu da" khyoo: ri - ngeibu: lu dang: mo tid pang toin" shid' nyid. Hau: da" khyoo: gi xang: shed" mo zi lo" thang ju" sho' loem" da" nheigloem: mo, ayang: qei" to" da khyoo: nghoid. Houg: yoomo jhoem: dang: moo tid zigi - Mangsoo: vho: ngei kham: yu zi shau" su: gi - loem" khyo" kangso' dei nyid ca" - ga: bo.

Roma 10:3

Nyanu" gi - Mangso: da shid' khoin" moo deingbyeing" lo wa da akhyoo" ri asi yoomo hau: khyoo" moo acang loo za: nyang: nyang: myid soin: nyheing koid' to" da khyoo: ri cang lo" boem. Houg: yoomo nyanu" gi - Mangsoo: nyheing to" deingbyeing" khyoo: moo acang boem.

Roma 14:17

Ngoonu" ri Mangso: mungdain: ein: da" zi gi zoo: zoo: shug shug koid' khyoo: anghoid loo za: gyeungshang: Venyi: khyo" byid: da: deingbyeing" khyoo: - myenjham" yug yo khyoo: yo" gau yi ngei pyo: khyoo: nghoid nyid.

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

1Korinthians 1:30

Mangsoo gi ngoonu" ri- Khristu yo' dadeing: daloem: za: bue" loo nhang: bye: yoomo Mangsoo gi Khristu ri ngoonu" da" phajhi" lasi, laleig bue" loo nhang: bye. nyang: khyo" wigi: Mangso da" shid khoin" moo- deing byeung" bang: yo" bue" loo bye- Mangso da" gyeungshang: byumyu" yo" bue" lo boem bye: ziyo'- ngoonu" gi lhoid pyoin kaid zi we' shau" boem bye.

1Korinthians 3:22

Polu we' Apolu we' Kepha we'- he: da" moug: myid we' kangso dei nyid ziyo' shid: lo" khyoo: we'- akhid" jo, da" zi yo' thang: phyang" ju" loo wa da" khyoo: joem we' jo, moo: jo, ri nanu" seung: ci: bye.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

PHILIPI 3:9

Ngoo gi toung: to" da" tarha" ri cang byeung" yhe: lo" khyo" wigi deing" byeung" khyoo: ayo" yu- akhid" Khristu ri loem" jeung" lo khyo" wigi deing byeung" khyoo: ri ngoo yo" yu bye_ hau: khyoo: gi loem" jeung" yoomo Mangsoo byid: da" nheig khyeug jeju" jhung: shug za: nghoid nyid.

2 THESALONI 1:5

He: khyoo: joem dangain" gi Mangso tarha" dang: phyed khyoo: deung ziri sagsi: toin" shid nyid hau: da" akyu" jeju" yoomo nanu" gi nya: da" mungdain yo' moin: yi" bang: bue" lo boem wa zi nghoid- hau" shid re" ein: nanu" gi kyi" kyeig jam jau zi shau" kham nyid boem bye.

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.