MATHE 6:23 - Lacid Common Language Bible

²³ Re" da" myojid" age nghoid rigi re" da" gung goin" moug: coid' nghoid nyid. Nang moo bo da" bidbang gi moug: coid bue" byug nghoid rigi hau: moug: coid' gi khayhi' thu: no, jo, wa lha".

MATHE 6:23 교차 참조

DANG: ZHOEM 26:12

Ci" we' asi' su: nyang: gi ung: yeig phajhi" bo ga: myid jho: nyid su: tho' re" nheig agyeung: thang da" byugang: gi je" ge nyid.

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

MATHE 20:15

Nga" ngei ri ngoo vho: khyo" age ci: yhung: rhe" Ngoo gi koid: ziri nang no" zo: da" nheigloem: bo rhe"»› ga: myid:.

MATHE 6:22

«Hau: myojid" gi re" da" gung du: mo myibung: nghoid nyid. Re" da" myojid" soo" soo" gyeung: nghoid rigi re" da" gung goin" bang nyid.

MARKU 7:22

Myi: lhoid lang lhoid go zi jhu phyo' go" khyoo: - mhau' nyam khyoo:- myed, nau: zi gei sang: khyoo:- nghoid boin: ziyo' akoo" apya doid koid da" khyoo: yo' age khyoo: myoo" sho' thu' lo nyid zi gi

LUKA 11:34

Myojid" gi gung du: da" myibung: yhangti" nghoid. Myojid" ge nghoid ri re" gung goin" bang nyid. Nghoid loug we' myo, amyang nghoid rigi-re" gung goin" moug coid jo.

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

Roma 1:22

Nyanu" tid zi gi - nyang: nya: da" gung ri - phajhi" bo ga: myid boem: nghoid loug we' - ce: phajhi" we' abo mo nghoid boem.

1Korinthians 2:14

Hau: Venyi khyo" kangso adei mo, hang" nghoid loug we'- Mangso Venyi wigi: byid: da" jhung: shug ri ashau" kham: yu boem. Hau: gu: gi nya: shid re" akoo" apyoid da" khyoo: za: nghoid wigi- Venyi nheigloem: wigi: za:- hau: khyoo: ri yo" tid pang byid: nyid yoomo- nyang: gi hau: gu: ri se' gyoo: su: anghoid.

Ephesu 4:18

Nyang: nu" da" se' yeug nyain: phajhi" gi moug: coid nghoid nyid wigi bain sho' nyang: akoo" afang: nghoid nyid nheigloem: thain: nyid boem yoomo Mangsoo byid: da" kangso' gam boem' moo nyangnu" gi aboo bang: nghoid nyid ago".

Ephesu 5:8

Shid' phyang" gi nanu" we' moug: coid' khoug: moo nyid lid lo yu" boem bye- Nghoid loug we' akhid" gi Aseing: da" byumyu" yi bue" lo boem bye: yoomo bidbang khoug: moo ju" vang lo boem bye- hougsu" nghoid yoomo nanu" gi bidbang da" nya: zooyi yhang: ti" zei: so' nyid yab, loo: ge'.

1YOHAN 2:11

Nghoid loug we' nya: mang: nya: nhung" ri anoug angei koid nyid su: koem gi hau: moug: coid moo danyid nyid shi" su: nghoid lho: wigi nyang: gi moug coid' khoug: moo so" loo" yoomo nyang: khakhyoo: lo" nyid zi ashi, Khasu" wim gari hau: moug: coid gi nya: myojid" ri lhu: ced' pyam' byid: bye.