MATHE 5:46 - Lacid Common Language Bible

⁴⁶ Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

MATHE 5:46 교차 참조

MATHE 11:19

Byu da" nya: zoo: gi zo: shug lho: re" ri we ‹Yu" ge, he: yug gi zo: myo, no su:- zabyidd" shug lid: su: nghoid- Kheing" khyu: zoo: mo, yo' yooboo yoo" mo, da" bidnoem phoo nghoid› ga: doem tid ago". Nghoidsho' loug Mangso da" phajhi"- deung main" khyoo: rigi Hau: phajhi" zei: thu' lo da:- nya: ashi" yo" sagsi: toin" shid' nyid» ga: tid.

MATHE 18:17

Gyeing: nyang: houg: bang: da" dang: ri we' nyang: atam" gyo: nghoid rigi hau: khyoo: bain sho Hpung moo yhe: tid kyoo" we'. Lo" thang moo Hpung: mo mo, da" dang: ri we' atam" gyo: nghoid rigi hau: yug ri Mangsoo ano" su: dagyug khyo" soin: pyam ge'.

MATHE 5:47

Nanu" da" nya: mang: nya: nhoung" yo" za: shau" doem go" nghoid rigi ci: je nghoid cang boo goo" wa lha". Mangsoo ri asi shi" mo, we" houg: su" lhung koid: boem anghoid goo" la".

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

MARKU 2:15

Hou: thang: ri Yesu gi Levi yhoem: moo voem: zo: nyid. Nya thang: cang da" kheung" khyu: zoo: mo, myoo" sho' we' yooboo yoo" mo, myoo: sho' mo dayham" gi Yesu yo' nya: cangzoo: yi yo" dage" voem: zoo: jang: moo bo zhoung: jo, ago".

MARKU 2:16

Houg: lang: kheung" khyu: zoo: mo, yooboo yoo" mo, yo' dage" Yesu zo: shug nyid ziri Pharishe" bi mo tarha" sara yi dayham" myang lang" nyangnu" gi ciwim wigi yooboo yoo" mo, kheung" khyu: zoo: mo, yo, dage" zo: shug nyid lha".- ga nya: cangzoo: yi ri myid: nyid boem ago".

LUKA 15:1

Damyid" ri kheing" khyu: zo: mo, yo"- sube" byu asoin: lo: mo, myoo" sho' gi Yesu da" dang: tam" gyoo: wa ga: nya: jang" moo zeing: re" boem.

LUKA 18:13

Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

LUKA 19:2

Hau: joyoo moo Zake ga: da" kheing" khyu: zoo: su: dayug nyid. Nyang: gi sathi" dayug nghoid.

LUKA 19:7

Hau: khyoo: ri myang da" byu yi gi «he: yug gi yooboo yoo" su: da" yhoem: moo theing: wa ga: yhe: loo" bye: nhung» ga: kyiyang myeing ago".

LUKA 3:12

Kheing" khyu: zoo: mo, gi babtisma kham: yu wa ga: ju" re" boem. Nyangnu" gi sara: we"- ngoonu" gi khasu" se' koid: loo: wa lha" ga: re" myed: boem.

LUKA 5:29

Hau: thang: ri Levi gi nya: yhoem: moo Yesu ri kham: yu da" pui" zeing daloem: koid. Pui" re" being" voo yi moo kheing" khyu: mo yo"- gootu: being" voo we' myoo" sho' bo re" ago".

LUKA 5:30

Pharishe" yo" nyangnu" da" byen cang" zheing: nghoid da" tarha" sara: yi gi ciwim wigi nyangnu" gi kheing" khyu: mo, Phung: thu' to" da" yooboo yoo" mo, yo" dage" voem: shoin" zo: boem lha"» ga: nya: cangzoo: yi ri yooboo foin: juang" yi boem.

LUKA 7:29

Kheing" khyu: zoo: mo, yo" dage" byu phung: moo" yi gi Yesu da" mungdang: ri shaug" gyoo: lang" Mangso da" deingmain" khyoo: ri coung" nghei byid: boem ago". Khasu" wim gari nyangnu" gi Yohan jang" mo Babtisma ri kham: yu mo, nghoid yoomo nghoid bye.

LUKA 7:34

Byu da" nya: zoo: gi zo: lho: shug lho: ri" lang" yen gi nanu" gi yu" ge' he: yug gi zo: lid shug lid su: nghoid ga: kheing" khyu: zo: mo, yo"- Phung: thu' mo, ri bidnoem noem su: nghoid ga: tid ago".